Mateo 11:5 - Mixteco del suroeste de Tlaxiaco Oaxaca

⁵ Rá ñɨvɨ kuáá jee núnijinꞌ nchinúún ráa jee nákune̱ꞌyá ráa, jee rá ñɨvɨ lénkó nákaka ráa, jee rá ñɨvɨ nóꞌo kue̱ꞌi̱ꞌ ni̱ꞌyɨ stéꞌyúꞌ ñɨɨn naní lepra jee kuíyo ni̱ꞌyɨ ñɨɨn ráa jee nónoo ráa nu̱u̱nꞌ kue̱ꞌi̱ꞌ ráa, jee rá ñɨvɨ sóꞌó jee núnijinꞌ so̱ꞌo ráa, jee rá ni̱yɨ jee nátekuꞌ ráa sáꞌá ni̱ꞌ, jee nu̱u̱nꞌ rá ñɨvɨ láꞌví káchítu̱ꞌún ni̱ꞌ tu̱ꞌun váꞌa jie̱ꞌe̱ꞌ nuꞌuꞌ ya̱ kuvi ni̱ꞌi̱nꞌ ráa ya̱ natavaꞌ ni̱ꞌ ráa nu̱u̱nꞌ kua̱chi ráa sikáku ni̱ꞌ ráa.

Mateo 11:5 ပူးပေါင်းရင်းမြစ်များ

Mateo 10:8

Jee kuáxinúvi rán rá ñɨvɨ kúꞌvíꞌ jín rá ñɨvɨ ya̱ nóꞌo kue̱ꞌi̱ꞌ ni̱ꞌyɨ stéꞌyúꞌ ñɨɨn naní lepra, jee suni kuánaxinátekuꞌ rán rá ñɨvɨ níꞌiꞌ, jee suni kuátaníkɨ́nꞌ rán rá ta̱chi̱ꞌ kíni yɨ́ꞌɨ́ iniꞌ ñɨvɨ. Jee kua̱ꞌ nsi̱kútaꞌviꞌ saɨn ni̱ꞌ tiñu níꞌin ííꞌ nu̱u̱nꞌ rán, jee suni sukuán saꞌá saɨn rán rá tiñu vá.

Mateo 11:4

Jee nna̱xiníkó Jesús nu̱u̱nꞌ ráa: ―Kuáꞌán rán jee nakani rán nu̱u̱nꞌ Juan jie̱ꞌe̱ꞌ rá tu̱ꞌun ya̱ tésóꞌo rán jín rá tiñu sáꞌá ni̱ꞌ ya̱ néꞌyá rán.

Mateo 12:13

Saájee nkachiꞌ re̱ꞌ nu̱u̱nꞌ te̱e naꞌá nachi vá: ―Skaáꞌ naꞌá nú. Jee nsi̱kááꞌ‑a naꞌá‑a, jee nnuva̱ꞌa vá kuéntáꞌ íyó inka ka̱ꞌ naꞌá‑a.

Mateo 21:14

Jee yukuán ña̱kuyatɨn rá ñɨvɨ kuáá, jín ñɨvɨ lénkó nu̱u̱nꞌ íñɨ́ Jesús iniꞌ chíkéꞌi nééꞌ ichinúúnꞌ veñu̱ꞌun, jee nxi̱núvi re̱ꞌ ráa.

Mateo 5:3

Na̱ ka̱ꞌ netuꞌ ka̱ꞌ kúvi rá ñɨvɨ ñúꞌún láꞌví iniꞌ ánímaꞌ ráa ichinúúnꞌ Ndiosíꞌ, ya̱ jíníꞌ ráa ya̱ jíniñúꞌún ráa chineí Ndiosíꞌ ráa, chi suviráa vá yɨ́ꞌɨ́ ráa naꞌá Ndiosíꞌ nééꞌ antivɨ́ súkún ya̱ tátúníꞌ re̱ꞌ.

Mateo 9:30

Saájee nnu̱nijinꞌ rá nchinúún ráa jee nkuvi nna̱kune̱ꞌyá ráa. Jee nta̱túníꞌ ni̱ꞌin re̱ꞌ nu̱u̱nꞌ ráa, jee nkachiꞌ re̱ꞌ: ―Kumí rán ya̱ koto ni ɨɨn ñɨvɨ kukáꞌnú iniꞌ‑i ya̱ nkuvi jín rán.

Marcos 7:37

Jee nti̱vɨ́ nasɨ́kuitɨꞌ xíniꞌ ráa, jee nkachiꞌ ráa: ―Va̱ꞌa sáꞌá re̱ꞌ nɨꞌɨ, chi rá sóꞌó tésóꞌo ráa sáꞌá re̱ꞌ. Jee suni rá ñɨ́ꞌɨ́nꞌ káꞌánꞌ ráa sáꞌá re̱ꞌ ―nkachiꞌ ráa.

Marcos 9:25

Sáá nne̱ꞌyá Jesús ya̱ nku̱tútú ya̱chi̱ꞌ víꞌí ñɨvɨ, jee nku̱xeenꞌ re̱ꞌ nu̱u̱nꞌ ta̱chi̱ꞌ néꞌí vá, jee nkachiꞌ re̱ꞌ nu̱u̱nꞌ‑u: ―¡Ta̱chi̱ꞌ kíni ya̱ sáꞌá ñɨ́ꞌɨ́nꞌ nú jee sáꞌá sóꞌó nú! ¡Nuꞌuꞌ tátúníꞌ ni̱ꞌ nu̱u̱nꞌ nú, ya̱ kene nú iniꞌ re̱ꞌ, jee koto kívɨ nú ka̱ꞌ iniꞌ re̱ꞌ!

Lucas 4:18

Ta̱chi̱ꞌ Ííꞌ I̱toꞌoꞌ‑ó Ndiosíꞌ íyó‑o jín nuꞌuꞌ, chi ñani Ndiosíꞌ nuꞌuꞌ sáva nakani ni̱ꞌ tu̱ꞌun váꞌa re̱ꞌ nu̱u̱nꞌ rá ñɨvɨ láꞌví, jee suni nchu̱ichí re̱ꞌ nuꞌuꞌ sáva nasaꞌá váꞌa ni̱ꞌ iniꞌ rá ñɨvɨ ya̱ íyó tu̱nkuíꞌyáꞌ iniꞌ ánímaꞌ ráa, jín sáva kachitu̱ꞌún ni̱ꞌ tu̱ꞌun váꞌa ya̱ nakani núne ni̱ꞌ rá ñɨvɨ ya̱ yɨ́ꞌɨ́ ráa xi̱ntíín kua̱chi ráa, jín suni sáva saꞌá ni̱ꞌ ya̱ nakune̱ꞌyá rá ñɨvɨ kuáá, jee suni sáva nakani núne ni̱ꞌ rá ñɨvɨ nu̱u̱nꞌ tu̱nóꞌó jíchi rá ñɨvɨ ráa,

Juan 10:25

Jee nna̱xiníkó Jesús nu̱u̱nꞌ ráa: ―Ya nkachiꞌ ni̱ꞌ maa nu̱u̱nꞌ rán, soo ntu̱ví jínúꞌ iniꞌ rán maa. Jee rá tiñu va̱ꞌa a̱nasɨ́ ya̱ sáꞌá ni̱ꞌ nu̱u̱nꞌ súví Tátáꞌ ni̱ꞌ, jee rá yaꞌá jiáꞌa ya̱ naáꞌ jie̱ꞌe̱ꞌ nuꞌuꞌ.

Juan 10:38

Soo retú sáꞌá ni̱ꞌ tiñu re̱ꞌ, asúꞌ ntu̱ví jínúꞌ iniꞌ rán nuꞌuꞌ, íyó i̱nu̱ꞌ iniꞌ rán ya̱ tiñu Tátáꞌ ni̱ꞌ ví rá tiñu sáꞌá ni̱ꞌ, sáva kukáꞌnú iniꞌ rán jee xiníꞌin rán kuniꞌ rán ya̱ yɨ́ꞌɨ́ Tátáꞌ ni̱ꞌ iniꞌ ni̱ꞌ jín ya̱ yɨ́ꞌɨ́ ni̱ꞌ iniꞌ Tátáꞌ ni̱ꞌ ―nkachiꞌ Jesús.

Juan 2:23

Jee sáá nééꞌ Jesús nu̱u̱nꞌ ñuunꞌ Jerusalén ya̱ kúvi rá ki̱vɨ̱ꞌ viko Pascua ya̱ sáꞌá rá ñɨvɨ Israel, jee kue̱ꞌe̱ꞌ rá ñɨvɨ ni̱nu̱ꞌ iniꞌ ráa re̱ꞌ, sáá niniꞌ ráa rá seña a̱nasɨ́ sáꞌá re̱ꞌ.

Juan 3:2

Jee ña̱ꞌa̱nꞌ te̱e yaꞌá yakuááꞌ nu̱u̱nꞌ nééꞌ Jesús, jee nkachiꞌ re̱ꞌ nu̱u̱nꞌ Jesús: ―Mestrúꞌ, jíníꞌ ránꞌ ya̱ máá Ndiosíꞌ nchu̱ichí noꞌó va̱ji nú sáva xínéꞌénꞌ nú rá tu̱ꞌun re̱ꞌ, kuéntáꞌ ɨɨn Mestrúꞌ nu̱u̱nꞌ ránꞌ. Chi ni̱ꞌ ɨɨn ñɨvɨ nsáꞌ kúvi saꞌá rá seña a̱nasɨ́ sáꞌá nú, retú ntu íyó Ndiosíꞌ jín‑i.

Juan 5:36

’Soo íyó ɨɨn ya̱ jiáꞌa ya̱ naáꞌ máá ñáꞌnú yɨ́yáꞌvi ka̱ꞌ jie̱ꞌe̱ꞌ ni̱ꞌ nsú káꞌ ya̱ njia̱ꞌa Juan. Chi rá tiñu ya̱ ntaji Tátáꞌ ni̱ꞌ sáva sikúnkuvi ni̱ꞌ, jee rá tiñu vá ya̱ sáꞌá ni̱ꞌ jiáꞌa ya̱ naáꞌ jie̱ꞌe̱ꞌ ni̱ꞌ, chi rá tiñu vá stúvi ya̱ Tátáꞌ ni̱ꞌ nchu̱ichí re̱ꞌ nuꞌuꞌ.

Juan 9:7

Jee nkachiꞌ re̱ꞌ nu̱u̱nꞌ te̱e vá: ―Kuáꞌán nakete nú nu̱u̱nꞌ nú nu̱u̱nꞌ pila naní Siloé nu̱u̱nꞌ ñúꞌún nute. (Tu̱ꞌun Siloé kuíni kachiꞌ Ya̱ Nchu̱ichí.) Saájee kua̱ꞌa̱nꞌ te̱e kuáá vá, jee nna̱kete‑e nu̱u̱nꞌ‑u, jee nnu̱nijinꞌ rá titɨ nchinúún‑u jee nni̱kó‑o kua̱noꞌonꞌ‑o.

Hechos 2:22

Jee suni nkachiꞌ Pedro nu̱u̱nꞌ ráa: ―¡Ránoꞌó tántéyɨ́ɨ́ Israel! Teso̱ꞌo rán rá tu̱ꞌun yaꞌá. Jesús, ya̱ váji ñuunꞌ Nazaret, nstúvi Ndiosíꞌ nteñu ránoꞌó ya̱ nchu̱ichí re̱ꞌ maa. Chi nsa̱ꞌá Ndiosíꞌ, ya̱ nsa̱ꞌá re̱ꞌ rá milagrúꞌ, rá tiñu a̱nasɨ́ ya̱ nsa̱ꞌá‑a ya̱ nti̱vɨ́ xíniꞌ‑ó, jín rá seña, ya̱ stúvi ya̱ kúñáꞌnú ví re̱ꞌ. Nsa̱ꞌá re̱ꞌ rá yaꞌá nteñu ránú, sáni ya̱ jíníꞌ ránú.

Santiago 2:5

Ránoꞌó ñaniꞌ ni̱ꞌ jín ku̱ꞌva ni̱ꞌ ya̱ ñúnúunꞌ ni̱ꞌ, teso̱ꞌo yaꞌá: Ndiosíꞌ nka̱ji re̱ꞌ rá ñɨvɨ láꞌví íyó ñɨ̱vɨ́ yaꞌá, sáva kukúká ánímaꞌ ráa kúneí iniꞌ ráa re̱ꞌ, jee sáva ni̱ꞌi̱nꞌ ráa ta̱ꞌvi̱ꞌ ya̱ kɨꞌɨ ráa naꞌá re̱ꞌ nu̱u̱nꞌ tátúníꞌ re̱ꞌ, ya̱ suvivá nchi̱sóyuꞌú re̱ꞌ ya̱ ku̱ꞌva re̱ꞌ nu̱u̱nꞌ rá ñɨvɨ ya̱ ñúnúunꞌ ráa re̱ꞌ.