Marcos 9:9 - Mixteco del suroeste de Tlaxiaco Oaxaca

⁹ Jee ni kua̱núún ráa xi̱ni̱ꞌ yuku vá, jee nta̱túníꞌ Jesús nu̱u̱nꞌ ráa, ya̱ ni ɨɨn nu̱u̱nꞌ koto nákani ráa ya̱ niniꞌ ráa. Nta̱túníꞌ re̱ꞌ ya̱ nnákani ráa maa ne̱ ki̱vɨ̱ꞌ natekuꞌ i̱i̱ꞌ re̱ꞌ nteñu rá níꞌiꞌ, jee nako̱o yɨkɨkúñu re̱ꞌ, ya̱ nta̱jí Ndiosíꞌ nu̱u̱nꞌ ñɨ̱vɨ́ sáva kuvi re̱ꞌ Se̱ꞌya Ñɨvɨ.

Marcos 9:9 ပူးပေါင်းရင်းမြစ်များ

Mateo 12:19

Ni nsáꞌ kantáꞌán túꞌun re̱ꞌ, jee ni nsáꞌ kanajíín re̱ꞌ, jee ni ɨɨn ñɨvɨ nsáꞌ teso̱ꞌo ráa ta̱chi̱yuꞌú re̱ꞌ iniꞌ rá ichi.

Mateo 12:40

Chi kuéntáꞌ kua̱ꞌ ñúꞌún Jonás u̱ni̱ꞌ ki̱vɨ̱ꞌ jín u̱ni̱ꞌ yakuááꞌ iniꞌ ɨɨn tia̱ká máá káꞌnú nasɨ́kuitɨꞌ, jee suni sukuán kuvi jín nuꞌuꞌ, ya̱ nta̱jí Ndiosíꞌ nu̱u̱nꞌ ñɨ̱vɨ́ sáva kuvi ni̱ꞌ Se̱ꞌya Ñɨvɨ, chi kɨse̱ꞌí ni̱ꞌ chi̱ji ñuꞌun u̱ni̱ꞌ ki̱vɨ̱ꞌ jín u̱ni̱ꞌ yakuááꞌ.

Mateo 16:21

Ne̱ saájee nka̱jiéꞌé Jesús nakachiꞌ va̱ꞌa na̱a̱ꞌ re̱ꞌ nu̱u̱nꞌ rá te̱e súkuáꞌa re̱ꞌ vá, ya̱ íyó re̱ꞌ kɨ̱ꞌɨ̱nꞌ re̱ꞌ nu̱u̱nꞌ ñuunꞌ Jerusalén. Jee rá te̱e kúñáꞌnú, jín rá su̱tu̱ꞌ kúñáꞌnú, jín rá te̱e xínéꞌénꞌ tu̱ꞌun nta̱túníꞌ Ndiosíꞌ yanaꞌán, xinóꞌo víꞌí ráa re̱ꞌ, jee kaꞌniꞌ ráa re̱ꞌ. Soo ki̱vɨ̱ꞌ uníꞌ jee natekuꞌ i̱i̱ꞌ re̱ꞌ kene re̱ꞌ nteñu rá ni̱yɨ.

Mateo 27:63

jee nkachiꞌ ráa: ―I̱toꞌoꞌ, nákúꞌun iniꞌ ráníꞌ ya̱ sáá ntekuꞌ te̱e xínáꞌví vá, jee nkachiꞌ re̱ꞌ: “Ki̱vɨ̱ꞌ uníꞌ jee natekuꞌ ni̱ꞌ kene ni̱ꞌ nteñu rá ni̱yɨ.”

Mateo 8:4

Jee nkachiꞌ Jesús nu̱u̱nꞌ te̱e vá: ―Koto káchíꞌ nú nu̱u̱nꞌ ni ɨɨn ñɨvɨ ya̱ nxi̱núvi ni̱ꞌ noꞌó. Chisaꞌ kuáꞌán, kuáxinéꞌénꞌ nú maánú nu̱u̱nꞌ su̱tu̱ꞌ ya̱ nnuvi nú, jee so̱ko̱ꞌ nú nu̱u̱nꞌ Ndiosíꞌ sánikua̱ꞌ tátúníꞌ tu̱ꞌun njiáꞌa Ndiosíꞌ nu̱u̱nꞌ Moisés ne̱ yanaꞌán. Jee sukuán so̱ko̱ꞌ nú nu̱u̱nꞌ Ndiosíꞌ sáva stúvi nú nu̱u̱nꞌ rá ñɨvɨ ya̱ ya nnuvi nú.

Marcos 5:43

Soo nta̱túníꞌ ni̱ꞌin Jesús nu̱u̱nꞌ ráa ya̱ ni ɨɨn nu̱u̱nꞌ nka̱chíꞌ ráa maa. Jee nkachiꞌ re̱ꞌ ya̱ ku̱ꞌva ráa kajiꞌ ñalúlí vá.

Marcos 7:36

Nta̱túníꞌ Jesús ya̱ ni ɨɨn nu̱u̱nꞌ nka̱chíꞌ ráa maa. Sú saꞌ víꞌí ka̱ꞌ tátúníꞌ re̱ꞌ nu̱u̱nꞌ ráa, jee saꞌ víꞌí ka̱ꞌ stékútu̱ꞌún ráa maa.

Marcos 9:10

Saájee nñu̱ꞌun yuꞌuꞌ iniꞌ ráa maa. Jee nkaꞌanꞌ maáráa ya̱ ná kúníꞌ kachiꞌ ya̱: “Natekuꞌ i̱i̱ꞌ re̱ꞌ nteñu rá níꞌiꞌ.”

Marcos 9:8

Sa̱naanꞌ ni sáá nna̱kune̱ꞌyá rá ni núníꞌ te̱e súkuáꞌa jín Jesús iyo iyo ichi, ni ɨɨn ntu̱náꞌ niniꞌ ráa, kua̱chi métúꞌún Jesús nkino̱o íñɨ́ jín ráa.

Lucas 24:46

Jee nkachiꞌ re̱ꞌ nu̱u̱nꞌ ráa: ―Sukuán níso nu̱u̱nꞌ Tutuꞌ Ííꞌ ya̱ saá íyó kunoꞌo ni̱ꞌ ya̱ kúvi ni̱ꞌ Cristo, jee ki̱vɨ̱ꞌ uníꞌ ya̱ níꞌiꞌ ni̱ꞌ jee natekuꞌ i̱i̱ꞌ ni̱ꞌ nako̱o ni̱ꞌ kene ni̱ꞌ nteñu rá ni̱yɨ.

Lucas 9:36

Jee sáá ña̱kui̱ñɨ̱ꞌ ya̱ káꞌánꞌ nusuyuꞌú vá, jee niniꞌ ráa ya̱ kua̱chi métúꞌún nika̱ꞌ Jesús íñɨ́ re̱ꞌ jín ráa. Jee nñu̱yuꞌuꞌ iniꞌ ráa jie̱ꞌe̱ꞌ vá, jee rá ki̱vɨ̱ꞌ yukuán ni ntu̱né nkáchíꞌ kuitɨꞌ ráa nu̱u̱nꞌ ni ɨɨn rá ñɨvɨ ya̱ niniꞌ ráa.