Marcos 9:5 - Mixteco del suroeste de Tlaxiaco Oaxaca

⁵ Jee nkachiꞌ Pedro nu̱u̱nꞌ Jesús: ―¡Mestrúꞌ! ¡Na̱ ka̱ꞌ va̱ꞌa ka̱ꞌ ya̱ íyó‑ó yaꞌá! Saꞌá ráníꞌ u̱ni̱ꞌ veꞌi sayo, ɨɨn kuvi nú, jee ɨɨn kuvi Moisés, jee ɨɨn kuvi Elías.

Marcos 9:5 ပူးပေါင်းရင်းမြစ်များ

Mateo 17:4

Saájee nkachiꞌ Pedro nu̱u̱nꞌ Jesús: ―I̱toꞌoꞌ, na̱ ka̱ꞌ va̱ꞌa ka̱ꞌ ya̱ íyó‑ó yaꞌá, retú kuíni nú, jee saꞌá ni̱ꞌ u̱ni̱ꞌ veꞌi sayo: ɨɨn kuvi nú, jee ɨɨn kuvi Moisés, jee ɨɨn kuvi Elías ―nkachiꞌ Pedro.

Mateo 23:7

Jee ñúnúunꞌ ráa ya̱ káꞌánꞌ yɨ́ñúꞌún ñɨvɨ jín ráa rá nu̱yáꞌvi, jín ya̱ káꞌánꞌ ñɨvɨ ráa mestrúꞌ.

Mateo 23:8

’Soo ránoꞌó, koto jiáꞌa rán ya̱ kaꞌanꞌ rá ñɨvɨ mestrúꞌ kúñáꞌnú ránoꞌó. Chi métúꞌún ni mestrúꞌ kúñáꞌnú rán íyó, ya̱ kúvi Cristo, jee ntáká ránoꞌó chi ɨɨn ni kúvi rán ya̱ kúvi rán ñaniꞌ jín ku̱ꞌva.

Marcos 9:4

Jee niniꞌ rá te̱e vá Elías jín Moisés, ya̱ njiáꞌa Ndiosíꞌ tu̱ꞌun re̱ꞌ nu̱u̱nꞌ ráa tióꞌ chíji, nátúꞌún ráa jín Jesús.

Marcos 9:6

Nkachiꞌ Pedro sukuán chi ntu nkutúníꞌ ná kachiꞌ re̱ꞌ, chi nyu̱ꞌví nasɨ́kuitɨꞌ re̱ꞌ jín Jacobo jín Juan.

Lucas 9:33

Jee sáá nku̱sɨ́ɨ́n ni nuví rá te̱e vá nu̱u̱nꞌ Jesús, jee nkachiꞌ Pedro nu̱u̱nꞌ Jesús: ―¡Mestrúꞌ! ¡Na̱ ka̱ꞌ va̱ꞌa ka̱ꞌ ya̱ íyó‑ó yaꞌá! Saꞌá ráníꞌ u̱ni̱ꞌ vesayo, ɨɨn kuvi nú, jee ɨɨn kuvi Moisés, jee ɨɨn kuvi Elías ―nkachiꞌ Pedro sukuán, súnika̱ꞌ ni maá Pedro ntu jíníꞌ re̱ꞌ na̱ jie̱ꞌe̱ꞌ nkachiꞌ re̱ꞌ sukuán.

Juan 4:31

Jee ni kua̱ꞌa̱nꞌ ña, jee rá te̱e súkuáꞌa re̱ꞌ ráa, jíkánꞌ táꞌvíꞌ ráa nu̱u̱nꞌ re̱ꞌ: ―Mestrúꞌ, kajiꞌ nú ―nkachiꞌ ráa.

Filipenses 1:23

Chi várésukuán jee tasáva ví ni̱ꞌ jee saꞌá ni̱ꞌ ni nuvi tiñu. Chi nóꞌónꞌ iniꞌ ni̱ꞌ ya̱ kuviꞌ ni̱ꞌ, jee kuneeꞌ ni̱ꞌ jín Cristo, nu̱u̱nꞌ ñuunꞌ íyó súkún, chi va̱ꞌa víꞌí ka̱ꞌ ví yaꞌá nu̱u̱nꞌ ni̱ꞌ.

1 Juan 3:2

Ránoꞌó ya̱ ñúnúunꞌ ni̱ꞌ, vitan jee se̱ꞌya Ndiosíꞌ kúvi‑ó. Soo ntiáꞌan tu̱vi ná kúvi ya̱ koo maáó tiempúꞌ ichinúúnꞌ. Soo jíníꞌ‑ó ya̱ sáá kitu̱vi Jesús niji re̱ꞌ, jee nuún koo‑ó jín re̱ꞌ kuéntáꞌ íyó maáréꞌ, chi kuniꞌ‑ó re̱ꞌ sánikua̱ꞌ íyó nijia re̱ꞌ.