Marcos 9:18 - Mixteco del suroeste de Tlaxiaco Oaxaca

¹⁸ Sáá tɨ́ɨn ta̱chi̱ꞌ néꞌí re̱ꞌ, jee kúyutún ta̱chi̱ꞌ néꞌí vá re̱ꞌ nu̱u̱nꞌ ñu̱ꞌún, jee kéne tiu̱u̱nꞌ iniꞌ yuꞌú re̱ꞌ, jee síkáꞌñɨ́ꞌ‑ɨ nu̱ꞌun re̱ꞌ, jee kútínákuíꞌ re̱ꞌ. Jee nkachiꞌ ni̱ꞌ nu̱u̱nꞌ rá te̱e súkuáꞌa jín nú ya̱ tavaꞌ ráa maa, soo ntu nkúneí ráa ―nkachiꞌ re̱ꞌ.

Marcos 9:18 ပူးပေါင်းရင်းမြစ်များ

Mateo 15:22

Jee yukuán nééꞌ ɨɨn ñaꞌan ñuunꞌ Canaán, jee nkenta ña nu̱u̱nꞌ Jesús, jee ne̱ kánajíín ña, jee nkachiꞌ ña: ―I̱toꞌoꞌ, noꞌó ya̱ kúvi nú Se̱ꞌya tataꞌ ichiyúkúnꞌ veꞌi David, kunáꞌví iniꞌ nú nuꞌuꞌ. Chi se̱ꞌya sɨ́ꞌɨ́ ni̱ꞌ yɨ́ꞌɨ́ ta̱chi̱ꞌ kíni ña, jee nóꞌo víꞌí ña ―nkachiꞌ‑i.

Mateo 17:16

Jee nkisiáꞌa ni̱ꞌ maa nu̱u̱nꞌ rá te̱e súkuáꞌa nú, soo ntu nkúneí ráa xinúvi ráa maa ―nkachiꞌ te̱e vá.

Mateo 8:12

Soo kue̱ꞌe̱ꞌ rá ñɨvɨ se̱ꞌya ñuunꞌ Israel, ya̱ íyó kɨꞌɨ ráa naꞌá Ndiosíꞌ tátúníꞌ re̱ꞌ nu̱u̱nꞌ ráa nékúvi, sosaꞌ tavaꞌ Ndiosíꞌ ráa kɨ̱ꞌɨ̱nꞌ ráa nu̱u̱nꞌ ñu̱neenꞌ, jee yukuán kunaꞌyuꞌ ráa, jee ne̱ kaꞌñɨꞌ nu̱ꞌun ráa ya̱ kunoꞌo víꞌí ráa ―nkachiꞌ Jesús.

Marcos 11:23

Máá nááꞌ vá káchíꞌ ni̱ꞌ, ya̱ néni ɨɨn ñɨvɨ ya̱ kachiꞌ nu̱u̱nꞌ yúkú yaꞌá: “Kuiyo jee sukuíkó maánú nu̱u̱nꞌ nteñúꞌún.” Retú ntu íyó tu̱ꞌun síjiáni iniꞌ ánímaꞌ ñɨvɨ vá, soo ínúꞌ iniꞌ‑i ya̱ kuvi ya̱ káchíꞌ‑i, jee sikúnkuvi Ndiosíꞌ maa.

Marcos 9:17

Jee ɨɨn rá íñɨ́ nteñu ñɨvɨ kue̱ꞌe̱ꞌ vá nna̱xiníkó‑o nu̱u̱nꞌ re̱ꞌ: ―¡Mestrúꞌ! Va̱naka ni̱ꞌ se̱ꞌya ni̱ꞌ nu̱u̱nꞌ nú, ya̱ yɨ́ꞌɨ́ ta̱chi̱ꞌ néꞌí iniꞌ re̱ꞌ ya̱ sáꞌá ñɨ́ꞌɨ́nꞌ‑ɨ re̱ꞌ.

Marcos 9:19

Jee nna̱xiníkó Jesús nu̱u̱nꞌ ráa: ―¡Na̱ ka̱ꞌ rá ñɨvɨ yaꞌá ya̱ ntu ínúꞌ iniꞌ ráa Ndiosíꞌ! ¿Na̱ja ka̱ꞌ tiempúꞌ vá íyó kuneeꞌ ni̱ꞌ jín ránoꞌó? ¿Na̱ja ka̱ꞌ tiempúꞌ vá íyó keꞌneꞌ iniꞌ ni̱ꞌ nu̱u̱nꞌ ránoꞌó ya̱ ntu ínúꞌ iniꞌ rán Ndiosíꞌ? Kínaka rán se̱ꞌya yɨ́ɨ́ nú nu̱u̱nꞌ ni̱ꞌ ―nkachiꞌ re̱ꞌ.

Marcos 9:20

Jee nki̱naka ráa re̱ꞌ nu̱u̱nꞌ Jesús. Jee sáá niniꞌ ta̱chi̱ꞌ néꞌí vá Jesús, jee ntañúꞌún kuitɨꞌ ñaꞌniyɨ̱ꞌɨ́ ta̱chi̱ꞌ néꞌí te̱e súchí vá. Jee nna̱niso re̱ꞌ nu̱u̱nꞌ ñu̱ꞌún, jee nni̱kókáni re̱ꞌ, jee nkene tiu̱u̱nꞌ yuꞌú re̱ꞌ.

Marcos 9:26

Jee nka̱najíín ta̱chi̱ꞌ néꞌí vá, jee iyo víꞌí ñaꞌniyɨ̱ꞌɨ́ ta̱chi̱ꞌ néꞌí vá re̱ꞌ, jee nkene‑e. Jee te̱e súchí vá nkino̱o kuéntáꞌ ɨɨn ya̱ níꞌiꞌ. Saájee kue̱ꞌe̱ꞌ ráa nkachiꞌ ya̱ níꞌiꞌ re̱ꞌ.

Hechos 7:54

Sáá nteso̱ꞌo ráa rá tu̱ꞌun yaꞌá, jee nki̱tɨ̱ꞌ nasɨ́kuitɨꞌ ánímaꞌ ráa, jee ne̱ káꞌñɨ́ꞌ nu̱ꞌun ráa nu̱u̱nꞌ re̱ꞌ.

Judas 1:13

Jee suni kúvi ráa kuéntáꞌ kúvi nteñúꞌún ya̱ jísóꞌ xe̱e̱nꞌ, jee síkéne‑e tiu̱u̱nꞌ téꞌén ya̱ kúvi mani tiñu niváꞌa ya̱ jiáꞌa tu̱nkánuun sáꞌá ráa. Chi kúvi ráa kuéntáꞌ rá tiu̱u̱nꞌ súkún ya̱ jíkónúun ráa. Soo ya íyó tu̱ꞌva nu̱u̱nꞌ íyó ñu̱neenꞌ kuneeꞌ rá ñɨvɨ vá nɨ́ɨ́nkání.