Marcos 8:23 - Mixteco del suroeste de Tlaxiaco Oaxaca

²³ Ntɨɨn Jesús naꞌá te̱e kuáá vá jee ña̱na̱ka re̱ꞌ maa yuñúúnꞌ. Ntiesɨ̱ɨ́ re̱ꞌ nu̱u̱nꞌ rá nchinúún‑u. Jee ntee re̱ꞌ naꞌá re̱ꞌ nu̱u̱nꞌ‑u. Jee ni̱ka̱tu̱ꞌún re̱ꞌ maa: ―¿Á íyó ya̱ túvi néꞌyá nú?

Marcos 8:23 ပူးပေါင်းရင်းမြစ်များ

Marcos 5:23

jee ni̱ka̱nꞌ táꞌvíꞌ ñáꞌnú re̱ꞌ nu̱u̱nꞌ Jesús, jee nkachiꞌ re̱ꞌ: ―Se̱ꞌya sɨ́ꞌɨ́ ni̱ꞌ sa̱néꞌ íyó kuviꞌ‑i. Kɨ̱ꞌɨ̱nꞌ nú xá chisó nú rá naꞌá nú ña, sáva nuvi ña jee kutekuꞌ ña ―nkachiꞌ re̱ꞌ.

Marcos 7:33

Jee nsiíyo sɨ́ɨ́n Jesús te̱e vá nu̱u̱nꞌ rá ñɨvɨ kue̱ꞌe̱ꞌ. Jee ntu̱ví re̱ꞌ rá xi̱ntíín re̱ꞌ iniꞌ rá so̱ꞌo‑o jee nkɨɨnꞌ re̱ꞌ ntésɨ́ɨ́ re̱ꞌ jee nsi̱káchiꞌi re̱ꞌ yáá te̱e vá.

Marcos 8:24

Nne̱ꞌyá te̱e kuáá vá, jee nkachiꞌ‑i: ―Néꞌyá ni̱ꞌ rá te̱e jee túvi ráa kuéntáꞌ íyó yutun ya̱ jíka.

Marcos 8:26

Jee nna̱chuichí Jesús maa kua̱noꞌonꞌ‑o veꞌi‑i jee nkachiꞌ re̱ꞌ nu̱u̱nꞌ‑u: ―Koto kívɨ nú ñuunꞌ. Ni koto nákani nú yaꞌá nu̱u̱nꞌ ni ɨɨn ñɨvɨ yukuán.

Hechos 23:19

Ntɨɨn general naꞌá te̱e súchí vá, jee nkuiyo sɨ́ɨ́n ráa. Jee ni̱ka̱tu̱ꞌún re̱ꞌ maa: ―¿Ná kúvi ya̱ kachiꞌ nú nu̱u̱nꞌ ni̱ꞌ?

Hechos 9:8

Nna̱kuiñɨꞌ Saulo, jee sáá nna̱kune rá nchinúún re̱ꞌ, ntu̱náꞌ néꞌyá re̱ꞌ ka̱ꞌ. Jee ntɨɨn ráa naꞌá re̱ꞌ, jee ña̱na̱ka ráa re̱ꞌ nu̱u̱nꞌ ñuunꞌ Damasco.

Hebreos 8:9

Jee ntu kúvi‑i kuéntáꞌ kua̱ꞌ maá tratúꞌ nsa̱ꞌá ni̱ꞌ jín rá jííꞌ ráa yanaꞌán, ki̱vɨ̱ꞌ kuéntáꞌ ntɨɨn ni̱ꞌ naꞌá ráa jee ntavaꞌ ni̱ꞌ ráa nu̱u̱nꞌ ñuunꞌ Egipto. Chi jie̱ꞌe̱ꞌ ya̱ ntu nsi̱kúnkuvi na̱a̱ꞌ ráa nu̱u̱nꞌ tratúꞌ ni̱ꞌ, jee saáva nkuiyo ni̱ꞌ nu̱u̱nꞌ ráa”, káchíꞌ I̱toꞌoꞌ‑ó Ndiosíꞌ.

Apoclipsis 3:18

Saáva nákutíñú ni̱ꞌ nu̱u̱nꞌ rán ya̱ kunenu̱u̱nꞌ rán ya̱ yɨ́yáꞌvi ka̱ꞌ ya̱ va̱ji nu̱u̱nꞌ ni̱ꞌ kuéntáꞌ keꞌen rán ka̱a oro ya̱ ya nna̱ka̱yu̱ꞌ nu̱u̱nꞌ ñúꞌúnꞌ sáva saꞌá ninuꞌun maa, sáva kukúká nijia rán nu̱u̱nꞌ nuꞌuꞌ. Jee nunasɨ́ rán koo ninuꞌun rán nu̱u̱nꞌ ni̱ꞌ kuéntáꞌ keꞌen rán nu̱u̱nꞌ ni̱ꞌ saꞌma kuíjín sáva ntu koo tu̱nkánuun rán jie̱ꞌe̱ꞌ íyó ñɨɨn rán nu̱u̱nꞌ nuꞌuꞌ. Jee tɨɨn rán tu̱ꞌun ni̱ꞌ kuéntáꞌ keꞌen rán nu̱u̱nꞌ ni̱ꞌ ta̱ta̱nꞌ chuꞌun rán nchinúún rán sáva nu̱nijínꞌ nu̱u̱nꞌ rán.