Marcos 8:2 - Mixteco del suroeste de Tlaxiaco Oaxaca

² ―Kúnáꞌví iniꞌ ni̱ꞌ néꞌyá ni̱ꞌ rá ñɨvɨ kue̱ꞌe̱ꞌ yaꞌá, chi ya̱ nkuvi u̱ni̱ꞌ ki̱vɨ̱ꞌ nééꞌ ráa jín ni̱ꞌ. Jee ntu̱náꞌ íyó ya̱ kajiꞌ ráa.

Marcos 8:2 ပူးပေါင်းရင်းမြစ်များ

Mateo 14:14

Jee sáá nkene Jesús iniꞌ barkúꞌ, jee niniꞌ re̱ꞌ ñɨvɨ kue̱ꞌe̱ꞌ víꞌí yukuán, jee nku̱náꞌví iniꞌ re̱ꞌ nne̱ꞌyá re̱ꞌ ráa, jee nxi̱núvi re̱ꞌ ntáká rá ñɨvɨ kúꞌvíꞌ ya̱ kuáꞌánꞌ jín ráa.

Mateo 20:34

Saájee nku̱náꞌví iniꞌ Jesús ráa, jee nsi̱káchiꞌi Jesús nchinúún ráa, jee kuísá ntañúꞌún kuitɨꞌ nnu̱nijinꞌ nchinúún ráa, jee nna̱kune̱ꞌyá ráa, jee nchi̱nikɨnꞌ ráa Jesús.

Mateo 9:36

Jee néꞌyá re̱ꞌ nu̱u̱nꞌ rá ñɨvɨ, jee kúnáꞌví iniꞌ re̱ꞌ ráa, chi núkuíꞌyáꞌ iniꞌ ráa ya̱ nóꞌo ráa jín nuun iniꞌ ráa chi kúvi ráa kuéntáꞌ rá lanchi ntu i̱toꞌoꞌ kuneen kuéntáꞌ‑á rátíꞌ, [jee jiéténuun rátíꞌ].

Marcos 1:41

Jee nku̱náꞌví iniꞌ Jesús maa, jee nsi̱kááꞌ re̱ꞌ naꞌá re̱ꞌ ntee re̱ꞌ maa te̱e vá, jee nkachiꞌ re̱ꞌ nu̱u̱nꞌ‑u: ―Kuíni ni̱ꞌ. Nunoo nú nuvi nú.

Marcos 5:19

Soo Jesús ntu nyɨ̱netuꞌ re̱ꞌ kutáꞌán‑a jín re̱ꞌ, chisaꞌ nkachiꞌ re̱ꞌ nu̱u̱nꞌ‑u: ―Kuánoꞌonꞌ veꞌi nú, jín nu̱u̱nꞌ rá táꞌán nú, jee nakani nú nu̱u̱nꞌ ráa nɨꞌɨ ya̱ nsa̱ꞌá I̱toꞌoꞌ jín nú, ya̱ nku̱náꞌví iniꞌ re̱ꞌ nó.

Marcos 6:32

Jee kua̱ꞌa̱nꞌ maáráa iniꞌ barkúꞌ nu̱u̱nꞌ ñu̱ꞌún nu̱u̱nꞌ ntu ñɨvɨ.

Marcos 6:34

Sáá va̱kene Jesús iniꞌ barkúꞌ, niniꞌ‑i kue̱ꞌe̱ꞌ ñɨvɨ jee nku̱náꞌví iniꞌ re̱ꞌ ráa, chi kúvi ráa kuéntáꞌ lanchi, ntu i̱toꞌoꞌ kuneen kuéntáꞌ‑á rátíꞌ. Jee nka̱jiéꞌé re̱ꞌ nxi̱néꞌénꞌ re̱ꞌ ráa kue̱ꞌe̱ꞌ tu̱ꞌun.

Marcos 8:3

Jee ré nachuichí niteꞌ ni̱ꞌ ráa veꞌi ráa, jee kuvineenꞌ ráa ichi, chi íyó ráa íká va̱ji.

Marcos 9:22

Jee kue̱ꞌe̱ꞌ íchí ya̱ nchuꞌun ta̱chi̱ꞌ néꞌí re̱ꞌ nu̱u̱nꞌ ñuꞌúnꞌ jín nu̱u̱nꞌ nute sáva kaꞌniꞌ‑i re̱ꞌ. Soo ré íyó ná kúvi ya̱ saꞌá nú, jee kunáꞌví iniꞌ nú kune̱ꞌyá nú ránuꞌuꞌ, jee chineí ránuꞌuꞌ ―nkachiꞌ tátáꞌ te̱e súchí vá.

Lucas 15:20

Saájee nnakui̱ñɨ̱ꞌ‑ɨ kua̱noꞌonꞌ‑o nu̱u̱nꞌ tátáꞌ‑a. ’Jee sáá jíka ka̱ꞌ kua̱ꞌa̱nꞌ‑a, jee niniꞌ tátáꞌ‑a maa, jee nku̱náꞌví iniꞌ re̱ꞌ nne̱ꞌyá re̱ꞌ maa. Jee ninu re̱ꞌ ña̱taꞌanꞌ re̱ꞌ maa, jee ña̱kɨnumi re̱ꞌ maa, nte̱yuꞌú re̱ꞌ nu̱u̱nꞌ‑u.

Lucas 7:13

Jee sáá niniꞌ I̱toꞌoꞌ‑ó Jesús ña, jee nku̱náꞌví iniꞌ re̱ꞌ ña, jee nkachiꞌ re̱ꞌ nu̱u̱nꞌ ña: ―Koto náꞌyúꞌ nú ―nkachiꞌ re̱ꞌ.

Hebreos 2:17

Jee saáva niniñúꞌún re̱ꞌ nkenta nkuvi re̱ꞌ kuéntáꞌ mákua íyó kuitɨꞌ rá ñaniꞌ re̱ꞌ, sáva nkenta nkuvi re̱ꞌ ɨɨn su̱tu̱ꞌ kúñáꞌnú nasɨ́kuitɨꞌ, ya̱ náꞌví iniꞌ re̱ꞌ néꞌyá re̱ꞌ ráa, jee síkúnkuvi na̱a̱ꞌ re̱ꞌ tiñu Ndiosíꞌ, sáva nso̱ko̱ꞌ re̱ꞌ maáréꞌ sáva siíyo re̱ꞌ kua̱chi rá ñɨvɨ.

Hebreos 4:15

Chi maá su̱tu̱ꞌ kúñáꞌnú ya̱ íyó jín‑ó, jee ntu kúvi re̱ꞌ ɨɨn su̱tu̱ꞌ ya̱ ntu kúvi kunáꞌví iniꞌ re̱ꞌ kune̱ꞌyá re̱ꞌ yó jie̱ꞌe̱ꞌ ya̱ táyáꞌ iniꞌ‑ó, chi suni ne̱ maáréꞌ ni̱yo tu̱ꞌun xíníyo iniꞌ jín re̱ꞌ ntáká nu̱u̱nꞌ kuéntáꞌ kua̱ꞌ maáó ranika̱ꞌ. Soo ni ɨɨn kua̱chi ntu nsa̱ꞌá re̱ꞌ.

Hebreos 5:2

Jee su̱tu̱ꞌ vá kuvi koo másúꞌ iniꞌ re̱ꞌ jín rá ñɨvɨ ntu jiáku̱ꞌun iniꞌ ráa Tu̱ꞌun Ndiosíꞌ jín ya̱ kújíká ráa nu̱u̱nꞌ tu̱ꞌun vá, chi suni ne̱ maá su̱tu̱ꞌ vá táyáꞌ iniꞌ re̱ꞌ kuéntáꞌ rá ñɨvɨ vá.