Marcos 8:13 - Mixteco del suroeste de Tlaxiaco Oaxaca

¹³ I̱ña̱jée nxi̱nóo re̱ꞌ ráa jee nki̱vɨ tuku re̱ꞌ iniꞌ barkúꞌ jee kua̱ꞌa̱nꞌ re̱ꞌ íyo ka̱ꞌ yuꞌú nteñúꞌún.

Marcos 8:13 ပူးပေါင်းရင်းမြစ်များ

Mateo 15:14

Nkɨ́kuee ráa, chi kúvi ráa kuéntáꞌ kúvi te̱e kuáá ya̱ chúꞌun ráa ichi nu̱u̱nꞌ inka ka̱ꞌ ñɨvɨ kuáá. Chi retú ɨɨn ñɨvɨ kuáá chúꞌun‑u ichi inka ka̱ꞌ ñɨvɨ kuáá, jee ni núvíꞌ ráa kininkava iniꞌ ɨɨn yaviꞌ ―nkachiꞌ Jesús.

Mateo 7:6

’Koto jiáꞌa rán tu̱ꞌun ííꞌ Ndiosíꞌ nu̱u̱nꞌ rá ñɨvɨ ni̱ꞌin ánímaꞌ ya̱ jiáꞌnu kuéntáꞌ tinaꞌ, nsuñájee ta̱vi̱ꞌ ráa ránoꞌó nakayɨ̱ꞌɨ́ ráa ránoꞌó kuéntáꞌ tinaꞌ xe̱e̱nꞌ. Jee suni koto jiáꞌa rán tu̱ꞌun ííꞌ Ndiosíꞌ yɨ́yáꞌvi kuéntáꞌ yu̱u̱ꞌ perla nu̱u̱nꞌ rá ñɨvɨ ya̱ ntu chíyáꞌvi maa, kuéntáꞌ jiáñúꞌ kúchíꞌ maa chi kúíchi iniꞌ ráa maa.

Marcos 8:12

Ne̱ naꞌán nkeꞌen Jesús kue̱ka̱ꞌ jee nkachiꞌ‑i: ―¿Na̱kui chi jíkánꞌ rá ñɨvɨ tiempúꞌ vitan, ya̱ stúvi ni̱ꞌ ɨɨn seña a̱nasɨ́ rúja? Máá nááꞌ vá káchíꞌ ni̱ꞌ nu̱u̱nꞌ rán, ya̱ ni ɨɨn seña a̱nasɨ́ ntu̱náꞌ ku̱ꞌva ni̱ꞌ nu̱u̱nꞌ ráa.

Marcos 8:14

Jee nnaanꞌ iniꞌ rá te̱e súkuáꞌa re̱ꞌ ráa kunaꞌá ráa i̱xta̱tíláꞌ kɨ̱ꞌɨ̱nꞌ jín ráa. Jee kua̱chi ɨɨn i̱xta̱tíláꞌ ni ínáváꞌa ráa kua̱ꞌa̱nꞌ ráa iniꞌ barkúꞌ.

Lucas 8:37

Saájee ntáká rá ñɨvɨ kue̱ꞌe̱ꞌ rá ñuunꞌ yɨ́ꞌɨ́ xi̱ntíín ñuunꞌ Gadara, ni̱ka̱nꞌ táꞌvíꞌ ráa nu̱u̱nꞌ Jesús ya̱ kɨ̱ꞌɨ̱nꞌ iyo re̱ꞌ yukuán, chi yúꞌví víꞌí ráa. Saájee nna̱ku̱ꞌun re̱ꞌ iniꞌ barkúꞌ sáva nikó re̱ꞌ nu̱u̱nꞌ váji re̱ꞌ.

Juan 12:36

Jee saáva ni nééꞌ ni̱ꞌ ka̱ꞌ jín rán, jee íyó kuneí iniꞌ rán nuꞌuꞌ, ya̱ kúvi ni̱ꞌ ñuꞌunꞌ nu̱u̱nꞌ rán, sáva kenta kuvi rán ñɨvɨ ya̱ jiáꞌnu rán nu̱u̱nꞌ ñuꞌunꞌ ―nkachiꞌ Jesús. Jee sáá nkuvi nkachiꞌ re̱ꞌ rá tu̱ꞌun yaꞌá, jee kua̱ꞌa̱nꞌ re̱ꞌ, jee nchi̱yuꞌuꞌ re̱ꞌ maáréꞌ nu̱u̱nꞌ ráa.

Juan 8:21

Saájee tukuni nkachiꞌ Jesús nu̱u̱nꞌ ráa: ―Nuꞌuꞌ chi kɨ̱ꞌɨ̱nꞌ ni̱ꞌ, jee nanukú rán nuꞌuꞌ, soo nsáꞌ naniꞌinꞌ rán nuꞌuꞌ, chi kuniso i̱i̱ꞌ rán kua̱chi sáá kuviꞌ rán. Saáva nsáꞌ kuvi kɨ̱ꞌɨ̱nꞌ rán nu̱u̱nꞌ kɨ̱ꞌɨ̱nꞌ ni̱ꞌ kuneeꞌ ni̱ꞌ ―nkachiꞌ Jesús.

Hechos 18:6

Soo sáá nnuni̱ꞌin ráa jín Pablo, jee sáá káꞌánꞌ niva̱ꞌa ráa si̱kɨ̱ꞌ re̱ꞌ, jee nkisɨ re̱ꞌ ti̱ka̱cha̱a̱ꞌ saꞌma re̱ꞌ, sáva naistúvi re̱ꞌ ya̱ íyó si̱kɨ̱ꞌ ráa. Jee nkachiꞌ‑i: ―Si̱kɨ̱ꞌ maárán ví ya̱ kiji ya̱ xinóꞌo Ndiosíꞌ ránoꞌó. Nsú ka̱ꞌ si̱kɨ̱ꞌ ni̱ꞌ ví‑i. Ne̱ ntañúꞌún, kɨ̱kaꞌanꞌ ni̱ꞌ jín rá ñɨvɨ ntu kúvi Israel.

Hechos 27:2

Jee nki̱vɨ ránꞌ iniꞌ barkúꞌ va̱ji ne̱ ñuunꞌ Adramitio. Jee kɨ̱ꞌɨ̱nꞌ barkúꞌ vá rá ñuunꞌ íyó yúnteñúꞌún sánitɨ́ɨn Asia. Jee kua̱ꞌa̱nꞌ ránꞌ iniꞌ barkúꞌ vá. Jee suni kútáꞌán Aristarco jín ránꞌ. Kúvi re̱ꞌ te̱e Macedonia, ya̱ váji ne̱ ñuunꞌ Tesalónica.