Marcos 7:31 - Mixteco del suroeste de Tlaxiaco Oaxaca

³¹ Nkene Jesús ñuunꞌ Tiro jee njia̱ꞌa re̱ꞌ ñuunꞌ Sidón. Jee nni̱kó i̱i̱ꞌ re̱ꞌ yuꞌú nteñúꞌún Galilea ya̱ tɨ́ɨn Decápolis.

Marcos 7:31 ပူးပေါင်းရင်းမြစ်များ

Mateo 11:21

―¡Na̱ ka̱ꞌ náꞌví ka̱ꞌ ránoꞌó ñɨvɨ ñuunꞌ Corazín! ¡Na̱ ka̱ꞌ náꞌví ka̱ꞌ ránoꞌó ñɨvɨ ñuunꞌ Betsaida! Chi retánꞌ sukuán jee nu̱u̱nꞌ ñuunꞌ Tiro jín ñuunꞌ Sidón nsa̱ꞌá ni̱ꞌ rá tiñu a̱nasɨ́ ya̱ nsa̱ꞌá ni̱ꞌ nu̱u̱nꞌ rá ñuunꞌ ránú, jee ma̱káꞌ ya̱ nna̱kani iniꞌ ráa ya̱ nxi̱nóo ráa kua̱chi ráa yanaꞌán víꞌí jee kuꞌun ráa saꞌma nayɨ́ jee chisó ráa ya̱a̱ꞌ xi̱ni̱ꞌ ráa ya̱ stúvi‑i ya̱ kukúeká iniꞌ ráa jie̱ꞌe̱ꞌ kua̱chi nsa̱ꞌá ráa nékúvi.

Mateo 4:18

Jee jíka Jesús kua̱ꞌa̱nꞌ re̱ꞌ yúnteñúꞌún Galilea, jee niniꞌ re̱ꞌ u̱vi̱ꞌ rá te̱e ya̱ kúvi ñaniꞌ maáráa, ɨɨn ví Simón, ya̱ naní Pedro, jee inka kúvi ñaniꞌ re̱ꞌ, Andrés. Síkéne ráa ñunu yúꞌvé nu̱u̱nꞌ nteñúꞌún, chi te̱e tɨ́ɨn tia̱ká kúvi ráa.

Mateo 4:25

Jee níkɨ́nꞌ kue̱ꞌe̱ꞌ víꞌí rá ñɨvɨ kútáꞌán ráa jín Jesús. Jee maáráa ví rá ñɨvɨ rá ñuunꞌ Galilea jín rá ñuunꞌ Decápolis jín ñuunꞌ Jerusalén jín rá inka ñuunꞌ Judea jín rá ñuunꞌ ya̱ káá íyo ka̱ꞌ ichi ntekáꞌnú Jordán.

Marcos 5:20

Jee kua̱ꞌa̱nꞌ te̱e vá, jee nka̱jiéꞌé‑e stekútu̱ꞌún‑u jie̱ꞌe̱ꞌ rá tiñu nsa̱ꞌá Jesús jín‑i, nu̱u̱nꞌ rá ñɨvɨ ñuunꞌ Decápolis, ya̱ kuíni kachiꞌ u̱ji̱ꞌ ñuunꞌ. Jee nɨꞌɨ rá ñɨvɨ nti̱vɨ́ xíniꞌ ráa.

Marcos 7:24

Yukuán nkene Jesús jee kua̱ꞌa̱nꞌ‑a ñuꞌun tɨ́ɨn rá ñuunꞌ Tiro jín Sidón. Jee nki̱vɨ re̱ꞌ ɨɨn veꞌi. Jee ntu kuíni re̱ꞌ ya̱ ni ɨɨn ñɨvɨ nku̱níꞌ ráa ya̱ nééꞌ re̱ꞌ yukuán, soo ntu nkúvi kuneeꞌ yuꞌuꞌ re̱ꞌ.

Marcos 7:30

Sáá kua̱noꞌonꞌ ña veꞌi ña, jee nna̱niꞌinꞌ ña se̱ꞌya sɨ́ꞌɨ́ ña káá‑a nu̱u̱nꞌ i̱to. Jee ya nkene ta̱chi̱ꞌ néꞌí maa.