Marcos 7:3 - Mixteco del suroeste de Tlaxiaco Oaxaca

³ (Chi rá fariseo jín nɨꞌɨ rá inka ka̱ꞌ ñɨvɨ Israel, ntu yájíꞌ ráa retú ntu xíꞌna nanaꞌá tílúú ráa, sáni íyótúníꞌ sá nánaꞌá ráa, chi sukuán néva̱ꞌa ráa ñujiínꞌ rá jííꞌ yanaꞌán.

Marcos 7:3 ပူးပေါင်းရင်းမြစ်များ

Marcos 7:13

Sukuán síjíta rán Tu̱ꞌun Ndiosíꞌ, chi síkúnkuvi rán ñujiínꞌ sáꞌá rán, jee jiáꞌa rán maa nu̱u̱nꞌ rá se̱ꞌya rán. Jee suni kue̱ꞌe̱ꞌ rá tiñu kúnkunuún sukuán sáꞌá rán ka̱ꞌ ―nkachiꞌ Jesús.

Marcos 7:5

Jee rá fariseo jín rá te̱e xínéꞌénꞌ jie̱ꞌe̱ꞌ tu̱ꞌun ley nta̱túníꞌ Ndiosíꞌ ni̱ka̱tu̱ꞌún ráa Jesús: ―¿Na̱kui chi ntu jiáꞌnu rá te̱e súkuáꞌa jín nú rá ñujiínꞌ rá jííꞌ yanaꞌán? Chi yájíꞌ ráa jín naꞌá ráa ya̱ ntu íyó ninuꞌun ―nkachiꞌ ráa nu̱u̱nꞌ Jesús.

Lucas 11:38

Jee te̱e fariseo vá, nti̱vɨ́ xíniꞌ‑i sáá niniꞌ‑i ya̱ ntu xíꞌna nsi̱kúnkuvi Jesús ñujiínꞌ na̱ja nánaꞌá rá fariseo xíꞌna ka̱ꞌ kajiꞌ re̱ꞌ.

Juan 2:6

Jee yukuán íñɨ́ i̱ñu̱ꞌ rá ki̱sɨ yu̱u̱ꞌ nu̱u̱nꞌ chúꞌun ráa nute sánikua̱ꞌ rá costumbre sáꞌá rá ñɨvɨ Israel ya̱ jiátíñú ráa maa sáva saꞌá ninuꞌun ráa maáráa nu̱u̱nꞌ Ndiosíꞌ. Jee kánta ñúꞌún yatin ku̱mi̱xiko (80) áxí ɨɨn sientúꞌ (100) litro nute iniꞌ ta ɨɨn rá ki̱sɨ yu̱u̱ꞌ vá.

Gálatas 1:14

Jee nkaa ni̱ꞌ ka̱ꞌ kúñáꞌnú ni̱ꞌ nu̱u̱nꞌ ñujiínꞌ Judaísmo, nsú káꞌ rá inka táꞌán ni̱ꞌ jiáꞌnu nkáá jín ni̱ꞌ. Nku̱káñá iniꞌ ni̱ꞌ nsi̱kúnkuvi ni̱ꞌ rá costumbre ya̱ nxi̱nóo rá jííꞌ yanaꞌán ni̱ꞌ nu̱u̱nꞌ ránꞌ.

Colosenses 2:8

Nito koo rán maárán ya̱ ntɨ́ɨn ñɨvɨ ránoꞌó, ya̱ sijínúꞌ ráa iniꞌ rán jín tu̱ꞌun váji xi̱ni̱ꞌ maáráa, jín tu̱ꞌun ka̱ꞌá ya̱ xínáꞌví. Chi rá tu̱ꞌun yukuán kétáꞌán jín rá ñujiínꞌ va̱ji ya̱ta̱ꞌ, ya̱ kétáꞌán jín rá costumbre xínéꞌénꞌ ñɨvɨ ñɨ̱vɨ́ yaꞌá, ya̱ ntu yɨ́ꞌɨ́ ráa naꞌá Cristo. Jee ntu kétáꞌán rá tu̱ꞌun vá jín tu̱ꞌun jie̱ꞌe̱ꞌ Cristo.

1 Pedro 1:18

Chi ya̱ jíníꞌ rán ya̱ nchu̱náán Ndiosíꞌ sáva nsi̱káku re̱ꞌ ránoꞌó nna̱kani núne re̱ꞌ ránoꞌó nu̱u̱nꞌ rá ñujiínꞌ ka̱ꞌá ñaꞌnu rán nékúvi ya̱ nchuꞌun rá tátáꞌ rán maárán. Soo nsú jín nantíñú ya̱ kɨ̱naanꞌ kuéntáꞌ oro áxí plata nchu̱náán re̱ꞌ sáva nna̱kani núne re̱ꞌ ránoꞌó,