Marcos 7:22 - Mixteco del suroeste de Tlaxiaco Oaxaca

²² kúsíkɨ́ iniꞌ‑i jín ɨɨn ñaꞌan ya̱ kúvi ñasɨ́ꞌɨ́ inka te̱e áxí jín ɨɨn te̱e ya̱ kúvi yɨ́ɨ́ inka ñaꞌan, sáꞌá úꞌvi iniꞌ‑i, sáꞌá kini‑i, xínáꞌví‑i, íyó kánéꞌí‑i, ñúꞌún úꞌvi iniꞌ‑i, káꞌánꞌ si̱kɨ̱ꞌ táꞌán‑a, sáꞌá vi̱xi̱ꞌ‑i, ntu stie̱ꞌé‑e.

Marcos 7:22 ပူးပေါင်းရင်းမြစ်များ

Mateo 20:15

¿Á nkúvi saꞌá ni̱ꞌ sáni kuíni iniꞌ maáníꞌ jín xu̱ꞌún ni̱ꞌ rúja? Áxí, ¿á ñúꞌún úꞌvi iniꞌ nú ya̱ kúvi ni̱ꞌ te̱e va̱ꞌa iniꞌ rúja?”, nkachiꞌ i̱toꞌoꞌ xí tiñu vá.

Mateo 6:23

Soo retú ntu nijinꞌ va̱ꞌa nchinúún nú, jee kuéntáꞌ íyó nɨꞌɨ yɨkɨkúñu nú nu̱u̱nꞌ ñu̱neenꞌ. Jee suni sukuán retú káchíꞌ nú ya̱ túúnꞌ ñuꞌunꞌ iniꞌ ánímaꞌ nú, soo retú ntu jiáꞌa nú stúúnꞌ Ndiosíꞌ ánímaꞌ nú, yukuán jee saꞌ víꞌí ka̱ꞌ kua̱ꞌa̱nꞌ nú nu̱u̱nꞌ ñu̱neenꞌ.

Marcos 7:21

Chi ne̱ iniꞌ ánímaꞌ rá ñɨvɨ, kéne ya̱ káꞌvi kánéꞌén iniꞌ ráa: sáꞌá téní‑i jín ñɨvɨ ya̱ ntu nta̱na̱ꞌá jín‑i, sáꞌá kuíꞌná‑a, jiáꞌníꞌ‑i,

Marcos 7:23

Nɨꞌɨ rá kánéꞌén yaꞌá kéne‑e iniꞌ ñɨvɨ, jee sáꞌá‑a ya̱ nkóo ninuꞌun ñɨvɨ vá ―nkachiꞌ Jesús.

2 Corintios 10:5

Jee xínáánꞌ ránꞌ tu̱ꞌun ya̱ va̱ji xi̱ni̱ꞌ ñɨvɨ, jee xínáánꞌ ránꞌ nta̱ká tu̱ꞌun jiáni téyɨ́ɨ́ iniꞌ‑i ya̱ jiásɨ́ꞌ ya̱ kuniꞌ ñɨvɨ iniꞌ Ndiosíꞌ, jee sáꞌá ránꞌ ya̱ nakɨ̱ꞌɨ nta̱ká antúníꞌ rá ñɨvɨ xi̱ntíín Cristo, sáva kaníjiá ráa re̱ꞌ.

1 Pedro 2:15

Chi ya̱ kuíni Ndiosíꞌ ví ya̱ saꞌá rán rá tiñu váꞌa, sáva kasɨꞌ rán yuꞌú rá ñɨvɨ naanꞌ nsáꞌ ni̱ꞌi̱nꞌ ráa jie̱ꞌe̱ꞌ kaꞌanꞌ ráa si̱kɨ̱ꞌ rán jie̱ꞌe̱ꞌ ya̱ ntu jíníꞌ ráa.

1 Pedro 5:5

Jee sunisaá ni ránoꞌó te̱súchí, chiꞌi rán maárán xi̱ntíín rá te̱e kúñáꞌnú nu̱u̱nꞌ rán. Jee ntáká rán kuꞌun tu̱ꞌun ñúꞌún láꞌví iniꞌ rán jín ɨɨn inka táꞌán rán chi: Ndiosíꞌ jee íñɨ́ re̱ꞌ si̱kɨ̱ꞌ rá ñɨvɨ ñútéyɨ́ɨ́ iniꞌ, soo va̱ꞌa iniꞌ re̱ꞌ chíneí re̱ꞌ rá ñɨvɨ ya̱ ñúꞌún tu̱ꞌun láꞌví iniꞌ ráa.