Marcos 7:21 - Mixteco del suroeste de Tlaxiaco Oaxaca

²¹ Chi ne̱ iniꞌ ánímaꞌ rá ñɨvɨ, kéne ya̱ káꞌvi kánéꞌén iniꞌ ráa: sáꞌá téní‑i jín ñɨvɨ ya̱ ntu nta̱na̱ꞌá jín‑i, sáꞌá kuíꞌná‑a, jiáꞌníꞌ‑i,

Marcos 7:21 ပူးပေါင်းရင်းမြစ်များ

Génesis 6:5

Jee niniꞌ I̱toꞌoꞌ‑ó ya̱ ntántúníꞌ kánéꞌén víꞌí ñɨvɨ ya̱ íyó nu̱u̱nꞌ ñu̱ꞌún, jee ntáká ya̱ ñúꞌún iniꞌ ánímaꞌ ráa ví ya̱ yɨ́táꞌán mani ya̱ kánéꞌí.

Génesis 8:21

Jee nni̱ꞌi̱nꞌ I̱toꞌoꞌ‑ó xikoꞌ jiáꞌánꞌ viiꞌ ya̱ sókóꞌ Noé jee nkachiꞌ re̱ꞌ iniꞌ ánímaꞌ re̱ꞌ nu̱u̱nꞌ maáréꞌ: “Ya nchi̱sónínu ni̱ꞌ nu̱u̱nꞌ ñɨ̱vɨ́ jie̱ꞌe̱ꞌ ñɨvɨ chi ñúꞌún niva̱ꞌa iniꞌ ánímaꞌ rá ñɨvɨ ne̱ súchí ráa, soo ni ɨɨn íchí ka̱ꞌ nsáꞌ chisónínu tuku ni̱ꞌ maa sukuán, jee nsáꞌ xináánꞌ tuku ni̱ꞌ nɨꞌɨ rá tékúꞌ sánikua̱ꞌ ya̱ nsa̱ꞌá ni̱ꞌ.

Mateo 15:19

Chi ne̱ ánímaꞌ ñɨvɨ va̱ji ntáká ya̱ níváꞌa ñúꞌún iniꞌ antúníꞌ ñɨvɨ, ya̱ sáꞌá ñɨvɨ ni̱yɨ, jín ñɨvɨ ya̱ ya nta̱na̱ꞌá soo núnéꞌén ráa jín inka ñɨvɨ ya̱ ntu ntánáꞌá jín ráa, jín ya̱ sáꞌá téní ráa, jín ya̱ sáꞌá kuíꞌná ráa, jín ya̱ kátúꞌún ráa, jín ya̱ kákuíyuꞌú ráa si̱kɨ̱ꞌ táꞌán ráa.

Mateo 9:4

Soo ya jíníꞌ Jesús ná kúvi ya̱ jiáni iniꞌ ráa jee nkachiꞌ re̱ꞌ: ―¿Na̱ kuvi chi jiáni niva̱ꞌa iniꞌ ánímaꞌ rán rúja?

Marcos 7:20

Jee suni nkachiꞌ Jesús: ―Ya̱ kéne iniꞌ ɨɨn ñɨvɨ ví ya̱ sáꞌá ya̱ nkóo ninuꞌun ñɨvɨ vá.

Marcos 7:22

kúsíkɨ́ iniꞌ‑i jín ɨɨn ñaꞌan ya̱ kúvi ñasɨ́ꞌɨ́ inka te̱e áxí jín ɨɨn te̱e ya̱ kúvi yɨ́ɨ́ inka ñaꞌan, sáꞌá úꞌvi iniꞌ‑i, sáꞌá kini‑i, xínáꞌví‑i, íyó kánéꞌí‑i, ñúꞌún úꞌvi iniꞌ‑i, káꞌánꞌ si̱kɨ̱ꞌ táꞌán‑a, sáꞌá vi̱xi̱ꞌ‑i, ntu stie̱ꞌé‑e.

Lucas 16:15

Jee nkachiꞌ re̱ꞌ nu̱u̱nꞌ ráa: ―Ránoꞌó jee sáꞌá rán nika̱ꞌ ya̱ kúvi rán te̱e na̱a̱ꞌ nu̱u̱nꞌ rá ñɨvɨ. Soo Ndiosíꞌ jee jíníꞌ re̱ꞌ na̱ja jiáni iniꞌ ánímaꞌ rán. Chi rá tiñu ya̱ jiáni iniꞌ rá ñɨvɨ ya̱ yɨ́yáꞌvi‑i nu̱u̱nꞌ ráa, soo nu̱u̱nꞌ Ndiosíꞌ chi maa tiñu néꞌí níváꞌa ví‑i nu̱u̱nꞌ re̱ꞌ.

Hechos 5:4

¿Á nsú ñuꞌun nú kúvi vá, nékúvi? Jee sáá nxi̱kó nú maa, ¿á nsú xu̱ꞌún nú kúvi vá résa? ¿Na̱kui chi nkaꞌvi iniꞌ nú saꞌá nú suꞌva, résa? Nsú nu̱u̱nꞌ rá ñɨvɨ nka̱túꞌún nú, chisaꞌ nu̱u̱nꞌ Ndiosíꞌ nka̱túꞌún nú ―nkachiꞌ Pedro.

Hechos 8:22

Saájee nakani iniꞌ nú ya̱ ni̱váꞌa yaꞌá ya̱ ñúꞌún iniꞌ nú. Jee ka̱ka̱nꞌ táꞌvíꞌ nu̱u̱nꞌ I̱toꞌoꞌ‑ó ya̱ sa̱naanꞌ kunekáꞌnú iniꞌ re̱ꞌ jie̱ꞌe̱ꞌ ya̱ ñúꞌún iniꞌ ánímaꞌ nú.

Romanos 7:5

Chi sáá ntu yɨ́ꞌɨ́‑ó xi̱ntíín Ndiosíꞌ jee ñaꞌnu‑ó sánikua̱ꞌ níyo iniꞌ‑ó, jee jie̱ꞌe̱ꞌ tátúníꞌ ley Ndiosíꞌ ya̱ koto sáꞌá kua̱chi, jee xínóto‑o iniꞌ‑ó ya̱ níyo iniꞌ‑ó saꞌá‑ó kua̱chi. Jee sukuán nsa̱tíñú‑u iniꞌ ñunéꞌyúꞌ kua̱chi‑ó sáva saꞌá‑ó tiñu niváꞌa, saáva kenta‑ó kuéntáꞌ kuviꞌ‑ó nu̱u̱nꞌ Ndiosíꞌ.

Romanos 7:8

Soo jie̱ꞌe̱ꞌ tu̱ꞌun tátúníꞌ Ndiosíꞌ, jee nku̱neí kua̱chi ntɨɨn‑ɨ nuꞌuꞌ, jee nsa̱ꞌá‑a ya̱ ntáká nu̱u̱nꞌ ya̱ nééꞌ uꞌvi iniꞌ ni̱ꞌ. Chi retánꞌ ntu̱ví ley nta̱túníꞌ Ndiosíꞌ jee kuéntáꞌ níꞌiꞌ kua̱chi ya̱ ntu ka̱ꞌ fesáꞌ‑a kúneí víꞌí kosoꞌ nu̱u̱nꞌ ni̱ꞌ.

Colosenses 3:5

Saáva xinóo rán ya̱ níyo iniꞌ rá ñɨvɨ ñɨ̱vɨ́ yaꞌá sáꞌá ráa, ya̱ ntu yɨ́ꞌɨ́ ráa xi̱ntíín Ndiosíꞌ, kuéntáꞌ ñaꞌniꞌ rán ya̱ níyo néꞌén iniꞌ rán, ya̱ íyó suꞌva: koto kúsíkɨ́ iniꞌ rán, koto sáꞌá néꞌí rán, koto ñúꞌún téní iniꞌ rán, koto níyo néꞌén iniꞌ rán, koto sáꞌá úꞌvi iniꞌ rán, ya̱ nuún kúvi‑i jín ya̱ néñu̱ꞌun rán nantíñú ya̱ nsú Ndiosíꞌ ví‑i.

Tito 3:3

Chi nékúvi sunisaá maáó nkuvi‑ó ñɨvɨ naanꞌ, jee nku̱jiááꞌ iniꞌ‑ó, jee maáó nika̱ꞌ ni̱nu̱ꞌ iniꞌ rá tu̱ꞌun xínáꞌví, jee nyɨ̱ꞌɨ‑ó chi̱ji xi̱ntíín kéꞌín ya̱ níyo iniꞌ jín xi̱ntíín kéꞌín ya̱ sɨ̱ɨ̱ꞌ iniꞌ, jee niva̱ꞌa ñaꞌnu‑ó, jee ni̱yo uꞌvi iniꞌ‑ó, jee nta̱ꞌvi̱ꞌ iniꞌ ñɨvɨ nne̱ꞌyá ráa yó, jee nta̱ꞌvi̱ꞌ iniꞌ‑ó nne̱ꞌyá‑ó ɨɨn inka‑ó.

Santiago 2:4

Saájee, ¿á ntu kúníichiꞌ iniꞌ táꞌán rán nteñu maárán, résa? Jee, ¿á nsáꞌ sánáaꞌ rán si̱kɨ̱ꞌ ñɨvɨ jín jiáni niva̱ꞌa xi̱ni̱ꞌ rán résa?