Marcos 7:17 - Mixteco del suroeste de Tlaxiaco Oaxaca

¹⁷ Jee sáá nxi̱nóo Jesús rá ñɨvɨ kue̱ꞌe̱ꞌ, jee nki̱vɨ‑ɨ iniꞌ veꞌi, jee rá te̱e súkuáꞌa re̱ꞌ ráa, ni̱ka̱tu̱ꞌún ráa re̱ꞌ, ná kuíni kachiꞌ tu̱ꞌun ya̱ kúnkunuún vá.

Marcos 7:17 ပူးပေါင်းရင်းမြစ်များ

Mateo 13:10

Saájee rá te̱e súkuáꞌa Jesús ráa, ña̱kuyatin ráa nu̱u̱nꞌ re̱ꞌ, jee nkachiꞌ ráa: ―¿Na̱ kuvi chi káꞌánꞌ nú jín rá ñɨvɨ tu̱ꞌun ya̱ kúnkunuún káꞌánꞌ‑a?

Mateo 13:36

Saájee nxi̱nóo re̱ꞌ rá ñɨvɨ kue̱ꞌe̱ꞌ, jee nki̱vɨ re̱ꞌ iniꞌ veꞌi. Jee ña̱kuyatin rá te̱e súkuáꞌa re̱ꞌ vá nu̱u̱nꞌ re̱ꞌ, jee nkachiꞌ ráa: ―Nakachiꞌ va̱ꞌa xá nu̱u̱nꞌ ráníꞌ ná kúníꞌ kachiꞌ rá tu̱ꞌun kúnkunuún káꞌánꞌ jie̱ꞌe̱ꞌ yu̱ku̱ꞌ ne̱ꞌén vá ya̱ íyó nu̱u̱nꞌ kuꞌúꞌ.

Mateo 15:15

Saájee nna̱xiníkó Pedro jee nkachiꞌ‑i nu̱u̱nꞌ Jesús: ―Nakachiꞌ va̱ꞌa xá nu̱u̱nꞌ ráníꞌ ná kúníꞌ kachiꞌ tu̱ꞌun kúnkunuún nkachiꞌ nú [jie̱ꞌe̱ꞌ ná kúvi ya̱ sáꞌá‑a ya̱ ntu íyó ninuꞌun ñɨvɨ].

Marcos 2:1

Sáá njia̱ꞌa yakuꞌ ki̱vɨ̱ꞌ, Jesús nki̱vɨ tuku ñuunꞌ Capernaum. Jee nteso̱ꞌo ráa ya̱ nééꞌ re̱ꞌ veꞌi.

Marcos 3:20

jee kue̱ꞌe̱ꞌ ñɨvɨ nku̱tútú tuku. Saáva ntu nkúvi kajiꞌ Jesús jín rá u̱xu̱vi̱ꞌ (12) te̱e.

Marcos 4:10

Jee sáá nxi̱nóo maá rá ñɨvɨ Jesús, jee rá ñɨvɨ nkino̱o ka̱ꞌ jín rá u̱xu̱vi̱ꞌ (12) te̱e ni̱ka̱tu̱ꞌún ráa maa ná kuíni káchíꞌ tu̱ꞌun vá.

Marcos 4:34

Ntáká íchí nkaꞌanꞌ re̱ꞌ jín ráa, jee sukuáni nkaꞌanꞌ re̱ꞌ rá tu̱ꞌun ya̱ kúnkunuún vá. Soo nkachiꞌ sɨ́ɨ́n re̱ꞌ nu̱u̱nꞌ rá te̱e, ya̱ súkuáꞌa re̱ꞌ ráa, ná kuíni káchíꞌ ntáká rá tu̱ꞌun vá.

Marcos 7:16

[Retú néni ɨɨn íyó so̱ꞌo, jee teso̱ꞌo va̱ꞌa] ―nkachiꞌ Jesús.

Marcos 7:18

Jee nkachiꞌ‑i nu̱u̱nꞌ ráa: ―Ránoꞌó, ¿á suni neen iniꞌ rán ranika̱ꞌ? ¿Á ntu jiáku̱ꞌun iniꞌ rán, ya̱ nɨꞌɨ rá ki̱vɨ iniꞌ ñɨvɨ, ntu kúvi sáꞌá‑a ya̱ ntu íyó ninuꞌun ñɨvɨ rúja?

Marcos 9:28

Sáá nki̱vɨ Jesús ɨɨn iniꞌ veꞌi, jee rá te̱e súkuáꞌa re̱ꞌ ráa ni̱ka̱tu̱ꞌún sɨ́ɨ́n ráa re̱ꞌ: ―¿Na̱kui chi ntu̱ví nkúneí ráníꞌ tavaꞌ ránꞌ ta̱chi̱ꞌ néꞌí vá?