Marcos 6:41 - Mixteco del suroeste de Tlaxiaco Oaxaca

⁴¹ Jee ntɨɨn Jesús ni úꞌúnꞌ rá i̱xta̱tíláꞌ jín ni núvíꞌ rá tia̱ká vá, jee ni nna̱kune̱ꞌyá re̱ꞌ súkún, jee njia̱ꞌa re̱ꞌ ya̱ kútaꞌviꞌ re̱ꞌ nu̱u̱nꞌ Ndiosíꞌ. Jee nta̱sáva kuáchí re̱ꞌ rá i̱xta̱tíláꞌ. Jee njia̱ꞌa re̱ꞌ maa nu̱u̱nꞌ rá te̱e súkuáꞌa re̱ꞌ ráa, sáva siáꞌa ráa maa nu̱u̱nꞌ rá ñɨvɨ. Jee suni nta̱sáva‑a ni núvíꞌ rá tia̱ká sáva nɨꞌɨ rá ñɨvɨ ni̱ꞌi̱nꞌ ráa maa.

Marcos 6:41 ပူးပေါင်းရင်းမြစ်များ

Mateo 14:19

Saájee nta̱túníꞌ re̱ꞌ nu̱u̱nꞌ rá ñɨvɨ kue̱ꞌe̱ꞌ ya̱ ki̱kuneeꞌ ráa nu̱u̱nꞌ iteꞌ nééꞌ nu̱u̱nꞌ ñu̱ꞌún. Jee ntɨɨn re̱ꞌ ni úꞌúnꞌ rá i̱xta̱tíláꞌ vá jín ni núvíꞌ rá tia̱ká, jee nna̱kune̱ꞌyá re̱ꞌ ne̱ súkún antivɨ́, jee njia̱ꞌa re̱ꞌ ya̱ kútaꞌviꞌ nu̱u̱nꞌ Ndiosíꞌ, jee ña̱ꞌnu̱ꞌ re̱ꞌ rá i̱xta̱tíláꞌ vá njia̱ꞌa re̱ꞌ maa nu̱u̱nꞌ rá te̱e súkuáꞌa re̱ꞌ vá, jee suviráa njia̱ꞌa maa nu̱u̱nꞌ rá ñɨvɨ kue̱ꞌe̱ꞌ vá.

Mateo 15:36

Jee ntɨɨn Jesús ni uxáꞌ rá i̱xta̱tíláꞌ vá, jín rá tia̱ká vá, jee njia̱ꞌa re̱ꞌ ya̱ kútaꞌviꞌ re̱ꞌ nu̱u̱nꞌ Ndiosíꞌ. Jee ña̱ꞌnu̱ꞌ re̱ꞌ maa njia̱ꞌa re̱ꞌ maa nu̱u̱nꞌ rá te̱e súkuáꞌa re̱ꞌ vá, jee rá te̱e súkuáꞌa re̱ꞌ vá njia̱ꞌa maa nu̱u̱nꞌ rá ñɨvɨ kue̱ꞌe̱ꞌ vá.

Mateo 26:26

Jee ni yájíꞌ ráa, jee ntɨɨn Jesús ɨɨn i̱xta̱tíláꞌ jee njia̱ꞌa re̱ꞌ ya̱ kútaꞌviꞌ nu̱u̱nꞌ Ndiosíꞌ, jee ña̱ꞌnu̱ꞌ re̱ꞌ maa, jee njia̱ꞌa re̱ꞌ maa nu̱u̱nꞌ rá te̱e súkuáꞌa re̱ꞌ vá, jee nkachiꞌ re̱ꞌ: ―Tɨɨn rán maa, kajiꞌ rán maa, yaꞌá ví ñunéꞌyúꞌ ni̱ꞌ ―nkachiꞌ Jesús.

Marcos 14:22

Jee ni yájíꞌ ráa, jee ntɨɨn Jesús ɨɨn i̱xta̱tíláꞌ, jee njia̱ꞌa re̱ꞌ ya̱ kútaꞌviꞌ nu̱u̱nꞌ Ndiosíꞌ, jee ña̱ꞌnu̱ꞌ re̱ꞌ maa, jee njia̱ꞌa re̱ꞌ maa nu̱u̱nꞌ ráa, jee nkachiꞌ re̱ꞌ nu̱u̱nꞌ ráa: ―Tɨɨn rán maa. Yaꞌá ví ñunéꞌyúꞌ ni̱ꞌ.

Marcos 6:40

Jee ña̱kuneeꞌ ta sientúꞌ (100) jín ta u̱vi̱xiko u̱ji̱ꞌ (50) ñɨvɨ.

Marcos 6:42

Ntáká ráa nyajiꞌ ne̱ nkuvi iniꞌ ráa.

Marcos 7:34

Jee sáá nna̱kune̱ꞌyá re̱ꞌ súkún, jee nkeꞌen re̱ꞌ kue̱ka̱ꞌ jee nkachiꞌ re̱ꞌ nu̱u̱nꞌ te̱e vá: ―¡Efata! (Tu̱ꞌun yaꞌá kúníꞌ kachiꞌ: ¡Kune!)

Marcos 8:19

sáá nta̱sáva ni̱ꞌ u̱ꞌu̱nꞌ i̱xta̱tíláꞌ nu̱u̱nꞌ u̱ꞌu̱nꞌ mil (5000) te̱e? ¿Na̱ja chikívɨ́ꞌ nñu̱chitú rá léfé nkino̱o, nna̱keꞌen rán rúja? ―nkachiꞌ re̱ꞌ nu̱u̱nꞌ ráa. Jee nkachiꞌ ráa nu̱u̱nꞌ re̱ꞌ: ―U̱xu̱vi̱ꞌ (12).

Lucas 24:30

Jee sáá ña̱kuneeꞌ re̱ꞌ yuꞌú mesa kuxíní re̱ꞌ jín ráa, jee nkeꞌen re̱ꞌ i̱xta̱tíláꞌ, jee njia̱ꞌa re̱ꞌ ya̱ kútaꞌviꞌ nu̱u̱nꞌ Ndiosíꞌ, jee ña̱ꞌnu̱ꞌ re̱ꞌ maa, jee sáá njia̱ꞌa re̱ꞌ maa nu̱u̱nꞌ ráa,

Lucas 9:16

Jee ntɨɨn Jesús ni úꞌúnꞌ rá i̱xta̱tíláꞌ vá jín ni núvíꞌ rá tia̱ká vá, jee ni néꞌyá re̱ꞌ súkún, jee njia̱ꞌa re̱ꞌ ya̱ kútaꞌviꞌ re̱ꞌ nu̱u̱nꞌ Ndiosíꞌ. Jee ña̱ꞌnu̱ꞌ re̱ꞌ maa njia̱ꞌa re̱ꞌ maa nu̱u̱nꞌ rá te̱e kútáꞌán jín re̱ꞌ súkuáꞌa re̱ꞌ, sáva siáꞌa ráa maa nu̱u̱nꞌ rá ñɨvɨ.

Juan 11:41

Saájee nxi̱tá ráa yu̱u̱ꞌ nu̱u̱nꞌ yɨ́ꞌɨ́ te̱e níꞌiꞌ vá. Jee nna̱neꞌen nu̱u̱nꞌ Jesús, jee nna̱kune̱ꞌyá re̱ꞌ ne̱ súkún, jee nkachiꞌ re̱ꞌ: ―Tátáꞌ ni̱ꞌ, táji ni̱ꞌ ya̱ kutaꞌviꞌ ni̱ꞌ nu̱u̱nꞌ nú, chi ntɨɨn kuéntáꞌ nú nu̱u̱nꞌ tu̱ꞌun nkachiꞌ ni̱ꞌ.

Juan 17:1

Jee sáá nkuvi nkachiꞌ Jesús rá tu̱ꞌun yaꞌá, jee nna̱neꞌen nu̱u̱nꞌ re̱ꞌ ne̱ antivɨ́ súkún, jee nkachiꞌ re̱ꞌ: ―Tátáꞌ ni̱ꞌ, vitan jee ya̱ nkenta tiempúꞌ ya̱ kunoꞌo ni̱ꞌ, jee stúvi ya̱ kúñáꞌnú ni̱ꞌ ya̱ kúvi ni̱ꞌ Se̱ꞌya nú, jee sáva nuꞌuꞌ suni stúvi ni̱ꞌ ya̱ maánú kúvi ya̱ kúñáꞌnú nasɨ́kuitɨꞌ ka̱ꞌ.

Juan 6:11

Jee ntɨɨn Jesús rá i̱xta̱tíláꞌ vá, jee njia̱ꞌa re̱ꞌ ya̱ kútaꞌviꞌ nu̱u̱nꞌ Ndiosíꞌ, jee kuíre njia̱ꞌa re̱ꞌ maa nu̱u̱nꞌ rá te̱e súkuáꞌa re̱ꞌ ráa, jee suviráa nta̱sáva maa nu̱u̱nꞌ rá ñɨvɨ nééꞌ yukuán. Jee suni sukuán nsa̱ꞌá re̱ꞌ jín rá tia̱ká, jee njia̱ꞌa ráa maa nu̱u̱nꞌ rá ñɨvɨ vá ne̱ ntántúníꞌ nyajiꞌ rává nɨꞌɨ ne̱kua̱ꞌ nkuvi iniꞌ rává.

Juan 6:23

Jee rá inka ka̱ꞌ barkúꞌ va̱ji ichi ñuunꞌ Tiberias, jee nkenta rává yatin nu̱u̱nꞌ nneeꞌ ráa nyajiꞌ ráa i̱xta̱tíláꞌ sáá njia̱ꞌa Jesús ya̱ kútaꞌviꞌ nu̱u̱nꞌ Ndiosíꞌ jie̱ꞌe̱ꞌ‑e.

Hechos 27:35

Sáá nkachiꞌ Pablo yaꞌá, jee ntɨɨn re̱ꞌ ɨɨn i̱xta̱tíláꞌ, jee njia̱ꞌa re̱ꞌ ya̱ kútaꞌviꞌ nu̱u̱nꞌ Ndiosíꞌ, ichinúúnꞌ nɨꞌɨ ránꞌ, jee ña̱ꞌnu̱ꞌ sava re̱ꞌ maa, jee nka̱jiéꞌé re̱ꞌ yájíꞌ re̱ꞌ maa.

Romanos 14:6

Jee ñɨvɨ ya̱ néñu̱ꞌun‑u ya̱ ɨɨn ki̱vɨ̱ꞌ kúvi ya̱ ííꞌ ka̱ꞌ nsú káꞌ inka ka̱ꞌ, jee sáꞌá‑a vá sáva nakuatáꞌví‑i I̱toꞌoꞌ‑ó. Jee ñɨvɨ ya̱ yájíꞌ nta̱ká nu̱u̱nꞌ, jee sáꞌá‑a vá sáva nakuatáꞌví‑i I̱toꞌoꞌ‑ó ví ya̱ yájíꞌ‑i sukuán, chi jiáꞌa‑a ya̱ kútaꞌviꞌ‑i nu̱u̱nꞌ Ndiosíꞌ. Jee ñɨvɨ ya̱ ntu̱ví yájíꞌ nta̱ká nu̱u̱nꞌ, jee sáꞌá‑a vá sáva nakuatáꞌví‑i I̱toꞌoꞌ‑ó ví ya̱ yájíꞌ‑i sukuán, jee jiáꞌa‑a ya̱ kútaꞌviꞌ‑i nu̱u̱nꞌ Ndiosíꞌ.

1 Corintios 10:31

Saáva va̱ni yájíꞌ ránú áxí va̱ni jíꞌi rán áxí na̱ jie̱ꞌe̱ꞌ tiñu sáꞌá rán, jee saꞌá rán ntáká tiñu sáva nakuetúꞌún rá ñɨvɨ jie̱ꞌe̱ꞌ Ndiosíꞌ ya̱ kuniꞌ ráa ya̱ viiꞌ nasɨ́kuitɨꞌ kúñáꞌnú re̱ꞌ.

Colosenses 3:17

Jee néni ɨɨn tu̱ꞌun káꞌánꞌ rán, áxí néni ɨɨn tiñu ya̱ sáꞌá rán, jee saꞌá va̱ꞌa rán nɨꞌɨ nu̱u̱nꞌ súví I̱toꞌoꞌ‑ó Jesús. Jee ku̱ꞌva rán ya̱ kútaꞌviꞌ rán nu̱u̱nꞌ Tátáꞌ‑ó Ndiosíꞌ, jie̱ꞌe̱ꞌ ya̱ nsa̱ꞌá Cristo jie̱ꞌe̱ꞌ ránoꞌó.