Marcos 6:3 - Mixteco del suroeste de Tlaxiaco Oaxaca

³ ¿Á nsú te̱e chutáꞌán yutun ví te̱e yaꞌá, rúsa? Jín, ¿á nsú se̱ꞌya María kúvi re̱ꞌ?, jee, ¿á nsú kúvi re̱ꞌ ñaniꞌ Jacobo, José, Judas, jín Simón? Jee, ¿á suni nsáꞌ nééꞌ rá ku̱ꞌva re̱ꞌ yaꞌá nteñu‑ó, rúsa? ―nkachiꞌ rá ñɨvɨ ñuunꞌ yukuán. Saájee nku̱níní iniꞌ ráa jie̱ꞌe̱ꞌ re̱ꞌ.

Marcos 6:3 ပူးပေါင်းရင်းမြစ်များ

Mateo 11:6

Jee na̱ ka̱ꞌ netuꞌ ka̱ꞌ kúvi ñɨvɨ ya̱ ntu kúníní iniꞌ‑i jie̱ꞌe̱ꞌ nuꞌuꞌ jee ntu kúsɨ́ɨ́n‑ɨ nu̱u̱nꞌ nuꞌuꞌ ―nkachiꞌ Jesús nu̱u̱nꞌ rá te̱e vá.

Mateo 12:46

Jee ni káꞌánꞌ ka̱ꞌ Jesús jín rá ñɨvɨ kue̱ꞌe̱ꞌ, saájee nkenta nánáꞌ re̱ꞌ jín rá ñaniꞌ re̱ꞌ íñɨ́ ráa ta̱ve̱ꞌí, jee kuíni ráa kaꞌanꞌ ráa jín re̱ꞌ.

Marcos 15:40

Jee suni ni̱ñɨ rá ñaꞌan nne̱ꞌyá íká ráa. Jee nteñu ráa ni̱ñɨ María ñuunꞌ Magdala, jín Salomé, jín María, nánáꞌ José jín Jacobo, ya̱ súchí ka̱ꞌ.

Marcos 3:18

jín Andrés, Felipe, Bartolomé, Mateo, Tomás, jín Jacobo se̱ꞌya Alfeo, Tadeo, jín Simón ya̱ ni̱ñɨ re̱ꞌ jín rá te̱e ñujiínꞌ cananista,

Lucas 2:34

Jee nkachiꞌ re̱ꞌ ya̱ na̱ ka̱ꞌ saꞌá ka̱ꞌ Ndiosíꞌ ya̱ váꞌa jín ráa, jee nkachiꞌ re̱ꞌ nu̱u̱nꞌ nánáꞌ‑a María: ―Kuniꞌ nú, te̱lúlí yaꞌá saá ya̱ ñani maa va̱ji re̱ꞌ sáva saꞌá re̱ꞌ ya̱ kininkava kue̱ꞌe̱ꞌ víꞌí rá ñɨvɨ ñuunꞌ Israel kɨ̱naanꞌ ráa, jee xináa re̱ꞌ rá kue̱ꞌe̱ꞌ ñɨvɨ ñuunꞌ Israel ya̱ ñúláꞌví iniꞌ ráa. Jee suni maáréꞌ kúvi seña ya̱ nchu̱ichí Ndiosíꞌ stúvi ya̱ nááꞌ, soo súka̱ꞌ sukuán jee nuni̱ꞌin ñɨvɨ nu̱u̱nꞌ re̱ꞌ.

Lucas 7:23

Jee na̱ ka̱ꞌ netuꞌ ka̱ꞌ kúvi ñɨvɨ ya̱ ntu kúníní iniꞌ‑i jie̱ꞌe̱ꞌ nuꞌuꞌ jee ntu kúsɨ́ɨ́n‑ɨ nu̱u̱nꞌ nuꞌuꞌ ―nkachiꞌ Jesús nu̱u̱nꞌ rá te̱e vá.

Lucas 8:20

Jee ɨɨn rá ñɨvɨ ña̱kachiꞌ‑i nu̱u̱nꞌ re̱ꞌ: ―Nánáꞌ nú jín rá ñaniꞌ nú íñɨ́ ráa chíkéꞌi jee kuíni ráa kine̱ꞌyá ráa noꞌó ―nkachiꞌ‑i.

Juan 14:22

Jee nkaꞌanꞌ Judas, ya̱ ntu kúvi Iscariote, jee nkachiꞌ‑i nu̱u̱nꞌ re̱ꞌ: ―I̱toꞌoꞌ, ¿na̱ jie̱ꞌe̱ꞌ chi nu̱u̱nꞌ ránꞌ stúvi nú maánú jee ntu nu̱u̱nꞌ rá ñɨvɨ ñɨ̱vɨ́? ―nkachiꞌ‑i.

Juan 6:42

Saájee nkachiꞌ ráa: ―¿Á nsú te̱e yaꞌá ví Jesús ya̱ kúvi se̱ꞌya José? Jee jíníꞌ‑ó né ɨɨn ví tátáꞌ re̱ꞌ jín nánáꞌ re̱ꞌ. ¿Na̱sa kúvi káchíꞌ re̱ꞌ: “Ne̱ antivɨ́ nkikuun ni̱ꞌ, rúsa”? ―nkachiꞌ ráa.

Hechos 1:13

Sáá nkenta ráa ñuunꞌ vá, jee nkaa ráa iniꞌ veꞌi yósóꞌ táꞌán nu̱u̱nꞌ nkino̱o ráa. Ni̱yo Pedro, jín Juan, jín Jacobo, jín Andrés, jín Felipe, jín Tomás, jín Bartolomé, jín Mateo, jín Jacobo, ya̱ kúvi se̱ꞌya Alfeo, jín Simón, ya̱ nyɨꞌɨ ñujiínꞌ Celote, jín Judas ya̱ kúvi ñaniꞌ Jacobo.

Hechos 12:17

Jee nsa̱naꞌá re̱ꞌ nu̱u̱nꞌ ráa sáva kuniꞌín ráa. Jee nna̱kani re̱ꞌ nu̱u̱nꞌ ráa na̱ja vá ntavaꞌ I̱toꞌoꞌ‑ó re̱ꞌ iniꞌ veka̱a, jee nkachiꞌ re̱ꞌ: ―Nakani rán maa nu̱u̱nꞌ Jacobo jín rá ñani kúneí iniꞌ ráa Jesús. Jee nkene re̱ꞌ kua̱ꞌa̱nꞌ re̱ꞌ inka nu̱u̱nꞌ.

1 Corintios 1:23

Soo ránuꞌuꞌ chi káchítu̱ꞌún ráníꞌ jie̱ꞌe̱ꞌ ya̱ níꞌiꞌ nijia Cristo nu̱u̱nꞌ kurúsiꞌ sáva natavaꞌ re̱ꞌ rá ñɨvɨ nu̱u̱nꞌ kua̱chi ráa. Soo nu̱u̱nꞌ rá ñɨvɨ ñuunꞌ Israel chi tu̱ꞌun yaꞌá kúvi tu̱ꞌun chúníní iniꞌ nu̱u̱nꞌ ráa jee kúíchi iniꞌ ráa maa. Jee nu̱u̱nꞌ rá ñɨvɨ ntu kúvi ñuunꞌ Israel jee tu̱ꞌun naanꞌ ví tu̱ꞌun vá nu̱u̱nꞌ ráa.

1 Corintios 9:4

Jee, ¿á nsáꞌ íyó níꞌinꞌ ráníꞌ kajiꞌ ránꞌ jee koꞌo ránꞌ [ya̱ táji ñɨvɨ nu̱u̱nꞌ ráníꞌ jie̱ꞌe̱ꞌ ya̱ sáꞌá ránꞌ tiñu Ndiosíꞌ] rúja?

Gálatas 1:19

Soo ntu níníꞌ ni̱ꞌ ni ɨɨn rá inka te̱e níso ráa tiñu apóstol. Kua̱chi Jacobo niniꞌ ni̱ꞌ ya̱ kúvi re̱ꞌ ñaniꞌ I̱toꞌoꞌ‑ó Jesús.

1 Pedro 2:4

Nátuꞌva rán nu̱u̱nꞌ I̱toꞌoꞌ‑ó, ya̱ kúvi re̱ꞌ yu̱u̱ꞌ tékúꞌ ya̱ nku̱ichi iniꞌ rá ñɨvɨ maa, soo Ndiosíꞌ nka̱ji re̱ꞌ maa ya̱ yɨ́yáꞌvi‑i.

Judas 1:1

Nuꞌuꞌ Judas, ya̱ kúvi ni̱ꞌ musúꞌ Jesús, níso re̱ꞌ tiñu Cristo ya̱ ñani Ndiosíꞌ re̱ꞌ sáva tatúníꞌ re̱ꞌ nu̱u̱nꞌ nɨꞌɨ. Jee kúvi ni̱ꞌ ñaniꞌ Jacobo. Jee tée ni̱ꞌ tutuꞌ yaꞌá nu̱u̱nꞌ ránoꞌó ñɨvɨ ya̱ nkana Tátáꞌ‑ó Ndiosíꞌ ránoꞌó kɨꞌɨ rán nu̱u̱nꞌ re̱ꞌ, jee ñúnúunꞌ re̱ꞌ ránoꞌó. Jee maá Jesús, ya̱ kúvi re̱ꞌ Cristo, jee kúmí re̱ꞌ ránoꞌó ya̱ yɨ́ꞌɨ́ rán xi̱ntíín re̱ꞌ.