Marcos 6:12 - Mixteco del suroeste de Tlaxiaco Oaxaca

¹² I̱ña̱jée nkene ráa stekútu̱ꞌún ráa ya̱ íyó nakani iniꞌ rá ñɨvɨ jie̱ꞌe̱ꞌ kua̱chi ráa jee kunikɨnꞌ ráa Ndiosíꞌ.

Marcos 6:12 ပူးပေါင်းရင်းမြစ်များ

Mateo 11:1

Jee sáá nkuvi nkachiꞌ Jesús rá tiñu njiáꞌa re̱ꞌ ya̱ saꞌá ni uxúꞌ u̱vi̱ꞌ (12) rá te̱e kútáꞌán jín re̱ꞌ súkuáꞌa re̱ꞌ ráa, jee nkene re̱ꞌ yukuán kua̱ꞌa̱nꞌ re̱ꞌ sáva xinéꞌénꞌ re̱ꞌ jee kachitu̱ꞌún re̱ꞌ Tu̱ꞌun Ndiosíꞌ nu̱u̱nꞌ rá ñɨvɨ rá ñuunꞌ káá yukuán.

Mateo 11:20

Saájee nka̱jiéꞌé káꞌánꞌ xichiꞌ re̱ꞌ si̱kɨ̱ꞌ rá ñɨvɨ rá ñuunꞌ nu̱u̱nꞌ ni̱kónúun re̱ꞌ nsa̱ꞌá víꞌí re̱ꞌ ka̱ꞌ rá milagrúꞌ, jie̱ꞌe̱ꞌ ya̱ ntu̱ví nna̱kani iniꞌ ráa jie̱ꞌe̱ꞌ kua̱chi sáꞌá ráa jee nakunikɨnꞌ ráa ichi Ndiosíꞌ, saáva nkachiꞌ re̱ꞌ:

Mateo 3:2

jee nkachiꞌ re̱ꞌ: ―Nakani iniꞌ rán xinóo rán kua̱chi rán, chi ya nkikuyatin nu̱u̱nꞌ rán ya̱ kuvi ki̱vɨ rán naꞌá Ndiosíꞌ ya̱ nééꞌ re̱ꞌ antivɨ́ súkún sáva tatúníꞌ re̱ꞌ nu̱u̱nꞌ rán ―nkachiꞌ Juan.

Mateo 3:8

’Saáva íyó saꞌá rán tiñu na̱a̱ꞌ váꞌa, ya̱ stúvi nijia rán ya̱ nna̱kani nijia iniꞌ rán nxi̱nóo rán tiñu niváꞌa. Jee suꞌva kuvi rán kuéntáꞌ yutun kúun ya̱ vixíꞌ váꞌa.

Mateo 4:17

Jee ne̱ tiempúꞌ yukuán nka̱jiéꞌé Jesús stékútu̱ꞌún re̱ꞌ jee nkachiꞌ re̱ꞌ: ―Nakani iniꞌ rán xinóo rán kua̱chi rán, chi ya nkikuyatin nu̱u̱nꞌ rán ya̱ kuvi ki̱vɨ rán naꞌá Ndiosíꞌ ya̱ nééꞌ re̱ꞌ antivɨ́ súkún sáva tatúníꞌ re̱ꞌ nu̱u̱nꞌ rán ―nkachiꞌ Jesús.

Mateo 9:13

Kuáꞌán rán, jee kutu̱ꞌva rán ná kúníꞌ káchíꞌ tu̱ꞌun yaꞌá ya̱ níso nu̱u̱nꞌ Tutuꞌ Ííꞌ ya̱ káchíꞌ Ndiosíꞌ suꞌva: “Kuíni ni̱ꞌ ya̱ kunáꞌví iniꞌ rán ñanitáꞌán rán, jee nsú ya̱ so̱ko̱ꞌ rán rá sa̱na̱ꞌ nu̱u̱nꞌ ni̱ꞌ.” Chisaꞌ nsáꞌ váji ni̱ꞌ kana ni̱ꞌ rá ñɨvɨ na̱a̱ꞌ sáva ki̱vɨ ráa nu̱u̱nꞌ Ndiosíꞌ, chisaꞌ va̱ji ni̱ꞌ kana ni̱ꞌ rá ñɨvɨ íyó kua̱chi sáva nakani iniꞌ ráa jee ki̱vɨ ráa naꞌá Ndiosíꞌ ―nkachiꞌ Jesús.

Marcos 1:15

jee nkachiꞌ re̱ꞌ: ―Ya nkenta ki̱vɨ̱ꞌ ñani Ndiosíꞌ, ya̱ va̱kuyatin ya̱ tátúníꞌ Ndiosíꞌ nu̱u̱nꞌ ñɨvɨ. Nakani iniꞌ rán jee i̱nu̱ꞌ iniꞌ rán tu̱ꞌun váꞌa Ndiosíꞌ, naní evangelio.

Marcos 1:3

Ɨɨn nusuyuꞌú ɨɨn te̱e ya̱ kánajíín ne̱ nu̱u̱nꞌ ñu̱ꞌún sáɨn nu̱u̱nꞌ ntu̱ví ñɨvɨ jee káchíꞌ re̱ꞌ: “[Satúꞌva rán ánímaꞌ rán sáva koo maniꞌ rán natuꞌva rán nu̱u̱nꞌ I̱toꞌoꞌ‑ó kuéntáꞌ] satúꞌva rán ichi kiji re̱ꞌ. Kuéntáꞌ nasaꞌá na̱a̱ꞌ rán ichi kiaaꞌ re̱ꞌ”, sukuán ntee Isaías.

Lucas 11:32

Jee rá ñɨvɨ ñuunꞌ Nínive kuiñɨ ráa jín rá ñɨvɨ íyó tiempúꞌ vitan ichinúúnꞌ Ndiosíꞌ ki̱vɨ̱ꞌ sanáaꞌ re̱ꞌ jie̱ꞌe̱ꞌ kua̱chi rá ñɨvɨ, jee sijíta ráa rá ñɨvɨ íyó tiempúꞌ vitan, chi rá ñɨvɨ ñuunꞌ Nínive vá nna̱kani iniꞌ ráa nxi̱nóo ráa rá kua̱chi ráa sáá nteso̱ꞌo ráa Tu̱ꞌun Ndiosíꞌ nkachitu̱ꞌún Jonás nu̱u̱nꞌ ráa. Soo, ¡kune̱ꞌyá rán!, íyó ni̱ꞌ jín rán yaꞌá jee máá kúñáꞌnú nasɨ́kuitɨꞌ ni̱ꞌ ka̱ꞌ nsú káꞌ Jonás.

Lucas 13:3

Soo káchíꞌ ni̱ꞌ nu̱u̱nꞌ rán ya̱ ntu̱ví, chi retú ntu nákani iniꞌ rán xinóo rán kua̱chi rán, jee sunisaá kɨ̱naanꞌ ntáká rán.

Lucas 13:5

Soo káchíꞌ ni̱ꞌ nu̱u̱nꞌ rán ya̱ ntu̱ví, chi retú ntu nákani iniꞌ rán xinóo rán kua̱chi rán, jee sunisaá kɨ̱naanꞌ ntáká rán ―nkachiꞌ Jesús.

Lucas 15:10

Jee saáva nuꞌuꞌ káchíꞌ ni̱ꞌ nu̱u̱nꞌ rán ya̱ suni íyó tu̱ꞌun kúsɨ́ɨꞌ iniꞌ rá najiáꞌáꞌ ííꞌ Ndiosíꞌ jie̱ꞌe̱ꞌ ɨɨn ñɨvɨ kua̱chi retú nákani iniꞌ‑i jie̱ꞌe̱ꞌ kua̱chi sáꞌá‑a jee kunikɨnꞌ‑ɨ Ndiosíꞌ ―nkachiꞌ Jesús.

Lucas 15:7

Chi máá naáꞌ vá káchíꞌ ni̱ꞌ nu̱u̱nꞌ rán ya̱ suni sukuán saꞌ víꞌí káꞌ íyó tu̱ꞌun kúsɨ́ɨꞌ iniꞌ ne̱ antivɨ́ nu̱u̱nꞌ íyó Ndiosíꞌ, jie̱ꞌe̱ꞌ ɨɨn ñɨvɨ íyó kua̱chi retú nna̱kani iniꞌ‑i jie̱ꞌe̱ꞌ kua̱chi sáꞌá‑a jee kunikɨnꞌ‑ɨ Ndiosíꞌ, nsú káꞌ ya̱ kúmíxiko xa̱ꞌu̱nꞌ ku̱mi̱ꞌ (99) rá ñɨvɨ na̱a̱ꞌ ya̱ ntu jíniñúꞌún nakani iniꞌ‑i.

Lucas 24:47

Jee te̱ku̱tu̱ꞌún tu̱ꞌun ni̱ꞌ ya̱ nu̱u̱nꞌ nuꞌuꞌ váji ya̱ nakani iniꞌ ñɨvɨ jie̱ꞌe̱ꞌ kua̱chi ráa sáva kunekáꞌnú iniꞌ Ndiosíꞌ ráa jie̱ꞌe̱ꞌ kua̱chi ráa. Te̱ku̱tu̱ꞌún tu̱ꞌun ni̱ꞌ nu̱u̱nꞌ rá ñɨvɨ ntáká rá ñuunꞌ kua̱íyó ñɨ̱vɨ́ jee kajiéꞌé‑e ne̱ ñuunꞌ Jerusalén.

Lucas 9:6

Saájee nke̱chí ráa kua̱ꞌa̱nꞌ ráa ntáká rá ñuunꞌ ta ñuunꞌ jíkónúun ráa stékútu̱ꞌún ráa tu̱ꞌun váꞌa Ndiosíꞌ, jee suni ntáká nu̱u̱nꞌ kua̱ꞌa̱nꞌ ráa xínúvi ráa rá ñɨvɨ kúꞌvíꞌ.

Hechos 11:18

Jee sáá nteso̱ꞌo ráa tu̱ꞌun yaꞌá, ña̱kui̱ñɨ̱ꞌ ráa ya̱ kántátúꞌun ráa, jee nna̱kuetúꞌún ráa Ndiosíꞌ: ―I̱ña̱jée suni Ndiosíꞌ jiáꞌa ya̱ rá ñɨvɨ, ya̱ ntu kúvi Israel, nakani iniꞌ ráa jie̱ꞌe̱ꞌ ichi jiáꞌnu ráa, sáva ki̱vɨ ráa nu̱u̱nꞌ re̱ꞌ, sáva kutekuꞌ ráa nɨ́ɨ́nkání jín re̱ꞌ.

Hechos 2:38

Jee nna̱xiníkó Pedro nu̱u̱nꞌ ráa: ―Nakani iniꞌ rán kua̱chi rán, jee kuanuté rán, sáva stúvi rán ya̱ ya nki̱vɨ rán nu̱u̱nꞌ Jesús ya̱ kúvi Cristo, sáva kunekáꞌnú iniꞌ Ndiosíꞌ kua̱chi rán, jee kutaꞌviꞌ rán Ta̱chi̱ꞌ Ííꞌ re̱ꞌ.

Hechos 20:21

Nkachitu̱ꞌún ni̱ꞌ nu̱u̱nꞌ rá ñɨvɨ Israel jín suni nu̱u̱nꞌ rá ntu kúvi ñɨvɨ Israel. Nna̱stúvi ni̱ꞌ ya̱ naáꞌ ya̱ íyó nakani iniꞌ ráa jie̱ꞌe̱ꞌ kua̱chi ráa, jee kunikɨnꞌ ráa Ndiosíꞌ, jee kuneí iniꞌ ráa I̱toꞌoꞌ‑ó Jesús.

Hechos 26:20

Jee xíꞌnañúꞌún nste̱kútu̱ꞌún ni̱ꞌ nu̱u̱nꞌ rá ñɨvɨ ñuunꞌ Damasco, jín suni nu̱u̱nꞌ rá ñɨvɨ ñuunꞌ Jerusalén, jín nu̱u̱nꞌ nɨꞌɨ sánitɨ́ɨn Judea, jín nu̱u̱nꞌ rá inka nación, ya̱ nakani iniꞌ ráa jee nakunikɨnꞌ ráa Ndiosíꞌ. Jee nste̱kútu̱ꞌún ni̱ꞌ, ya̱ saꞌá ráa rá tiñu váꞌa, ya̱ stúvi ya̱ nna̱kani nijia iniꞌ ráa.

Hechos 3:19

Nakani iniꞌ rán jie̱ꞌe̱ꞌ kua̱chi rán, jee nakunikɨnꞌ rán Ndiosíꞌ, sáva xinónoo re̱ꞌ kua̱chi rán. Jee sáva maá I̱toꞌoꞌ‑ó taji tiempúꞌ ya̱ nuva̱ꞌa iniꞌ rán.