Marcos 5:7 - Mixteco del suroeste de Tlaxiaco Oaxaca

⁷ Jee ni̱ꞌin xá nka̱najíín re̱ꞌ nsa̱ꞌá ta̱chi̱ꞌ néꞌí kákini, jee nkachiꞌ‑i: ―¿Na̱kui chi kíní nú maánú nteñu ráníꞌ, Jesús, Se̱ꞌya Ndiosíꞌ, máá kúñáꞌnú nasɨ́kuitɨꞌ nu̱u̱nꞌ kua̱íyó? Jíkánꞌ táꞌvíꞌ ni̱ꞌ nu̱u̱nꞌ noꞌó ichinúúnꞌ Ndiosíꞌ, ya̱ koto xínóꞌo nú nuꞌuꞌ.

Marcos 5:7 ပူးပေါင်းရင်းမြစ်များ

Génesis 3:15

Jee saꞌá ni̱ꞌ ya̱ tu̱fi̱ꞌ ta̱ꞌán noꞌó jín ñaꞌan vá, jín ya̱ tu̱fi̱ꞌ ta̱ꞌán se̱ꞌya ichiyúkúnꞌ nú jín se̱ꞌya ichiyúkúnꞌ ña. Jee ɨɨn se̱ꞌya ichiyúkúnꞌ ña xtufíꞌ re̱ꞌ xi̱ni̱ꞌ nú, jee suvinú xtufíꞌ xu̱jieꞌéꞌ re̱ꞌ.

Mateo 16:16

Saájee nna̱xiníkó Simón Pedro, jee nkachiꞌ‑i: ―Noꞌó kúvi nú Cristo, Se̱ꞌya Ndiosíꞌ tékúꞌ.

Mateo 26:63

Soo níín íyó Jesús, jee su̱tu̱ꞌ kúñáꞌnú vá nkachiꞌ‑i nu̱u̱nꞌ re̱ꞌ: ―Tátúníꞌ ni̱ꞌ nu̱u̱nꞌ nú, nu̱u̱nꞌ súví Ndiosíꞌ tékúꞌ ya̱ kachiꞌ nú nu̱u̱nꞌ ráníꞌ retú noꞌó kúvi Cristo, ya̱ ñani Ndiosíꞌ tátúníꞌ nú ñɨ̱vɨ́, ya̱ kúvi nú Se̱ꞌya Ndiosíꞌ ―nkachiꞌ su̱tu̱ꞌ kúñáꞌnú vá nu̱u̱nꞌ Jesús.

Mateo 4:3

Saájee nkenta kui̱ꞌna̱ꞌ kúñáꞌnú ya̱ sikúvi‑i iniꞌ ñɨvɨ, jee nkachiꞌ‑i nu̱u̱nꞌ Jesús: ―Ya̱ kúvi nú Se̱ꞌya Ndiosíꞌ, jee kachiꞌ nu̱u̱nꞌ rá yu̱u̱ꞌ yaꞌá ya̱ nuvi ráa i̱xta̱tíláꞌ kajiꞌ nú ―nkachiꞌ‑i.

Mateo 8:29

Jee nka̱najíín ráa nsa̱ꞌá ta̱chi̱ꞌ néꞌí kákini yɨ́ꞌɨ́ iniꞌ ráa, jee nkachiꞌ ráa: ―¿Na̱kui chi kíní nú maánú nteñu ráníꞌ, Jesús, Se̱ꞌya Ndiosíꞌ? ¿Á váji nú yaꞌá sáva xinóꞌo nú ránuꞌuꞌ ne̱ ntiáꞌan ka̱ꞌ kenta tiempúꞌ ji̱nu rúja? ―nkachiꞌ ráa.

Marcos 1:24

―¿Na̱chi kíní nú maánú nteñu ránꞌ, Jesús ñuunꞌ Nazaret! ¿Á va̱ji nú xináánꞌ nú ránuꞌuꞌ? Jíníꞌ va̱ꞌa ni̱ꞌ né ɨɨn kúvi nú. Noꞌó vá i̱i̱ꞌ ya̱ váji nu̱u̱nꞌ Ndiosíꞌ ―nkachiꞌ ta̱chi̱ꞌ néꞌí.

Marcos 14:61

Soo níín íyó re̱ꞌ, jee ntu̱náꞌ nnáxiníkó re̱ꞌ. Jee inka íchí ka̱ꞌ ni̱ka̱tu̱ꞌún tuku su̱tu̱ꞌ kúñáꞌnú ka̱ꞌ maa, jee nkachiꞌ re̱ꞌ nu̱u̱nꞌ‑u: ―Noꞌó, ¿á kúvi nú Cristo, ya̱ kúvi nú Se̱ꞌya Ndiosíꞌ ííꞌ, ya̱ netuꞌ kúvi re̱ꞌ?

Marcos 3:11

Jee rá ñɨvɨ yɨ́ꞌɨ́ ta̱chi̱ꞌ néꞌí, sáá niniꞌ ráa re̱ꞌ, nstu̱víꞌ ráa maáráa ichinúúnꞌ re̱ꞌ, jee kánajíín ráa: ―Suvinú kúvi Se̱ꞌya Ndiosíꞌ.

Marcos 5:6

Jee sáá niniꞌ íká re̱ꞌ Jesús, ninu re̱ꞌ jee ña̱kui̱ñɨ̱ꞌ ítɨ́ re̱ꞌ ña̱xin re̱ꞌ maáréꞌ nu̱u̱nꞌ Jesús.

Marcos 5:8

Sukuán nkachiꞌ‑i, chi nta̱túníꞌ Jesús nu̱u̱nꞌ‑u: ―¡Ta̱chi̱ꞌ kíni! ¡Kene te̱e i̱ña̱ꞌ!

Lucas 1:32

Jee kuñáꞌnú re̱ꞌ, jee kuna̱ní re̱ꞌ Se̱ꞌya Ndiosíꞌ máá ñáꞌnú ka̱ꞌ nu̱u̱nꞌ nɨꞌɨ. Jee saꞌá I̱toꞌoꞌ‑ó Ndiosíꞌ ya̱ tatúníꞌ re̱ꞌ, kuéntáꞌ kua̱ꞌ nta̱túníꞌ David ya̱ kúvi tátáꞌ jííꞌ ichiyúkúnꞌ re̱ꞌ.

Lucas 4:34

―¿Na̱chi kíní nú maánú nteñu ránꞌ, Jesús ñuunꞌ Nazaret! ¿Á va̱ji nú xináánꞌ nú ránuꞌuꞌ! ¡Jíníꞌ va̱ꞌa ni̱ꞌ né ɨɨn kúvi nú! ¡Noꞌó vá ííꞌ ya̱ váji nu̱u̱nꞌ Ndiosíꞌ! ―nkachiꞌ ta̱chi̱ꞌ kákini vá.

Lucas 6:35

’Soo kunu̱u̱nꞌ rán rá ñɨvɨ ya̱ túfíꞌ táꞌán ráa jín ránoꞌó jee saꞌá rán ya̱ váꞌa jín ráa. Jee ku̱ꞌvanúún rán nu̱u̱nꞌ ñɨvɨ sú ntu jíníꞌ rán ya̱ naniꞌinꞌ tuku rán maa. Jee máá ñáꞌnú ví ta̱ꞌvi̱ꞌ ni̱ꞌi̱nꞌ rán, jee kuvi rán se̱ꞌya Ndiosíꞌ máá ñáꞌnú ka̱ꞌ nu̱u̱nꞌ nɨꞌɨ, chi ñúnkúún iniꞌ re̱ꞌ rá ñɨvɨ ya̱ ntu jiáꞌa ráa ya̱ kútaꞌviꞌ ráa nu̱u̱nꞌ re̱ꞌ jín rá ñɨvɨ niváꞌa.

Lucas 8:28

Jee sáá niniꞌ‑i Jesús, jee nka̱najíín‑i jee ña̱kui̱ñɨ̱ꞌ ítɨ́‑ɨ ña̱xin‑i maáa jie̱ꞌe̱ꞌ Jesús, jee kua̱neí‑i nka̱najíín‑i: ―¿Na̱kui chi kíní nú maánú jín nuꞌuꞌ, Jesús, Se̱ꞌya Ndiosíꞌ máá kúñáꞌnú nasɨ́kuitɨꞌ nu̱u̱nꞌ kua̱íyó? Jíkánꞌ táꞌvíꞌ ni̱ꞌ nu̱u̱nꞌ noꞌó ya̱ koto xínóꞌo nú nuꞌuꞌ ―nkachiꞌ‑i.

Juan 20:31

Soo rá tu̱ꞌun yaꞌá ntee ni̱ꞌ nu̱u̱nꞌ tutuꞌ yaꞌá, sáva ránoꞌó ji̱nu̱ꞌ iniꞌ rán ya̱ Jesús kúvi re̱ꞌ Cristo, ya̱ nátavaꞌ‑a ñɨvɨ nu̱u̱nꞌ kua̱chi ráa, jín ya̱ kúvi re̱ꞌ Se̱ꞌya Ndiosíꞌ, jee sáva ni̱ꞌi̱nꞌ rán ya̱ kutekuꞌ rán nɨ́ɨ́nkání jín re̱ꞌ jie̱ꞌe̱ꞌ ya̱ kúneí iniꞌ rán re̱ꞌ.

Hechos 16:17

Jee suviña níkɨ́nꞌ ña Pablo jín ránꞌ, jee kánajíín ña: ―Rá te̱e yaꞌá kúvi rá musúꞌ ya̱ jiátíñú Ndiosíꞌ, ya̱ kúñáꞌnú ka̱ꞌ nu̱u̱nꞌ nɨꞌɨ. Stékútu̱ꞌún ráa nu̱u̱nꞌ ránoꞌó na̱ja nanitáꞌvíꞌ rán ―nkachiꞌ ñasúchí vá.

Hechos 19:13

Saájee sava rá ñɨvɨ Israel jíkónúun ráa táváꞌ ráa rá ta̱chi̱ꞌ kini yɨ́ꞌɨ́ rá ñɨvɨ. Jee nnu̱nasɨ́ ráa jiátíñú ráa súví I̱toꞌoꞌ‑ó Jesús nu̱u̱nꞌ rá ñɨvɨ yɨ́ꞌɨ́ ta̱chi̱ꞌ kíni. Káchíꞌ ráa: ―Nuꞌuꞌ tátúníꞌ nu̱u̱nꞌ nú jín súví Jesús, ya̱ stékútu̱ꞌún Pablo, ya̱ kene nú ñɨvɨ yaꞌá.

Hechos 8:36

Jee ni kua̱ꞌa̱nꞌ ráa ichi, jee nkenta ráa nu̱u̱nꞌ ñúꞌún nute. Jee nkachiꞌ te̱e nísotíñú vá: ―¡Kune̱ꞌyá nute vá! ¿Á íyó ya̱ chúsává ya̱ kuanuté ni̱ꞌ?

Romanos 16:20

Jee maá Ndiosíꞌ ya̱ sáꞌá re̱ꞌ ya̱ nééꞌ va̱ꞌa‑ó, jee ya̱chi̱ꞌ ni saꞌá re̱ꞌ ya̱ kuneí rán jín kui̱ꞌna̱ꞌ kúñáꞌnú ya̱ naní Satanás kuéntáꞌ kua̱xin rán maa chi̱ji jie̱ꞌe̱ꞌ rán. Jee na̱ ka̱ꞌ koo ma̱ni̱ꞌ iniꞌ I̱toꞌoꞌ‑ó Jesús kune̱ꞌyá re̱ꞌ ránoꞌó.

Hebreos 2:14

Saáva rá se̱ꞌya vá jee ñɨvɨ yɨkɨkúñu ví ráa, jee suni sukuán nuún nkuvi maá Jesús chi suni ñɨvɨ yɨkɨkúñu ví re̱ꞌ ranika̱ꞌ, sáva nkuvi ni̱ꞌi̱ꞌ re̱ꞌ jie̱ꞌe̱ꞌ‑ó, sáva kuneí re̱ꞌ nu̱u̱nꞌ kui̱ꞌna̱ꞌ kúñáꞌnú ya̱ níso fuersáꞌ ya̱ kínóo ñɨvɨ jín kua̱chi ráa jee jíꞌíꞌ ráa jee ntu nánitáꞌvíꞌ ráa.

Hebreos 7:1

Jee Melquisedec yaꞌá, nkuvi re̱ꞌ te̱e nísotíñú ya̱ nta̱túníꞌ ñuunꞌ Salem, jee suni nkuvi re̱ꞌ su̱tu̱ꞌ nu̱u̱nꞌ Ndiosíꞌ máá kúñáꞌnú nasɨ́kuitɨꞌ ka̱ꞌ. Jee ña̱taꞌanꞌ re̱ꞌ Abraham sáá nni̱kó‑o ya̱ ña̱kantáꞌán‑a sáá nku̱neí‑i ñakɨnꞌ‑ɨ ya̱ta̱ꞌ rá te̱e tátúníꞌ vá. Jee ni̱ka̱nꞌ táꞌvíꞌ re̱ꞌ nu̱u̱nꞌ Ndiosíꞌ ya̱ saꞌá‑a ya̱ netuꞌ ka̱ꞌ kuvi Abraham.

Santiago 2:19

¿Á jínúꞌ iniꞌ nú ya̱ íyó métúꞌún ni Ndiosíꞌ? Va̱tu̱ni sáꞌá nú. Soo suni ne̱ rá ta̱chi̱ꞌ kíni jínúꞌ iniꞌ maa, jee ne̱ nɨ́ꞌɨn ráa ya̱ yúꞌví ráa.

2 Pedro 2:4

Chi jie̱ꞌe̱ꞌ ya̱ ntu nnékáꞌnú iniꞌ Ndiosíꞌ nne̱ꞌyá re̱ꞌ rá najiáꞌáꞌ ííꞌ re̱ꞌ ya̱ nsa̱ꞌá ráa kua̱chi, chisaꞌ ntaanꞌ re̱ꞌ ráa nu̱u̱nꞌ ñuꞌunꞌ xéénꞌ ya̱ ntu jínu nu̱u̱nꞌ kúnú‑u jee yukuán yɨ́niꞌyuꞌ ráa nu̱u̱nꞌ ñu̱neenꞌ, jee núꞌníꞌ ráa jín cadena ka̱a nekuaꞌ kenta ki̱vɨ̱ꞌ ya̱ sanáaꞌ re̱ꞌ jie̱ꞌe̱ꞌ kua̱chi ráa.

1 Juan 3:8

Soo ñɨvɨ ya̱ sáꞌá kua̱chi, jee íñɨ́ ráa jín kui̱ꞌna̱ꞌ kúñáꞌnú. Chi kui̱ꞌna̱ꞌ kúñáꞌnú sáꞌá‑a kua̱chi ne̱ tiempúꞌ xíꞌnañúꞌún. Jee jie̱ꞌe̱ꞌ yaꞌá kúvi ya̱ nkiji máá Se̱ꞌya Ndiosíꞌ sáva xináánꞌ re̱ꞌ rá tiñu ya̱ sáꞌá kui̱ꞌna̱ꞌ kúñáꞌnú.

Judas 1:6

Jee suni ya jíníꞌ ránú na̱sa nsa̱ꞌá Ndiosíꞌ jín rá najiáꞌáꞌ ííꞌ re̱ꞌ sáá nxi̱nóo ráa tiñu níso ráa jee nxi̱nóo ráa ne̱ nu̱u̱nꞌ níyo ráa antivɨ́. Jee nchi̱niꞌyuꞌ re̱ꞌ ráa nu̱u̱nꞌ ñu̱neenꞌ, jee yukuán núꞌníꞌ ráa nɨ́ɨ́nkání nekuaꞌ kenta máá ki̱vɨ ñáꞌnú ya̱ sanáaꞌ re̱ꞌ ntáká tiñu.

Apoclipsis 12:12

Saáva ránoꞌó ya̱ nééꞌ ne̱ antivɨ́ súkún, na̱ ka̱ꞌ vá kusɨ̱ɨ̱ꞌ iniꞌ rán. Soo na̱ ka̱ꞌ náꞌví ka̱ꞌ ránoꞌó ya̱ nééꞌ iniꞌ ñɨ̱vɨ́ yaꞌá jín nu̱u̱nꞌ nteñúꞌún, chi nkuun máá kui̱ꞌna̱ꞌ kíni nkenta‑a nu̱u̱nꞌ nééꞌ rán, jee kítɨ́ꞌ nasɨ́kuitɨꞌ iniꞌ‑i, chi jíníꞌ‑i ya̱ ntu kue̱ꞌe̱ꞌ ka̱ꞌ tiempúꞌ íyó kuvi xináꞌví‑i ránoꞌó. Nkachiꞌ nusuyuꞌú vá.