Marcos 5:34 - Mixteco del suroeste de Tlaxiaco Oaxaca

³⁴ Jee nkachiꞌ Jesús nu̱u̱nꞌ ña: ―Se̱ꞌya sɨ́ꞌɨ́, nxi̱núvi ni̱ꞌ noꞌó jie̱ꞌe̱ꞌ ya̱ ínúꞌ iniꞌ nú kúneí iniꞌ nú nuꞌuꞌ. Kuáꞌán váꞌa. Nuvi nú jie̱ꞌe̱ꞌ kue̱ꞌi̱ꞌ nú.

Marcos 5:34 ပူးပေါင်းရင်းမြစ်များ

Mateo 9:2

Jee yukuán nkuvi ya̱ nki̱naka rá ñɨvɨ nu̱u̱nꞌ re̱ꞌ ɨɨn te̱e kúꞌvíꞌ ya̱ ntu kúvi kantaꞌ‑a, jee yósóꞌ‑o nu̱u̱nꞌ tu̱nchi̱só. Jee sáá niniꞌ Jesús ya̱ jínúꞌ iniꞌ ráa kúneí iniꞌ ráa re̱ꞌ jee nkachiꞌ re̱ꞌ nu̱u̱nꞌ te̱e ntu kúvi kantaꞌ vá: ―Se̱ꞌya, nasáneí iniꞌ nú, chi ya nne̱káꞌnú iniꞌ ni̱ꞌ noꞌó jie̱ꞌe̱ꞌ kua̱chi nú ―nkachiꞌ Jesús.

Mateo 9:22

Soo nna̱koto yátá Jesús, jee niniꞌ re̱ꞌ ña, jee nkachiꞌ re̱ꞌ: ―Nasaꞌá neí iniꞌ nú, se̱ꞌya sɨ́ꞌɨ́, chi jie̱ꞌe̱ꞌ ya̱ ínúꞌ iniꞌ nú kúneí iniꞌ nú nuꞌuꞌ jee nxi̱núvi ni̱ꞌ noꞌó ―nkachiꞌ re̱ꞌ, jee kuísá máá hora yukuán nnuvi ña.

Marcos 10:52

Jee nkachiꞌ Jesús nu̱u̱nꞌ re̱ꞌ: ―Kuáꞌán. Chi jie̱ꞌe̱ꞌ ya̱ ínúꞌ iniꞌ nú kúneí iniꞌ nú nuꞌuꞌ, jee nxi̱núvi‑i nó. Ntañúꞌún kuitɨꞌ nnu̱nijinꞌ nchinúún re̱ꞌ, jee nna̱kune̱ꞌyá re̱ꞌ, jee nchi̱nikɨnꞌ re̱ꞌ Jesús ichi vá.

Marcos 3:10

Chi kue̱ꞌe̱ꞌ rá ñɨvɨ kúꞌvíꞌ nxi̱núvi re̱ꞌ jee ntáká rá ñɨvɨ nóꞌo tu̱nkúꞌvíꞌ chínátáꞌán ráa sáva kakɨ̱ꞌɨ ráa Jesús.

Marcos 5:29

Kuísá ni̱chi̱ꞌ ni̱ñɨ̱ꞌ vá ña, jee niniꞌ ña ya̱ nnuvi yɨkɨkúñu ña.

Marcos 5:33

I̱ña̱jée ñaꞌan vá nkisɨ ña ya̱ máá yúꞌví ña. Chi jíníꞌ ña ya̱ nkuvi jín ña. Jee ña̱ꞌa̱nꞌ ña jee nstu̱víꞌ ña maáña nu̱u̱nꞌ re̱ꞌ. Jee nna̱kani ña nɨꞌɨ ya̱ naáꞌ nu̱u̱nꞌ re̱ꞌ.

Lucas 17:19

Jee nkachiꞌ re̱ꞌ nu̱u̱nꞌ te̱e vá: ―Nakuiñɨꞌ, jee kuáꞌán, chi jie̱ꞌe̱ꞌ ya̱ kúneí iniꞌ nú nuꞌuꞌ jee nxi̱núvi ni̱ꞌ noꞌó jee kínóo na̱a̱ꞌ nú nu̱u̱nꞌ Ndiosíꞌ ―nkachiꞌ Jesús.

Lucas 18:42

Jee nkachiꞌ Jesús nu̱u̱nꞌ‑u: ―Nunijinꞌ nchinúún nú natu̱vi nakune̱ꞌyá nú. Chi jie̱ꞌe̱ꞌ ya̱ ínúꞌ iniꞌ nú kúneí iniꞌ nú nuꞌuꞌ, jee nxi̱núvi‑i nó ―nkachiꞌ Jesús.

Lucas 7:50

Soo nkachiꞌ Jesús nu̱u̱nꞌ ñaꞌan vá: ―Jie̱ꞌe̱ꞌ ya̱ kúneí iniꞌ nú nuꞌuꞌ, saáva ya̱ nna̱tavaꞌ ni̱ꞌ noꞌó nu̱u̱nꞌ kua̱chi nú nsi̱káku ni̱ꞌ noꞌó. Kuáꞌán va̱ꞌa ne̱ va̱ꞌa kuvi iniꞌ ánímaꞌ nú ―nkachiꞌ Jesús.

Lucas 8:48

Saájee nkachiꞌ Jesús nu̱u̱nꞌ ña: ―Se̱ꞌya sɨ́ꞌɨ́, jie̱ꞌe̱ꞌ ya̱ ínúꞌ iniꞌ nú kúneí iniꞌ nú nuꞌuꞌ, jee nxi̱núvi ni̱ꞌ noꞌó. Kuáꞌán va̱ꞌa ne̱ va̱ꞌa kuvi iniꞌ ánímaꞌ nú.

Hechos 14:9

Tésóꞌo re̱ꞌ ya̱ káꞌánꞌ Pablo. Jee nkino̱o Pablo nne̱ꞌyá‑a re̱ꞌ, jee niniꞌ‑i ya̱ kúneí iniꞌ re̱ꞌ Ndiosíꞌ ya̱ kuvi xinúvi‑i re̱ꞌ.

Hechos 15:33

Sáá nneeꞌ ráa yakuꞌ tiempúꞌ yukuán, jee nkaꞌanꞌ rá ñanitáꞌán ka̱ꞌ jín ráa, sáva kɨ̱ꞌɨ̱nꞌ va̱ꞌa ráa jee nikó i̱i̱ꞌ ráa nu̱u̱nꞌ rá ñɨvɨ ya̱ nta̱jí rává ráa.

Hechos 16:36

Nkachiꞌ mayóríꞌ tu̱ꞌun vá nu̱u̱nꞌ Pablo: ―Nkachiꞌ rá te̱e néetiñu ya̱ siaáꞌ ni̱ꞌ ránó. Saájee ntañúꞌún kene rán jee kuáꞌán va̱ꞌa rán.

Santiago 2:16

jee retú ɨɨn rán káchíꞌ nu̱u̱nꞌ‑u: “Kuáꞌán va̱ꞌa nú”, jee: “Na̱ ka̱ꞌ nuvixinꞌ nú jee na̱ ka̱ꞌ kuchitú nú”, soo retú ntu jiáꞌa nú ya̱ jíniñúꞌún yɨkɨkúñu ráa, ¿na̱ nu̱u̱nꞌ vá íyótiñu yaꞌá, résa?