Marcos 5:23 - Mixteco del suroeste de Tlaxiaco Oaxaca

²³ jee ni̱ka̱nꞌ táꞌvíꞌ ñáꞌnú re̱ꞌ nu̱u̱nꞌ Jesús, jee nkachiꞌ re̱ꞌ: ―Se̱ꞌya sɨ́ꞌɨ́ ni̱ꞌ sa̱néꞌ íyó kuviꞌ‑i. Kɨ̱ꞌɨ̱nꞌ nú xá chisó nú rá naꞌá nú ña, sáva nuvi ña jee kutekuꞌ ña ―nkachiꞌ re̱ꞌ.

Marcos 5:23 ပူးပေါင်းရင်းမြစ်များ

Mateo 8:3

Saájee nsi̱kááꞌ Jesús naꞌá re̱ꞌ nchi̱só re̱ꞌ naꞌá re̱ꞌ maa, jee nkachiꞌ re̱ꞌ: ―Kuíni ni̱ꞌ, nunoo nú nuvi nú ―nkachiꞌ re̱ꞌ, jee kuísá máá hora yukuán nnu̱noo nu̱u̱nꞌ téꞌyúꞌ ñɨɨn te̱e vá jee nnuvi‑i.

Marcos 16:18

Jee tɨɨn ráa ko̱o̱ꞌ xe̱e̱nꞌ, jee ré koꞌo ráa nute kútáꞌán jín ñuꞌun xéénꞌ, jee ntu̱náꞌ kunoꞌo ráa. Jee suni chisó ráa naꞌá ráa nu̱u̱nꞌ rá kúꞌvíꞌ jee nuvi rává ―nkachiꞌ Jesús.

Marcos 5:24

I̱ña̱jée kua̱ꞌa̱nꞌ Jesús jín re̱ꞌ. Jee kue̱ꞌe̱ꞌ víꞌí ñɨvɨ níkɨ́nꞌ ráa, jee nna̱kuniꞌi ráa Jesús.

Marcos 6:13

Jee nta̱níkɨ́nꞌ ráa rá ta̱chi̱ꞌ néꞌí nyɨ̱ꞌɨ iniꞌ kue̱ꞌe̱ꞌ ñɨvɨ, jee nchi̱só ráa ntíꞌ aceite xi̱ni̱ꞌ kue̱ꞌe̱ꞌ rá ñɨvɨ kúꞌvíꞌ jee nxi̱núvi ráa rává.

Marcos 7:32

Jee nki̱naka ráa ɨɨn te̱e sóꞌó ñɨ́ꞌɨ́nꞌ nu̱u̱nꞌ re̱ꞌ. Jee ni̱ka̱nꞌ táꞌvíꞌ ráa nu̱u̱nꞌ re̱ꞌ ya̱ chisó re̱ꞌ naꞌá re̱ꞌ nu̱u̱nꞌ te̱e vá sáva xinúvi re̱ꞌ maa.

Marcos 8:23

Ntɨɨn Jesús naꞌá te̱e kuáá vá jee ña̱na̱ka re̱ꞌ maa yuñúúnꞌ. Ntiesɨ̱ɨ́ re̱ꞌ nu̱u̱nꞌ rá nchinúún‑u. Jee ntee re̱ꞌ naꞌá re̱ꞌ nu̱u̱nꞌ‑u. Jee ni̱ka̱tu̱ꞌún re̱ꞌ maa: ―¿Á íyó ya̱ túvi néꞌyá nú?

Lucas 13:13

Jee nchi̱só re̱ꞌ rá naꞌá re̱ꞌ ña, jee kuíntañúꞌún kuitɨꞌ nnu̱na̱a̱ꞌ ya̱ta̱ꞌ ña, jee nákuetúꞌún víꞌí ña jie̱ꞌe̱ꞌ Ndiosíꞌ.

Lucas 4:38

Saájee nna̱kuiñɨꞌ Jesús, jee nkene re̱ꞌ iniꞌ veꞌi sinagoga vá, jee kua̱ꞌa̱nꞌ re̱ꞌ nki̱vɨ re̱ꞌ veꞌi Simón, jee káá náchi̱so Simón yɨ́ꞌɨ́ nasɨ́kuitɨꞌ ki̱ji xéénꞌ ña, jee ni̱ka̱nꞌ táꞌvíꞌ ráa nu̱u̱nꞌ Jesús jie̱ꞌe̱ꞌ ña.

Lucas 4:40

Jee sáá ntaꞌanꞌ nka̱niiꞌ, jee ntáká rá ñɨvɨ kúꞌvíꞌ ya̱ nóꞌo ráa sɨ́ɨ́n sɨ́ɨ́n nu̱u̱nꞌ kue̱ꞌi̱ꞌ ña̱siáꞌa rá táꞌánꞌ veꞌi ráa maáráa nu̱u̱nꞌ Jesús, jee ntee re̱ꞌ naꞌá re̱ꞌ ta nu̱u̱nꞌ ɨɨn ɨɨn ráa, jee nxi̱núvi re̱ꞌ ráa.

Lucas 7:12

Jee sáá nku̱yatin re̱ꞌ yuvéꞌí nu̱u̱nꞌ kívɨ ñuunꞌ vá, jee niniꞌ re̱ꞌ ya̱ nkene rá ñɨvɨ kua̱se̱ꞌí ráa ɨɨn ni̱yɨ, jee ni̱yɨ vá se̱ꞌya métúꞌún xíníꞌ nkuvi‑i nu̱u̱nꞌ nánáꞌ‑a, jee ñanáꞌví kúvi ña, jee kútáꞌán kue̱ꞌe̱ꞌ víꞌí rá ñɨvɨ ñuunꞌ vá jín ña.

Juan 11:3

Saájee nchu̱ichí rá ku̱ꞌva re̱ꞌ tu̱ꞌun kua̱ꞌa̱nꞌ nu̱u̱nꞌ Jesús, jee nkachiꞌ ráña: ―I̱toꞌoꞌ, te̱e ya̱ ñúnúunꞌ nú kúꞌvíꞌ re̱ꞌ.

Hechos 28:8

Jee kúꞌvíꞌ tááꞌ Publio, chi yɨ́ꞌɨ́ ki̱ji re̱ꞌ jee kúun chi̱ji re̱ꞌ ni̱ñɨ̱ꞌ, saáva káá re̱ꞌ nu̱u̱nꞌ i̱to. Nki̱vɨ Pablo yukuán, jee ni̱ka̱nꞌ táꞌvíꞌ re̱ꞌ nu̱u̱nꞌ Ndiosíꞌ jie̱ꞌe̱ꞌ‑e, jee nchi̱só re̱ꞌ naꞌá re̱ꞌ maa, jee nxi̱núvi re̱ꞌ maa.

Hechos 6:6

Jee nki̱kani ráa ni uxáꞌ rá te̱e vá nu̱u̱nꞌ rá te̱e nísotíñú apóstol. Jee nkaꞌanꞌ rá apóstol jín Ndiosíꞌ, jee nchi̱só ráa naꞌá ráa nu̱u̱nꞌ rává, [sáva naánꞌ ya̱ ntɨɨn rává tiñu vá].

Hechos 8:17

I̱ña̱jée nchi̱só Pedro jín Juan naꞌá ráa rává, jee nki̱vɨ Ta̱chi̱ꞌ Ííꞌ Ndiosíꞌ iniꞌ rává.

Hechos 9:12

Nxi̱néꞌénꞌ nu̱u̱nꞌ ni̱ꞌ nu̱u̱nꞌ re̱ꞌ ya̱ kájíkuitɨꞌ niniꞌ re̱ꞌ ɨɨn te̱e, naní Ananías, kiji‑i nu̱u̱nꞌ re̱ꞌ jee chisó‑o naꞌá‑a re̱ꞌ, sáva nu̱nijínꞌ nchinúún re̱ꞌ.

Hechos 9:17

Saájee ña̱ꞌa̱nꞌ Ananías jee nki̱vɨ re̱ꞌ veꞌi nu̱u̱nꞌ nééꞌ Saulo. Jee nchi̱só re̱ꞌ naꞌá re̱ꞌ nu̱u̱nꞌ‑u, jee nkachiꞌ re̱ꞌ: ―Ñaniꞌ, Saulo. I̱toꞌoꞌ‑ó, Jesús, ntu̱vi re̱ꞌ nu̱u̱nꞌ nú iniꞌ ichi váji nú. Jee maáréꞌ nta̱jí re̱ꞌ nuꞌuꞌ, sáva kuvi nu̱nijínꞌ nchinúún nú, jee sáva chitú Ta̱chi̱ꞌ Ííꞌ satíñú‑u iniꞌ noꞌó ―nkachiꞌ Ananías.