Marcos 5:21 - Mixteco del suroeste de Tlaxiaco Oaxaca

²¹ Sáá njia̱ꞌa tuku Jesús íyó ka̱ꞌ ichi nteñúꞌún jín barkúꞌ, jee kue̱ꞌe̱ꞌ ñɨvɨ nku̱tútú nu̱u̱nꞌ re̱ꞌ, jee nééꞌ re̱ꞌ yuꞌú nteñúꞌún.

Marcos 5:21 ပူးပေါင်းရင်းမြစ်များ

Mateo 9:1

Saájee nna̱ku̱ꞌun Jesús iniꞌ barkúꞌ, jee nna̱jia̱ꞌa re̱ꞌ íyo tuku ka̱ꞌ inka ichi yúnteñúꞌún, jee nnenta re̱ꞌ ñuunꞌ nu̱u̱nꞌ nééꞌ re̱ꞌ.

Lucas 8:40

Jee sáá nni̱kó Jesús nna̱kuatáꞌví rá ñɨvɨ kue̱ꞌe̱ꞌ íñɨ́ yukuán re̱ꞌ, chi nétu kuvi ráa re̱ꞌ.

Marcos 4:1

Jee nka̱jiéꞌé tuku Jesús xinéꞌénꞌ re̱ꞌ nu̱u̱nꞌ rá ñɨvɨ yuꞌú nteñúꞌún. Jee nku̱tútú víꞌí ñɨvɨ nu̱u̱nꞌ re̱ꞌ, saáva nki̱vɨ Jesús ña̱kuneeꞌ re̱ꞌ iniꞌ ɨɨn barkúꞌ ya̱ ñúꞌún nu̱u̱nꞌ nteñúꞌún. Jee ntáká rá ñɨvɨ nééꞌ yuꞌú nteñúꞌún.

Marcos 4:36

Jee nxi̱nóo ráa rá ñɨvɨ kue̱ꞌe̱ꞌ jee kua̱ꞌa̱nꞌ ráa jín re̱ꞌ jín barkúꞌ ñúꞌún re̱ꞌ. Jee nku̱táꞌán inka ka̱ꞌ rá barkúꞌ jín re̱ꞌ.

Marcos 5:2

Jee sáá nkene Jesús iniꞌ barkúꞌ, jee kuíntañúꞌún nna̱ketáꞌán re̱ꞌ jín ɨɨn te̱e yɨ́ꞌɨ́ ta̱chi̱ꞌ néꞌí kákini maa. Nkene te̱e yaꞌá nteñu rá yaviꞌ yu̱u̱ꞌ nu̱u̱nꞌ séꞌí ráa rá ni̱yɨ,