Marcos 5:12 - Mixteco del suroeste de Tlaxiaco Oaxaca

¹² Jee ni̱ka̱nꞌ táꞌvíꞌ ráa nu̱u̱nꞌ re̱ꞌ: ―Tají ránuꞌuꞌ kɨ̱ꞌɨ̱nꞌ ránꞌ nu̱u̱nꞌ rá kúchíꞌ yukuán sáva ki̱vɨ ránꞌ iniꞌ rátíꞌ.

Marcos 5:12 ပူးပေါင်းရင်းမြစ်များ

Mateo 4:24

Jee ñe̱te̱nuun tu̱ꞌun jie̱ꞌe̱ꞌ Jesús nu̱u̱nꞌ ntáká rá ñuunꞌ sánitɨ́ɨn ñuunꞌ Siria. Jee nki̱naka rá ñɨvɨ nu̱u̱nꞌ Jesús ntáká rá ñɨvɨ kúꞌvíꞌ ya̱ nóꞌo sɨ́ɨ́n sɨ́ɨ́n kéꞌín nu̱u̱nꞌ kue̱ꞌi̱ꞌ, jín rá yájíꞌ yatúꞌ, jín rá yɨ́ꞌɨ́ ta̱chi̱ꞌ kíni, jín rá jíꞌíyɨ̱ꞌɨ́ jín rá ñɨvɨ ya̱ ntu kúvi kantaꞌ ñunéꞌyúꞌ jee nxi̱núvi Jesús ráa.

Mateo 7:6

’Koto jiáꞌa rán tu̱ꞌun ííꞌ Ndiosíꞌ nu̱u̱nꞌ rá ñɨvɨ ni̱ꞌin ánímaꞌ ya̱ jiáꞌnu kuéntáꞌ tinaꞌ, nsuñájee ta̱vi̱ꞌ ráa ránoꞌó nakayɨ̱ꞌɨ́ ráa ránoꞌó kuéntáꞌ tinaꞌ xe̱e̱nꞌ. Jee suni koto jiáꞌa rán tu̱ꞌun ííꞌ Ndiosíꞌ yɨ́yáꞌvi kuéntáꞌ yu̱u̱ꞌ perla nu̱u̱nꞌ rá ñɨvɨ ya̱ ntu chíyáꞌvi maa, kuéntáꞌ jiáñúꞌ kúchíꞌ maa chi kúíchi iniꞌ ráa maa.

Marcos 5:11

Jee yukuán íñɨ́ víꞌí kúchíꞌ i̱ka̱ꞌ yuku, yájíꞌ rátíꞌ.

Marcos 5:13

Saájee nyɨ̱netuꞌ re̱ꞌ. Jee nkene rá ta̱chi̱ꞌ néꞌí kákini te̱e yaꞌá, jee nki̱vɨ ráa iniꞌ rá kúchíꞌ. Jee yatin u̱vi̱ꞌ mil (2000) kúchíꞌ nkuvi rátíꞌ. Jee nkaninuun ya̱chi̱ꞌ rátíꞌ nu̱kana, ne̱ nu̱u̱nꞌ nteñúꞌún. Jee nkaꞌaꞌ rátíꞌ nu̱u̱nꞌ nteñúꞌún.

2 Corintios 2:11

sáva nkúneí kui̱ꞌna̱ꞌ maá ñáꞌnú naní Satanás kosoꞌ‑o nu̱u̱nꞌ‑ó, chi jíníꞌ‑ó rá máñáꞌ re̱ꞌ.

1 Pedro 5:8

Jee kuꞌun ñáꞌnú iniꞌ rán nito koo rán, chi kui̱ꞌna̱ꞌ kúñáꞌnú ya̱ túfíꞌ ta̱ꞌán re̱ꞌ jín ránoꞌó, jíkanuun re̱ꞌ kuéntáꞌ ɨɨn nikaꞌa ya̱ ne̱ nɨ́ꞌɨn sáxéenꞌ ti̱ꞌ núkú ti̱ꞌ kajiꞌ ti̱ꞌ chi núkú re̱ꞌ ɨɨn ñɨvɨ sáva xináánꞌ re̱ꞌ maa.