Marcos 4:34 - Mixteco del suroeste de Tlaxiaco Oaxaca

³⁴ Ntáká íchí nkaꞌanꞌ re̱ꞌ jín ráa, jee sukuáni nkaꞌanꞌ re̱ꞌ rá tu̱ꞌun ya̱ kúnkunuún vá. Soo nkachiꞌ sɨ́ɨ́n re̱ꞌ nu̱u̱nꞌ rá te̱e, ya̱ súkuáꞌa re̱ꞌ ráa, ná kuíni káchíꞌ ntáká rá tu̱ꞌun vá.

Marcos 4:34 ပူးပေါင်းရင်းမြစ်များ

Mateo 13:34

Ntáká jie̱ꞌe̱ꞌ ya̱ nkachiꞌ Jesús nu̱u̱nꞌ rá ñɨvɨ, jee mani tu̱ꞌun kúnkunuún jín‑i nkaꞌanꞌ re̱ꞌ maa, jee ntáká íchí nkaꞌanꞌ re̱ꞌ jín rá ñɨvɨ jee sukuáni nkaꞌanꞌ re̱ꞌ rá tu̱ꞌun kúnkunuún vá.

Marcos 4:10

Jee sáá nxi̱nóo maá rá ñɨvɨ Jesús, jee rá ñɨvɨ nkino̱o ka̱ꞌ jín rá u̱xu̱vi̱ꞌ (12) te̱e ni̱ka̱tu̱ꞌún ráa maa ná kuíni káchíꞌ tu̱ꞌun vá.

Marcos 4:33

Kue̱ꞌe̱ꞌ rá tu̱ꞌun ya̱ kúnkunuún káꞌánꞌ suꞌva, nxi̱néꞌénꞌ re̱ꞌ Tu̱ꞌun Ndiosíꞌ nu̱u̱nꞌ ráa, na̱kua̱ꞌ kúvi ki̱ku̱ꞌun iniꞌ ráa.

Lucas 24:27

Saájee nka̱jiéꞌé Jesús ne̱ nu̱u̱nꞌ rá tu̱ꞌun ntee Moisés jín rá tu̱ꞌun ntee nɨꞌɨ rá te̱e ya̱ nna̱kani tu̱ꞌun nkene yuꞌú Ndiosíꞌ ne̱ yanaꞌán jee nna̱kachiꞌ va̱ꞌa re̱ꞌ rá tu̱ꞌun jie̱ꞌe̱ꞌ maáréꞌ ya̱ níso nu̱u̱nꞌ nɨꞌɨ Tutuꞌ Ííꞌ.

Juan 10:6

Jee tu̱ꞌun yaꞌá nkachiꞌ Jesús nu̱u̱nꞌ ráa ya̱ kúnkunuún káꞌánꞌ‑a jie̱ꞌe̱ꞌ [maáréꞌ jín rá ñɨvɨ re̱ꞌ]. Soo ni ntu̱ví ñáku̱ꞌun iniꞌ ráa na̱ jie̱ꞌe̱ꞌ kúvi ya̱ nkachiꞌ re̱ꞌ nu̱u̱nꞌ ráa.

Juan 16:25

’Nkachiꞌ ni̱ꞌ nu̱u̱nꞌ rán rá tu̱ꞌun kúnkunuún káꞌánꞌ. Soo kiji rá ki̱vɨ̱ꞌ ya̱ nsáꞌ kaꞌanꞌ ni̱ꞌ ka̱ꞌ jín rán rá tu̱ꞌun kúnkunuún káꞌánꞌ, chisaꞌ kájí ni kachitu̱ꞌún ni̱ꞌ nu̱u̱nꞌ rán tu̱ꞌun jie̱ꞌe̱ꞌ Tátáꞌ ni̱ꞌ.

Hechos 28:23

Nna̱túꞌún ráa jín re̱ꞌ ɨɨn ki̱vɨ̱ꞌ nikó tuku ráa. Jee nkenta kue̱ꞌe̱ꞌ ka̱ꞌ rá ñɨvɨ nu̱u̱nꞌ nééꞌ re̱ꞌ. Jee ne̱ neꞌenꞌ jín ne̱ nini, sánáaꞌ re̱ꞌ jee stúvi re̱ꞌ ya̱ naáꞌ jie̱ꞌe̱ꞌ na̱sa ki̱vɨ ñɨvɨ naꞌá Ndiosíꞌ. Jee jiátíñú re̱ꞌ tu̱ꞌun ya̱ káchíꞌ ley ya̱ njia̱ꞌa Ndiosíꞌ nu̱u̱nꞌ Moisés ya̱ ntee‑e maa, jín tu̱ꞌun ya̱ ntee rá te̱e nna̱kani ráa tu̱ꞌun nkene yuꞌú Ndiosíꞌ, sáva nunasɨ́ re̱ꞌ siínúꞌ re̱ꞌ iniꞌ ráa jie̱ꞌe̱ꞌ Jesús.