Marcos 3:7 - Mixteco del suroeste de Tlaxiaco Oaxaca

⁷ Jee Jesús jín rá te̱e súkuáꞌa re̱ꞌ ráa kua̱ꞌa̱nꞌ ráa yuꞌú nteñúꞌún. Jee kue̱ꞌe̱ꞌ rá ñɨvɨ Galilea nchi̱nikɨnꞌ ráa re̱ꞌ. Jee nkenta kue̱ꞌe̱ꞌ rá ñɨvɨ Judea,

Marcos 3:7 ပူးပေါင်းရင်းမြစ်များ

Mateo 10:23

’Jee retú koto u̱ꞌvi̱ꞌ ráa ránoꞌó nu̱u̱nꞌ ɨɨn ñuunꞌ, jee kenekunu rán kɨ̱ꞌɨ̱nꞌ rán nu̱u̱nꞌ inka ñuunꞌ. Chi máá naáꞌ vá káchíꞌ ni̱ꞌ nu̱u̱nꞌ rán ya̱ nsáꞌ kuneí rán kɨ̱ꞌɨ̱nꞌ rán nu̱u̱nꞌ ntáká rá ñuunꞌ yɨ́ꞌɨ́ xi̱ntíín Israel ne̱ ntiáꞌan ka̱ꞌ nenta ni̱ꞌ ya̱ nta̱jí Ndiosíꞌ nu̱u̱nꞌ ñɨ̱vɨ́ sáva kuvi ni̱ꞌ Se̱ꞌya Ñɨvɨ.

Mateo 12:15

Jee ya jíníꞌ Jesús ya̱ sukuán jiáni iniꞌ rá fariseo, jee nkene re̱ꞌ yukuán kua̱ꞌa̱nꞌ re̱ꞌ. Jee kue̱ꞌe̱ꞌ nasɨ́kuitɨꞌ ñɨvɨ níkɨ́nꞌ ráa re̱ꞌ, jee nxi̱núvi re̱ꞌ ntáká rá ñɨvɨ kúꞌvíꞌ.

Mateo 12:16

Jee nta̱túníꞌ ni̱ꞌin re̱ꞌ nu̱u̱nꞌ rá ñɨvɨ ya̱ ni koto nástúvi ráa né ɨɨn kúvi re̱ꞌ.

Mateo 4:25

Jee níkɨ́nꞌ kue̱ꞌe̱ꞌ víꞌí rá ñɨvɨ kútáꞌán ráa jín Jesús. Jee maáráa ví rá ñɨvɨ rá ñuunꞌ Galilea jín rá ñuunꞌ Decápolis jín ñuunꞌ Jerusalén jín rá inka ñuunꞌ Judea jín rá ñuunꞌ ya̱ káá íyo ka̱ꞌ ichi ntekáꞌnú Jordán.

Marcos 1:39

Jee ni̱kóté Jesús nu̱u̱nꞌ nɨꞌɨ kuatɨ́ɨn Galilea, jee stékútu̱ꞌún re̱ꞌ iniꞌ nɨꞌɨ rá veꞌi sinagoga yukuán nu̱u̱nꞌ kútútú rá ñɨvɨ Israel súkuáꞌa ráa Tu̱ꞌun Ndiosíꞌ, jee nta̱jí íká re̱ꞌ rá ta̱chi̱ꞌ néꞌí yɨ́ꞌɨ́ ráa ñɨvɨ.

Marcos 1:45

Soo kua̱ꞌa̱nꞌ te̱e vá jee nka̱jiéꞌé nna̱kani víꞌí‑i nu̱u̱nꞌ nɨꞌɨ rá ñɨvɨ. Jee ñe̱te̱nuun tu̱ꞌun jie̱ꞌe̱ꞌ ya̱ nkuvi yukuán, saáva ntu nkúvi ka̱ꞌ ki̱vɨ nijinꞌ Jesús nu̱u̱nꞌ ni ɨɨn rá ñuunꞌ. Chisaꞌ ni̱kónúun iyo re̱ꞌ nu̱u̱nꞌ ñu̱ꞌún sáɨn, jee nkiji rá ñɨvɨ ne̱ ntáká ichi nu̱u̱nꞌ re̱ꞌ.

Marcos 3:20

jee kue̱ꞌe̱ꞌ ñɨvɨ nku̱tútú tuku. Saáva ntu nkúvi kajiꞌ Jesús jín rá u̱xu̱vi̱ꞌ (12) te̱e.

Marcos 4:1

Jee nka̱jiéꞌé tuku Jesús xinéꞌénꞌ re̱ꞌ nu̱u̱nꞌ rá ñɨvɨ yuꞌú nteñúꞌún. Jee nku̱tútú víꞌí ñɨvɨ nu̱u̱nꞌ re̱ꞌ, saáva nki̱vɨ Jesús ña̱kuneeꞌ re̱ꞌ iniꞌ ɨɨn barkúꞌ ya̱ ñúꞌún nu̱u̱nꞌ nteñúꞌún. Jee ntáká rá ñɨvɨ nééꞌ yuꞌú nteñúꞌún.

Lucas 23:5

Soo saꞌ víꞌí káꞌ yɨ́tuvi ráa káꞌánꞌ ráa si̱kɨ̱ꞌ Jesús, jee nkachiꞌ ráa: ―Jín tu̱ꞌun xínéꞌénꞌ re̱ꞌ ntáká ichi rá ñuunꞌ Judea xinénta re̱ꞌ rá ñɨvɨ si̱kɨ̱ꞌ rá te̱e nísotíñú. Chi nka̱jiéꞌé re̱ꞌ xínéꞌénꞌ re̱ꞌ rá tu̱ꞌun yaꞌá ne̱ ñuunꞌ Galilea jee nkenta re̱ꞌ ne̱ yaꞌá ―nkachiꞌ ráa.

Lucas 6:12

Jee sáá njia̱ꞌa rá ki̱vɨ̱ꞌ yukuán, jee kua̱ꞌa̱nꞌ Jesús xi̱ni̱ꞌ ɨɨn yuku sáva kaꞌanꞌ re̱ꞌ jín Ndiosíꞌ jee naniñuꞌ káꞌánꞌ re̱ꞌ jín Ndiosíꞌ.

Lucas 6:17

Jee kuíre nnu̱un re̱ꞌ jín ráa xi̱ni̱ꞌ yuku vá, jee íñɨ́ re̱ꞌ ɨɨn nuꞌveꞌ. Jee kue̱ꞌe̱ꞌ víꞌí rá ñɨvɨ rá ñuunꞌ káá ntáká nu̱u̱nꞌ tɨ́ɨn Judea, jín rá ñɨvɨ ñuunꞌ Jerusalén, jín rá ñɨvɨ rá ñuunꞌ káá yúnteñúꞌún ya̱ tɨ́ɨn rá ñuunꞌ Tiro jín Sidón,

Juan 7:41

Jee sava ka̱ꞌ rá ñɨvɨ vá nkachiꞌ: ―Te̱e yaꞌá kúvi máá Cristo ―nkachiꞌ rá ñɨvɨ vá. Soo sava ráa ka̱ꞌ nkachiꞌ: ―Ntu̱ví chi nsú nu̱u̱nꞌ ñuunꞌ Galilea kiji Cristo.

Juan 7:52

Jee nna̱xiníkó rá te̱e vá jee nkachiꞌ ráa: ―¿Á suni te̱e ñuunꞌ Galilea kúvi nú ya̱ káꞌánꞌ nú sukuán? Nanukú kávii va̱ꞌa nú nu̱u̱nꞌ Tutuꞌ níso Tu̱ꞌun Ndiosíꞌ jee kuniꞌ nú ya̱ Galilea ntu kene nu̱u̱nꞌ ñuunꞌ vá ɨɨn te̱e ya̱ nakani‑i tu̱ꞌun kene yuꞌú Ndiosíꞌ ―nkachiꞌ rá te̱e vá.

Hechos 17:10

Yankuaaꞌ, kuísá ntañúꞌún, nchu̱ichí rá ñaniꞌ Pablo jín Silas kua̱ꞌa̱nꞌ ne̱ ñuunꞌ Berea. Sáá nkenta ráa yukuán, jee nki̱vɨ ráa iniꞌ veñu̱ꞌun rá ñɨvɨ Israel.

Hechos 17:14

Soo kuísá ntañúꞌún, rá ñaniꞌ yɨ́ꞌɨ́ ñujiínꞌ Jesús, nchu̱ichí ráa Pablo kua̱ꞌa̱nꞌ yúnteñúꞌún. Soo nkino̱o Silas jín Timoteo ñuunꞌ yukuán.