Marcos 3:5 - Mixteco del suroeste de Tlaxiaco Oaxaca

⁵ Nákune̱ꞌyá xe̱e̱nꞌ Jesús nu̱u̱nꞌ ráa jee nku̱kuéká iniꞌ re̱ꞌ jie̱ꞌe̱ꞌ ya̱ ni̱ꞌin iniꞌ ánímaꞌ ráa. Jee nkachiꞌ re̱ꞌ nu̱u̱nꞌ te̱e yukuán: ―Skaáꞌ naꞌá nú. Jee nsi̱kááꞌ‑a naꞌá jee nnuvi‑i.

Marcos 3:5 ပူးပေါင်းရင်းမြစ်များ

Génesis 6:6

Jee nñukua̱chi iniꞌ I̱toꞌoꞌ‑ó ya̱ nsa̱ꞌá re̱ꞌ rá ñɨvɨ nu̱u̱nꞌ ñu̱ꞌún ne̱ jiátúꞌ ánímaꞌ re̱ꞌ.

Mateo 12:13

Saájee nkachiꞌ re̱ꞌ nu̱u̱nꞌ te̱e naꞌá nachi vá: ―Skaáꞌ naꞌá nú. Jee nsi̱kááꞌ‑a naꞌá‑a, jee nnuva̱ꞌa vá kuéntáꞌ íyó inka ka̱ꞌ naꞌá‑a.

Marcos 3:4

Jee nkachiꞌ‑i nu̱u̱nꞌ ráa: ―¿Ná kúvi ya̱ yɨ́netuꞌ ley saꞌá‑ó rúja? ¿Á kuvi saꞌá‑ó ya̱ váꞌa áxí saꞌá‑ó ya̱ ni̱váꞌa rúja? ¿Á sikáku‑ó áxí kaꞌniꞌ‑ó? ―nkachiꞌ Jesús nu̱u̱nꞌ ráa. Soo níín nkuvi ráa.

Lucas 13:15

Saájee nna̱xiníkó I̱toꞌoꞌ‑ó Jesús nu̱u̱nꞌ te̱e vá jee nkachiꞌ re̱ꞌ: ―Te̱e sansuꞌva ni kúvi rán, chi ta ɨɨn rán, ¿á ntu nánají nú xi̱ni̱kɨ̱ꞌ nú áxí burrúꞌ nú rá ki̱vɨ̱ꞌ nájiáví jiásikóꞌo nú nute rátíꞌ rúja?

Lucas 17:14

Jee sáá niniꞌ re̱ꞌ ráa, jee nkachiꞌ re̱ꞌ: ―Kuáꞌán rán xinéꞌénꞌ rán maárán nu̱u̱nꞌ rá su̱tu̱ꞌ ―nkachiꞌ re̱ꞌ. Jee ni kua̱ꞌa̱nꞌ ráa jee nnu̱noo ñunéꞌyúꞌ ráa nu̱u̱nꞌ kue̱ꞌi̱ꞌ nóꞌo ráa.

Lucas 6:10

Jee nna̱kune̱ꞌyá re̱ꞌ nu̱u̱nꞌ ntáká rá ñɨvɨ ni̱kótíyu íñɨ́ nu̱u̱nꞌ re̱ꞌ, jee nkachiꞌ re̱ꞌ nu̱u̱nꞌ te̱e níchí naꞌá vá: ―Skaáꞌ naꞌá nú. Jee sukuán nsa̱ꞌá‑a jee nnuva̱ꞌa naꞌá‑a.

Juan 9:7

Jee nkachiꞌ re̱ꞌ nu̱u̱nꞌ te̱e vá: ―Kuáꞌán nakete nú nu̱u̱nꞌ nú nu̱u̱nꞌ pila naní Siloé nu̱u̱nꞌ ñúꞌún nute. (Tu̱ꞌun Siloé kuíni kachiꞌ Ya̱ Nchu̱ichí.) Saájee kua̱ꞌa̱nꞌ te̱e kuáá vá, jee nna̱kete‑e nu̱u̱nꞌ‑u, jee nnu̱nijinꞌ rá titɨ nchinúún‑u jee nni̱kó‑o kua̱noꞌonꞌ‑o.

Romanos 11:25

Ránoꞌó ñanitáꞌán, kuíni ni̱ꞌ ya̱ kukáꞌnú iniꞌ rán tu̱ꞌun yaꞌá ya̱ ni̱yo yuꞌuꞌ‑u soo nstúvi Ndiosíꞌ maa nu̱u̱nꞌ‑ó. Kuíni ni̱ꞌ ya̱ kuniꞌ rán tu̱ꞌun yaꞌá, sáva nkútéyɨ́ɨ́ rán kani iniꞌ rán ya̱ níchí xi̱ni̱ꞌ rán. Chi nkuna̱a̱ꞌ iniꞌ Ndiosíꞌ ya̱ sava rá ñɨvɨ ya̱ ntu kúvi ñɨvɨ Israel kuneí iniꞌ ráa Cristo. Jee tu̱ꞌun yuꞌuꞌ vá kúvi ya̱ nkuni̱ꞌin ánímaꞌ sava rá ñɨvɨ ñuunꞌ Israel, ne̱kua̱ꞌ nɨꞌɨ rá ñɨvɨ ntu kúvi ñɨvɨ Israel ki̱vɨ ráa xi̱ntíín Ndiosíꞌ saá váji kuneí iniꞌ ráa Cristo.

2 Corintios 3:14

Soo yúú antúníꞌ rá ñɨvɨ vá. Chi ne̱ vitan jee sáá káꞌvi ráa tratúꞌ túꞌú ñakɨnꞌ Ndiosíꞌ ne̱ yanaꞌán, kuéntáꞌ kínóo saꞌma vá jiásɨ́ꞌ antúníꞌ ráa jee ntu kuíyo‑o, chi kua̱chi kuíyo saꞌma vá sáá kɨꞌɨ ɨɨn ñɨvɨ nu̱u̱nꞌ Cristo.

Efesios 4:18

Chi neenꞌ iniꞌ antúníꞌ ráa, chi jiáꞌnu íká ráa nu̱u̱nꞌ ya̱ tékúꞌ ñɨvɨ jín Ndiosíꞌ, jie̱ꞌe̱ꞌ ya̱ ntu̱ví jíníꞌ ráa tu̱ꞌun re̱ꞌ, jie̱ꞌe̱ꞌ ya̱ ni̱ꞌin iniꞌ ánímaꞌ ráa.

Efesios 4:26

Jee retú kítɨ́ꞌ iniꞌ rán na̱ni jie̱ꞌe̱ꞌ jee koto sáꞌá rán kua̱chi, jee koto ñúꞌún tu̱nkítɨ́ꞌ iniꞌ rán núnuví, chi ñamani sijiáꞌa rán maa iniꞌ rán, ne̱ ntiáꞌan taꞌanꞌ nka̱niiꞌ.

Efesios 4:30

Jee koto sáꞌá rán kua̱chi sáva nsíkúkuíꞌyáꞌ rán iniꞌ Ta̱chi̱ꞌ Ííꞌ Ndiosíꞌ. Chi nni̱ꞌi̱nꞌ rán Ta̱chi̱ꞌ Ííꞌ vá kuéntáꞌ ɨɨn seyúꞌ ya̱ stúvi ya̱ kúvi rán ñɨvɨ Ndiosíꞌ, ne̱kua̱ꞌ kiji máá ki̱vɨ̱ꞌ ya̱ nakani núne Ndiosíꞌ yó nu̱u̱nꞌ ya̱ nóꞌo‑ó ñɨ̱vɨ́ yaꞌá jee xinánitáꞌvíꞌ re̱ꞌ yó.

Hebreos 3:10

Jee saáva nki̱tɨ̱ꞌ iniꞌ ni̱ꞌ nne̱ꞌyá ni̱ꞌ rá ñɨvɨ tiempúꞌ yukuán. Jee nkachiꞌ ni̱ꞌ: “Sukuáni kújíká ánímaꞌ ráa nu̱u̱nꞌ ichi váꞌa ni̱ꞌ, chi ntu íyó maniꞌ ráa nu̱u̱nꞌ ichi ni̱ꞌ.”

Hebreos 3:17

Jee, ¿né ɨɨn kúvi rá ñɨvɨ ya̱ nki̱tɨ̱ꞌ iniꞌ Ndiosíꞌ nne̱ꞌyá re̱ꞌ ráa u̱vi̱xiko (40) kui̱ya̱ꞌ rúja? ¿Á nsú suviráa kúvi rá ñɨvɨ nsa̱ꞌá ráa kua̱chi jee ni̱ꞌi̱ꞌ ráa ne̱ nu̱u̱nꞌ ñu̱ꞌún sáɨn rúja?

Hebreos 5:9

Jee sáá ni̱yo tu̱ꞌva re̱ꞌ sukuán, jee nkenta kúvi re̱ꞌ ne̱ nu̱u̱nꞌ váji ya̱ nene ñɨvɨ nu̱u̱nꞌ kua̱chi ráa jee sikáku re̱ꞌ nɨ́ɨ́nkání ntáká rá ñɨvɨ ya̱ káníjiá ráa re̱ꞌ.

Apoclipsis 6:16

Jee káchíꞌ ráa nu̱u̱nꞌ rá yuku vá jín rá kava vá: ―Nakuniꞌi rán ya̱ta̱ꞌ ráníꞌ, sáva chiyuꞌuꞌ rán ránuꞌuꞌ nu̱u̱nꞌ maáréꞌ ya̱ nééꞌ re̱ꞌ teyuꞌ nu̱u̱nꞌ tátúníꞌ re̱ꞌ, jín nu̱u̱nꞌ Lanchi Lúlí vá, chi maáréꞌ ví ya̱ taji re̱ꞌ tu̱nóꞌó xéénꞌ nu̱u̱nꞌ ránꞌ jie̱ꞌe̱ꞌ kítɨ́ꞌ iniꞌ re̱ꞌ néꞌyá re̱ꞌ rá kua̱chi ránꞌ.