Marcos 3:34 - Mixteco del suroeste de Tlaxiaco Oaxaca

³⁴ Jee nna̱kune̱ꞌyá re̱ꞌ rá ñɨvɨ ni̱kótíyu nééꞌ xiín re̱ꞌ jee nkachiꞌ re̱ꞌ nu̱u̱nꞌ ráa: ―Yaꞌá ví náánꞌ ni̱ꞌ jín rá ñaniꞌ ni̱ꞌ.

Marcos 3:34 ပူးပေါင်းရင်းမြစ်များ

Mateo 28:10

Saájee nkachiꞌ re̱ꞌ nu̱u̱nꞌ ráña: ―Koto yúꞌví rán, jee kuáꞌán rán jee kachiꞌ rán nu̱u̱nꞌ rá ñaniꞌ ni̱ꞌ ya̱ kɨ̱ꞌɨ̱nꞌ ráa nu̱u̱nꞌ ñuꞌun Galilea, jee yukuán kuniꞌ ráa nuꞌuꞌ ―nkachiꞌ Jesús.

Marcos 3:33

Soo nna̱xiníkó‑o: ―¿Né ɨɨn kúvi náánꞌ ni̱ꞌ jín rá ñaniꞌ ni̱ꞌ rúja?

Marcos 6:6

Jee nti̱vɨ́ xíniꞌ re̱ꞌ, chi ntu kúneí iniꞌ ráa re̱ꞌ. Jee ni̱kónúun re̱ꞌ rá ñuunꞌ yatin yukuán, jee xínéꞌénꞌ re̱ꞌ Tu̱ꞌun Ndiosíꞌ.

Juan 20:17

Jee nkachiꞌ Jesús nu̱u̱nꞌ ña: ―Koto tɨ́ɨn nú nuꞌuꞌ chinetu nú, chi ntiáꞌan kɨ̱naa ni̱ꞌ nu̱u̱nꞌ Tátáꞌ ni̱ꞌ. Soo kuáꞌán nu̱u̱nꞌ rá ñaniꞌ ni̱ꞌ, ya nsu̱kuáꞌa ni̱ꞌ ráa, jee kachiꞌ nú nu̱u̱nꞌ ráa ya̱ kɨ̱naa ni̱ꞌ nu̱u̱nꞌ Tátáꞌ maáníꞌ ya̱ kúvi Tátáꞌ ránoꞌó ranika̱ꞌ, jín ya̱ kúvi Ndiosíꞌ ni̱ꞌ jín Ndiosíꞌ ránoꞌó ―nkachiꞌ Jesús.

Romanos 8:29

Chi rá ñɨvɨ vá ya̱ jíníꞌ ya̱chi̱ꞌ re̱ꞌ nka̱ji ya̱chi̱ꞌ re̱ꞌ nékúvi, jee sunisaá ya̱ nkuna̱a̱ꞌ ya̱chi̱ꞌ iniꞌ re̱ꞌ ya̱ kuneen ráa iniꞌ Se̱ꞌya re̱ꞌ, sáva kuvi‑i Se̱ꞌya ñáꞌnú ya̱ kosoꞌ‑o nu̱u̱nꞌ kue̱ꞌe̱ꞌ ñaniꞌ‑i jín ku̱ꞌva‑a.