Marcos 2:5 - Mixteco del suroeste de Tlaxiaco Oaxaca

⁵ Sáá niniꞌ Jesús ya̱ nku̱neí iniꞌ ráa re̱ꞌ, nkachiꞌ re̱ꞌ nu̱u̱nꞌ te̱e ya̱ ntu kúvi kantaꞌ vá: ―Se̱ꞌya, ya nne̱káꞌnú iniꞌ ni̱ꞌ noꞌó jie̱ꞌe̱ꞌ rá kua̱chi nú ―nkachiꞌ re̱ꞌ.

Marcos 2:5 ပူးပေါင်းရင်းမြစ်များ

Génesis 22:12

Jee nkachiꞌ máá najiáꞌáꞌ ííꞌ vá: ―¡Koto síkáa nú naꞌá nú kaꞌniꞌ nú te̱e súchí vá! ¡Koto na̱ sáꞌá nú re̱ꞌ!, chi vitan jee ya̱ jíníꞌ ni̱ꞌ ya̱ ñúyúꞌví iniꞌ nú néꞌyá nú Ndiosíꞌ, chi ntu̱ví nkúsáꞌán nú so̱ko̱ꞌ nú nu̱u̱nꞌ ni̱ꞌ se̱ꞌya nú, ya̱ kúvi métúꞌún ni se̱ꞌya nú ―nkachiꞌ najiáꞌáꞌ ííꞌ vá nu̱u̱nꞌ Abraham.

Mateo 9:2

Jee yukuán nkuvi ya̱ nki̱naka rá ñɨvɨ nu̱u̱nꞌ re̱ꞌ ɨɨn te̱e kúꞌvíꞌ ya̱ ntu kúvi kantaꞌ‑a, jee yósóꞌ‑o nu̱u̱nꞌ tu̱nchi̱só. Jee sáá niniꞌ Jesús ya̱ jínúꞌ iniꞌ ráa kúneí iniꞌ ráa re̱ꞌ jee nkachiꞌ re̱ꞌ nu̱u̱nꞌ te̱e ntu kúvi kantaꞌ vá: ―Se̱ꞌya, nasáneí iniꞌ nú, chi ya nne̱káꞌnú iniꞌ ni̱ꞌ noꞌó jie̱ꞌe̱ꞌ kua̱chi nú ―nkachiꞌ Jesús.

Mateo 9:22

Soo nna̱koto yátá Jesús, jee niniꞌ re̱ꞌ ña, jee nkachiꞌ re̱ꞌ: ―Nasaꞌá neí iniꞌ nú, se̱ꞌya sɨ́ꞌɨ́, chi jie̱ꞌe̱ꞌ ya̱ ínúꞌ iniꞌ nú kúneí iniꞌ nú nuꞌuꞌ jee nxi̱núvi ni̱ꞌ noꞌó ―nkachiꞌ re̱ꞌ, jee kuísá máá hora yukuán nnuvi ña.

Mateo 9:5

¿Né ɨɨn vá ka̱ꞌá ka̱ꞌ kachiꞌ ni̱ꞌ rúja? ¿Á kachiꞌ ni̱ꞌ: “Nne̱káꞌnú iniꞌ ni̱ꞌ noꞌó jie̱ꞌe̱ꞌ rá kua̱chi nú”, áxí, á kachiꞌ ni̱ꞌ: “Nako̱o jee kaka”, rúja?

Marcos 2:6

Yukuán nééꞌ rá Mestrúꞌ káꞌvi ni ya̱ xínéꞌénꞌ ráa Tu̱ꞌun ya̱ nta̱túníꞌ Ndiosíꞌ, jee naní ráa escriba, jee nkaꞌvi iniꞌ ráa:

Marcos 5:34

Jee nkachiꞌ Jesús nu̱u̱nꞌ ña: ―Se̱ꞌya sɨ́ꞌɨ́, nxi̱núvi ni̱ꞌ noꞌó jie̱ꞌe̱ꞌ ya̱ ínúꞌ iniꞌ nú kúneí iniꞌ nú nuꞌuꞌ. Kuáꞌán váꞌa. Nuvi nú jie̱ꞌe̱ꞌ kue̱ꞌi̱ꞌ nú.

Lucas 5:20

Jee sáá niniꞌ Jesús ya̱ kúneí víꞌí iniꞌ ráa ya̱ kuvi xinúvi re̱ꞌ te̱e kúꞌvíꞌ vá, jee nkachiꞌ re̱ꞌ nu̱u̱nꞌ‑u: ―Tenó, ya nne̱káꞌnú iniꞌ ni̱ꞌ noꞌó jie̱ꞌe̱ꞌ rá kua̱chi nú ―nkachiꞌ re̱ꞌ.

Lucas 8:48

Saájee nkachiꞌ Jesús nu̱u̱nꞌ ña: ―Se̱ꞌya sɨ́ꞌɨ́, jie̱ꞌe̱ꞌ ya̱ ínúꞌ iniꞌ nú kúneí iniꞌ nú nuꞌuꞌ, jee nxi̱núvi ni̱ꞌ noꞌó. Kuáꞌán va̱ꞌa ne̱ va̱ꞌa kuvi iniꞌ ánímaꞌ nú.

Juan 2:25

Jee saáva ntu̱né jíniñúꞌún re̱ꞌ ya̱ ni ɨɨn ñɨvɨ ku̱ꞌva ráa ya̱ naáꞌ nu̱u̱nꞌ re̱ꞌ jie̱ꞌe̱ꞌ rá ñɨvɨ, chi ya jíníꞌ va̱ꞌa re̱ꞌ ná kúvi ya̱ ñúꞌún iniꞌ ánímaꞌ ntáká rá ñɨvɨ.

Juan 5:14

Jee sáá njia̱ꞌa rá tiñu yukuán jee nna̱ketáꞌán Jesús re̱ꞌ chíkéꞌi iniꞌ veñu̱ꞌun káꞌnú, jee nkachiꞌ Jesús nu̱u̱nꞌ re̱ꞌ: ―Kune̱ꞌyá, chi ya̱ nnuvi va̱ꞌa nú. Jee koto sáꞌá nú ka̱ꞌ kua̱chi, sáva nkíji inka ka̱ꞌ tu̱nóꞌó manéátúꞌún kunoꞌo nú ―nkachiꞌ Jesús.

Hechos 11:23

Sáá nkenta re̱ꞌ yukuán, niniꞌ re̱ꞌ ya̱ va̱ꞌa nsa̱ꞌá Ndiosíꞌ nu̱u̱nꞌ ráa chi ma̱ni̱ꞌ re̱ꞌ néꞌyá re̱ꞌ ráa. Jee nnusɨ̱ɨ̱ꞌ iniꞌ Bernabé. Jee nna̱chuꞌun neí re̱ꞌ iniꞌ ráa kukáñá víꞌí iniꞌ ánímaꞌ ráa ya̱ kuiñɨ na̱a̱ꞌ ráa jín I̱toꞌoꞌ‑ó.

Hechos 14:9

Tésóꞌo re̱ꞌ ya̱ káꞌánꞌ Pablo. Jee nkino̱o Pablo nne̱ꞌyá‑a re̱ꞌ, jee niniꞌ‑i ya̱ kúneí iniꞌ re̱ꞌ Ndiosíꞌ ya̱ kuvi xinúvi‑i re̱ꞌ.

Hechos 5:31

Jee Jesús vá, nxi̱náa Ndiosíꞌ re̱ꞌ kuñáꞌnú re̱ꞌ ichi kuáꞌá‑a. Ñani Ndiosíꞌ re̱ꞌ sáva tátúníꞌ re̱ꞌ yukuán jee xínánitáꞌvíꞌ re̱ꞌ ñɨvɨ. Nsa̱ꞌá Ndiosíꞌ suꞌva, sáva ku̱ꞌva re̱ꞌ ya̱ nakani iniꞌ rá ñɨvɨ Israel jie̱ꞌe̱ꞌ rá kua̱chi ráa, jee kunekáꞌnú iniꞌ re̱ꞌ jie̱ꞌe̱ꞌ rá kua̱chi ráa.

1 Corintios 11:30

Jee jie̱ꞌe̱ꞌ ya̱ sáꞌá rán sukuán saáva íyó kue̱ꞌe̱ꞌ ñɨvɨ kúꞌvíꞌ jín ñɨvɨ kuítá iniꞌ nteñu rán, jee sava rán ni̱ꞌi̱ꞌ.

2 Corintios 2:10

Jee saáva, retú nékáꞌnú iniꞌ rán jie̱ꞌe̱ꞌ na̱ni kua̱chi ya̱ nsa̱ꞌá ɨɨn ñɨvɨ, jee sunisaá nékáꞌnú iniꞌ ni̱ꞌ maa. Chi retú íyó na̱ nékáꞌnú iniꞌ ni̱ꞌ, jee ichinúúnꞌ Cristo nne̱káꞌnú iniꞌ ni̱ꞌ nne̱ꞌyá ni̱ꞌ ñɨvɨ vá sáva kuvi ya̱ váꞌa nu̱u̱nꞌ ránoꞌó,

Efesios 2:8

Chi jie̱ꞌe̱ꞌ ya̱ íyó mániꞌ iniꞌ Ndiosíꞌ néꞌyá re̱ꞌ ránoꞌó jee nna̱tavaꞌ re̱ꞌ ránoꞌó nu̱u̱nꞌ kua̱chi rán nsi̱káku re̱ꞌ ránoꞌó jie̱ꞌe̱ꞌ ya̱ kúneí iniꞌ rán Cristo, sú ntu íyó ni̱ꞌi̱nꞌ rán maa. Soo nsú ránoꞌó sáꞌá maa, chisaꞌ kúvi‑i ta̱ꞌvi̱ꞌ nsi̱kútaꞌviꞌ Ndiosíꞌ nu̱u̱nꞌ rán.

Colosenses 3:13

jín ya̱ keꞌneꞌ iniꞌ rán jín táꞌán rán, jín ya̱ kunekáꞌnú iniꞌ rán kune̱ꞌyá rán ɨɨn inka táꞌán rán, retú íyó kua̱chi nsa̱ꞌá néni ɨɨn rán si̱kɨ̱ꞌ néni ɨɨn inka rán. Kuéntáꞌ kua̱ꞌ nne̱káꞌnú iniꞌ Cristo nne̱ꞌyá re̱ꞌ ránoꞌó, jee suni sukuán ranika̱ꞌ saꞌá rán.

Santiago 5:15

Jee nu̱u̱nꞌ jíkánꞌ táꞌvíꞌ ráa jín ya̱ kúneí iniꞌ ráa Ndiosíꞌ, jee yukuán xinúvi‑i ñɨvɨ kúꞌvíꞌ vá, jee nako̱o‑o saꞌá I̱toꞌoꞌ‑ó nusɨ̱ɨ̱ꞌ iniꞌ‑i. Jee retú nsa̱ꞌá ñɨvɨ kúꞌvíꞌ vá kua̱chi jee kunekáꞌnú iniꞌ Ndiosíꞌ kune̱ꞌyá re̱ꞌ maa.