Marcos 2:27 - Mixteco del suroeste de Tlaxiaco Oaxaca

²⁷ Jee nkachiꞌ Jesús nu̱u̱nꞌ ráa: ―Nsa̱ꞌá Ndiosíꞌ ki̱vɨ̱ꞌ nájiáví sáva kuvi ya̱ váꞌa nu̱u̱nꞌ rá ñɨvɨ. Soo nsáꞌ nsa̱ꞌá re̱ꞌ rá ñɨvɨ sáva yɨ́ñúꞌún ráa ki̱vɨ̱ꞌ nájiáví vá ne̱ kunoꞌo ráa.

Marcos 2:27 ပူးပေါင်းရင်းမြစ်များ

Marcos 2:28

Saáva nuꞌuꞌ, ya̱ nta̱jí Ndiosíꞌ nu̱u̱nꞌ ñɨ̱vɨ́ sáva kuvi ni̱ꞌ Se̱ꞌya Ñɨvɨ, jee kúvi ni̱ꞌ I̱toꞌoꞌ rá ki̱vɨ̱ꞌ nájiáví, ya̱ kuvi tatúníꞌ ni̱ꞌ ná kúvi ya̱ saꞌá ñɨvɨ ki̱vɨ̱ꞌ vá ―nkachiꞌ re̱ꞌ.

Lucas 6:9

Jee nkachiꞌ Jesús nu̱u̱nꞌ ráa: ―Ka̱ka̱tu̱ꞌún ni̱ꞌ ránoꞌó: ¿Ná kúvi ya̱ yɨ́netuꞌ saꞌá‑ó rúja? ¿Á kuvi saꞌá‑ó ya̱ váꞌa áxí saꞌá‑ó ya̱ ni̱váꞌa rúja? ¿Á sikáku‑ó áxí kaꞌniꞌ‑ó? ―nkachiꞌ re̱ꞌ.

Juan 7:23

Jee retú níꞌínꞌ ɨɨn te̱e ya̱ saꞌá circuncidar rán maa ki̱vɨ̱ꞌ nájiáví, sáva ntu jiáꞌa rán nu̱u̱nꞌ tu̱ꞌun ley vá ya̱ nta̱túníꞌ Ndiosíꞌ ya̱ njia̱ꞌa re̱ꞌ nu̱u̱nꞌ Moisés, ¿na̱ kúvi chi kítɨ́ꞌ iniꞌ rán néꞌyá rán nuꞌuꞌ, chi nxi̱núvi nɨ́ɨ́n ni̱ꞌ ɨɨn te̱e ki̱vɨ̱ꞌ nájiáví?

2 Corintios 4:15

Saáva nɨꞌɨ yaꞌá kúvi ya̱ váꞌa nu̱u̱nꞌ ránoꞌó. Jín sáva kukueꞌeꞌ ka̱ꞌ ñɨvɨ ni̱ꞌi̱nꞌ ya̱ ma̱ni̱ꞌ iniꞌ Ndiosíꞌ jín ráa. Saájee sáva kukueꞌeꞌ nasɨ́kuitɨꞌ ka̱ꞌ rá ñɨvɨ ku̱ꞌva ráa ya̱ kútaꞌviꞌ ráa nu̱u̱nꞌ Ndiosíꞌ, sáva stúvi‑ó ya̱ viiꞌ nasɨ́kuitɨꞌ kúñáꞌnú Ndiosíꞌ.

Colosenses 2:16

Jee saáva koto jiáꞌayuꞌú rán ya̱ sijíta ñɨvɨ ránoꞌó jie̱ꞌe̱ꞌ rá yájíꞌ rán, áxí jie̱ꞌe̱ꞌ ya̱ jíꞌi rán, áxí jie̱ꞌe̱ꞌ ya̱ néñu̱ꞌun rán áxí ntu̱ví néñu̱ꞌun rán rá viko sáꞌá rá ñɨvɨ vá ta kui̱ya̱ꞌ, áxí rá viko sáꞌá ráa sáá nákuneeꞌ yúté yo̱o̱ꞌ, áxí rá ki̱vɨ̱ꞌ nájiáví.