Marcos 2:17 - Mixteco del suroeste de Tlaxiaco Oaxaca

¹⁷ Sáá nteso̱ꞌo Jesús yaꞌá, jee nkachiꞌ‑i nu̱u̱nꞌ ráa: ―Rá ñɨvɨ íyó váꞌa ntu jíniñúꞌún ráa te̱e sátátán ta̱ta̱nꞌ stíláꞌ, chisaꞌ rá ñɨvɨ kúꞌvíꞌ ví ya̱ jíniñúꞌún ráa maa. Nsáꞌ váji ni̱ꞌ kana ni̱ꞌ rá ñɨvɨ na̱a̱ꞌ ki̱vɨ nu̱u̱nꞌ Ndiosíꞌ, chisaꞌ va̱ji ni̱ꞌ kana ni̱ꞌ rá ñɨvɨ íyó kua̱chi [sáva nakani iniꞌ ráa jee ki̱vɨ ráa naꞌá Ndiosíꞌ] ―nkachiꞌ Jesús.

Marcos 2:17 ပူးပေါင်းရင်းမြစ်များ

Mateo 18:10

’Jee koto kúníichiꞌ iniꞌ rán ni ɨɨn rá su̱chí lúlí yaꞌá. Chi nuꞌuꞌ káchíꞌ ni̱ꞌ nu̱u̱nꞌ rán, ya̱ rá najiáꞌáꞌ ííꞌ ya̱ íyó ne̱ antivɨ́ súkún, ya̱ kúmí ráa rá su̱chí lúlí yaꞌá, jee sukuáni íñɨ́ rá najiáꞌáꞌ vá ichinúúnꞌ Tátáꞌ ni̱ꞌ ya̱ íyó ne̱ antivɨ́ súkún nákani ráa jie̱ꞌe̱ꞌ rává.

Lucas 15:10

Jee saáva nuꞌuꞌ káchíꞌ ni̱ꞌ nu̱u̱nꞌ rán ya̱ suni íyó tu̱ꞌun kúsɨ́ɨꞌ iniꞌ rá najiáꞌáꞌ ííꞌ Ndiosíꞌ jie̱ꞌe̱ꞌ ɨɨn ñɨvɨ kua̱chi retú nákani iniꞌ‑i jie̱ꞌe̱ꞌ kua̱chi sáꞌá‑a jee kunikɨnꞌ‑ɨ Ndiosíꞌ ―nkachiꞌ Jesús.

Lucas 15:29

Jee nna̱xiníkó‑o nkachiꞌ‑i nu̱u̱nꞌ tátáꞌ‑a: “Kune̱ꞌyá, tantúꞌ kui̱ya̱ꞌ sátíñú ni̱ꞌ nu̱u̱nꞌ nú, jee ni nsáꞌ kújiááꞌ kuitɨꞌ iniꞌ ni̱ꞌ nu̱u̱nꞌ ya̱ nta̱túníꞌ nú, jee ni nsáꞌ nta̱jí nú ni sú ɨɨn lítú lúlí nu̱u̱nꞌ ni̱ꞌ sáva saꞌá ni̱ꞌ viko nusɨ̱ɨ̱ꞌ iniꞌ ni̱ꞌ jín rá ñɨvɨ ma̱ni̱ꞌ jín ni̱ꞌ.

Lucas 15:7

Chi máá naáꞌ vá káchíꞌ ni̱ꞌ nu̱u̱nꞌ rán ya̱ suni sukuán saꞌ víꞌí káꞌ íyó tu̱ꞌun kúsɨ́ɨꞌ iniꞌ ne̱ antivɨ́ nu̱u̱nꞌ íyó Ndiosíꞌ, jie̱ꞌe̱ꞌ ɨɨn ñɨvɨ íyó kua̱chi retú nna̱kani iniꞌ‑i jie̱ꞌe̱ꞌ kua̱chi sáꞌá‑a jee kunikɨnꞌ‑ɨ Ndiosíꞌ, nsú káꞌ ya̱ kúmíxiko xa̱ꞌu̱nꞌ ku̱mi̱ꞌ (99) rá ñɨvɨ na̱a̱ꞌ ya̱ ntu jíniñúꞌún nakani iniꞌ‑i.

Lucas 16:15

Jee nkachiꞌ re̱ꞌ nu̱u̱nꞌ ráa: ―Ránoꞌó jee sáꞌá rán nika̱ꞌ ya̱ kúvi rán te̱e na̱a̱ꞌ nu̱u̱nꞌ rá ñɨvɨ. Soo Ndiosíꞌ jee jíníꞌ re̱ꞌ na̱ja jiáni iniꞌ ánímaꞌ rán. Chi rá tiñu ya̱ jiáni iniꞌ rá ñɨvɨ ya̱ yɨ́yáꞌvi‑i nu̱u̱nꞌ ráa, soo nu̱u̱nꞌ Ndiosíꞌ chi maa tiñu néꞌí níváꞌa ví‑i nu̱u̱nꞌ re̱ꞌ.

Lucas 19:10

Chi nuꞌuꞌ, ya̱ nta̱jí Ndiosíꞌ nu̱u̱nꞌ ñɨ̱vɨ́ sáva kuvi ni̱ꞌ Se̱ꞌya Ñɨvɨ, va̱ji ni̱ꞌ nánukú ni̱ꞌ rá ñɨvɨ súkuíta ráa maáráa síkɨ́naanꞌ ráa maáráa jee sáva sikáku ni̱ꞌ ráa ―nkachiꞌ Jesús.

Juan 9:34

Saájee nna̱xiníkó ráa, jee nkachiꞌ ráa nu̱u̱nꞌ re̱ꞌ: ―Noꞌó chi ne̱ ki̱vɨ̱ꞌ nkaku nú jee ne̱ íyó chitú kanáa noꞌó jín kua̱chi. Jee, ¿á noꞌó xínéꞌénꞌ nú nu̱u̱nꞌ ránuꞌuꞌ rúja? ―nkachiꞌ ráa, jee íchí ntavaꞌ ráa re̱ꞌ iniꞌ veꞌi sinagoga vá ya̱ ni ntu jiáꞌa ráa ka̱ꞌ ki̱vɨ re̱ꞌ maa.

Juan 9:40

Jee sava rá te̱e ya̱ yɨ́ꞌɨ́ ñujiínꞌ fariseo vá ya̱ íñɨ́ ráa nu̱u̱nꞌ íñɨ́ Jesús, jee nteso̱ꞌo ráa tu̱ꞌun yaꞌá ya̱ nkachiꞌ Jesús, jee nkachiꞌ ráa nu̱u̱nꞌ re̱ꞌ: ―¿Á suni ránuꞌuꞌ kúvi ránꞌ kuéntáꞌ te̱e kuáá résa? ―nkachiꞌ ráa.

Hechos 20:21

Nkachitu̱ꞌún ni̱ꞌ nu̱u̱nꞌ rá ñɨvɨ Israel jín suni nu̱u̱nꞌ rá ntu kúvi ñɨvɨ Israel. Nna̱stúvi ni̱ꞌ ya̱ naáꞌ ya̱ íyó nakani iniꞌ ráa jie̱ꞌe̱ꞌ kua̱chi ráa, jee kunikɨnꞌ ráa Ndiosíꞌ, jee kuneí iniꞌ ráa I̱toꞌoꞌ‑ó Jesús.

Hechos 26:20

Jee xíꞌnañúꞌún nste̱kútu̱ꞌún ni̱ꞌ nu̱u̱nꞌ rá ñɨvɨ ñuunꞌ Damasco, jín suni nu̱u̱nꞌ rá ñɨvɨ ñuunꞌ Jerusalén, jín nu̱u̱nꞌ nɨꞌɨ sánitɨ́ɨn Judea, jín nu̱u̱nꞌ rá inka nación, ya̱ nakani iniꞌ ráa jee nakunikɨnꞌ ráa Ndiosíꞌ. Jee nste̱kútu̱ꞌún ni̱ꞌ, ya̱ saꞌá ráa rá tiñu váꞌa, ya̱ stúvi ya̱ nna̱kani nijia iniꞌ ráa.

Tito 2:14

Chi njia̱ꞌa re̱ꞌ maáréꞌ ya̱ kuviꞌ re̱ꞌ jie̱ꞌe̱ꞌ‑ó, sáva chunáán nkáꞌnú re̱ꞌ maáréꞌ nu̱u̱nꞌ Ndiosíꞌ jie̱ꞌe̱ꞌ‑ó, sáva nakani núne re̱ꞌ yó naꞌá nta̱ká nu̱u̱nꞌ ya̱ niva̱ꞌa. Jee nna̱saꞌá noo nɨꞌɨ kuitɨꞌ re̱ꞌ kua̱chi níso ánímaꞌ‑ó, sáva kuvi‑ó ñɨvɨ maáréꞌ, sáva kuꞌun káñá iniꞌ‑ó saꞌá‑ó ya̱ váꞌa.