Marcos 2:1 - Mixteco del suroeste de Tlaxiaco Oaxaca

¹ Sáá njia̱ꞌa yakuꞌ ki̱vɨ̱ꞌ, Jesús nki̱vɨ tuku ñuunꞌ Capernaum. Jee nteso̱ꞌo ráa ya̱ nééꞌ re̱ꞌ veꞌi.

Marcos 2:1 ပူးပေါင်းရင်းမြစ်များ

Mateo 4:13

Jee nxi̱nóo re̱ꞌ ñuunꞌ Nazaret jee kua̱ꞌa̱nꞌ re̱ꞌ kuneeꞌ re̱ꞌ ñuunꞌ Capernaum, ya̱ káá yúnteñúꞌún, nu̱u̱nꞌ káá ñuꞌun rá ñɨvɨ ya̱ kúvi ráa rá se̱ꞌya ichiyúkúnꞌ nkene ráa nu̱u̱nꞌ Zabulón jín Neftalí.

Mateo 9:1

Saájee nna̱ku̱ꞌun Jesús iniꞌ barkúꞌ, jee nna̱jia̱ꞌa re̱ꞌ íyo tuku ka̱ꞌ inka ichi yúnteñúꞌún, jee nnenta re̱ꞌ ñuunꞌ nu̱u̱nꞌ nééꞌ re̱ꞌ.

Marcos 1:45

Soo kua̱ꞌa̱nꞌ te̱e vá jee nka̱jiéꞌé nna̱kani víꞌí‑i nu̱u̱nꞌ nɨꞌɨ rá ñɨvɨ. Jee ñe̱te̱nuun tu̱ꞌun jie̱ꞌe̱ꞌ ya̱ nkuvi yukuán, saáva ntu nkúvi ka̱ꞌ ki̱vɨ nijinꞌ Jesús nu̱u̱nꞌ ni ɨɨn rá ñuunꞌ. Chisaꞌ ni̱kónúun iyo re̱ꞌ nu̱u̱nꞌ ñu̱ꞌún sáɨn, jee nkiji rá ñɨvɨ ne̱ ntáká ichi nu̱u̱nꞌ re̱ꞌ.

Marcos 2:2

Jee nnu̱tútú víꞌí ñɨvɨ ya̱ ya ntu̱ví ka̱ꞌ nu̱u̱nꞌ kuiñɨ ráa iniꞌ veꞌi, ni yuvéꞌí, jee káchíꞌ re̱ꞌ Tu̱ꞌun Ndiosíꞌ nu̱u̱nꞌ ráa.

Marcos 3:20

jee kue̱ꞌe̱ꞌ ñɨvɨ nku̱tútú tuku. Saáva ntu nkúvi kajiꞌ Jesús jín rá u̱xu̱vi̱ꞌ (12) te̱e.

Marcos 7:17

Jee sáá nxi̱nóo Jesús rá ñɨvɨ kue̱ꞌe̱ꞌ, jee nki̱vɨ‑ɨ iniꞌ veꞌi, jee rá te̱e súkuáꞌa re̱ꞌ ráa, ni̱ka̱tu̱ꞌún ráa re̱ꞌ, ná kuíni kachiꞌ tu̱ꞌun ya̱ kúnkunuún vá.

Marcos 7:24

Yukuán nkene Jesús jee kua̱ꞌa̱nꞌ‑a ñuꞌun tɨ́ɨn rá ñuunꞌ Tiro jín Sidón. Jee nki̱vɨ re̱ꞌ ɨɨn veꞌi. Jee ntu kuíni re̱ꞌ ya̱ ni ɨɨn ñɨvɨ nku̱níꞌ ráa ya̱ nééꞌ re̱ꞌ yukuán, soo ntu nkúvi kuneeꞌ yuꞌuꞌ re̱ꞌ.

Marcos 9:28

Sáá nki̱vɨ Jesús ɨɨn iniꞌ veꞌi, jee rá te̱e súkuáꞌa re̱ꞌ ráa ni̱ka̱tu̱ꞌún sɨ́ɨ́n ráa re̱ꞌ: ―¿Na̱kui chi ntu̱ví nkúneí ráníꞌ tavaꞌ ránꞌ ta̱chi̱ꞌ néꞌí vá?

Lucas 4:23

Saájee nkachiꞌ re̱ꞌ nu̱u̱nꞌ ráa: ―Jíníꞌ ni̱ꞌ ya̱ jín tu̱ꞌun suꞌva kachiꞌ rán kune̱ꞌyá rán nuꞌuꞌ: “Te̱e tátán, xinúvi nú maánú.” Jee, “ntáká rá tiñu ya̱ nteso̱ꞌo ránꞌ ya̱ nsa̱ꞌá nú nu̱u̱nꞌ ñuunꞌ Capernaum suni saꞌá nú maa yaꞌá nu̱u̱nꞌ ñuunꞌ nú” ―nkachiꞌ re̱ꞌ.

Lucas 5:18

Saájee nkenta kéꞌín rá te̱e ínaꞌá ráa ɨɨn tu̱nchi̱só yósóꞌ ɨɨn te̱e ya̱ ntu kántáꞌ‑a. Jee núnasɨ́ ráa núkú ráa sikívɨ ráa maa iniꞌ veꞌi sáva kakɨnꞌ ráa maa ichinúúnꞌ Jesús.

Juan 4:47

Jee sáá nteso̱ꞌo te̱e vá ya̱ nkene Jesús ñuunꞌ Judea jee nkenta‑a nu̱u̱nꞌ ñuunꞌ Galilea, jee ña̱ꞌa̱nꞌ re̱ꞌ nu̱u̱nꞌ‑u jee ni̱ka̱nꞌ táꞌvíꞌ re̱ꞌ nu̱u̱nꞌ‑u ya̱ kɨ̱ꞌɨ̱nꞌ‑ɨ veꞌi re̱ꞌ sáva xinúvi‑i se̱ꞌya re̱ꞌ ya̱ sa̱néꞌ íyó kuviꞌ se̱ꞌya re̱ꞌ.

Hechos 2:6

Sáá nteso̱ꞌo ráa ya̱ jiáku, jee nku̱tútú kue̱ꞌe̱ꞌ ráa. Jee tívɨ́ xíniꞌ ráa, chi ntáká ráa nteso̱ꞌo ya̱ káꞌánꞌ rává tu̱ꞌun nkaku ráa ya̱ káꞌánꞌ maáráa.