Marcos 14:7 - Mixteco del suroeste de Tlaxiaco Oaxaca

⁷ Chi sukuáni nééꞌ rá láꞌví jín ránoꞌó. Jee résá kuíni rán, jee kúvi saꞌá rán ya̱ váꞌa jín ráa. Soo nuꞌuꞌ, nsáꞌ nɨ́ɨ́nkání kuneeꞌ ni̱ꞌ jín rán.

Marcos 14:7 ပူးပေါင်းရင်းမြစ်များ

Mateo 26:11

Chi sukuáni nééꞌ rá láꞌví jín ránoꞌó, soo nuꞌuꞌ chi nsáꞌ nɨ́ɨ́nkání kuneeꞌ ni̱ꞌ jín rán.

Marcos 14:6

Soo Jesús nkachiꞌ nu̱u̱nꞌ ráa: ―Kusaá rán ña. ¿Na̱kui chi xtáña̱ꞌán rán ña? Chi ɨɨn tiñu váꞌa ví ya̱ nsa̱ꞌá ña nu̱u̱nꞌ nuꞌuꞌ.

Juan 13:33

’Ránoꞌó, ya̱ kúvi kuéntáꞌ se̱ꞌya ni̱ꞌ, vitan jee yakuꞌ ni tiempúꞌ ka̱ꞌ íyó kuneeꞌ ni̱ꞌ jín ránoꞌó. Jee kuíre nanukú rán nuꞌuꞌ, soo kuéntáꞌ ya̱ nkachiꞌ ni̱ꞌ nu̱u̱nꞌ rá te̱e kúñáꞌnú nu̱u̱nꞌ ñɨvɨ Israel, jee suni sukuán káchíꞌ ni̱ꞌ nu̱u̱nꞌ rán vitan ya̱: Nu̱u̱nꞌ kɨ̱ꞌɨ̱nꞌ ni̱ꞌ, jee nkúvi kɨ̱ꞌɨ̱nꞌ rán.

Juan 16:28

Nkene ni̱ꞌ va̱ji ni̱ꞌ ne̱ nu̱u̱nꞌ maá Tátáꞌ ni̱ꞌ, jee va̱ji ni̱ꞌ iniꞌ ñɨ̱vɨ́ yaꞌá. Jee vitan jee kene ni̱ꞌ iniꞌ ñɨ̱vɨ́ yaꞌá, jee kɨ̱noꞌonꞌ tuku ni̱ꞌ nu̱u̱nꞌ Tátáꞌ ni̱ꞌ ―nkachiꞌ Jesús.

Juan 16:5

Soo vitan jee kɨ̱noꞌonꞌ ni̱ꞌ nu̱u̱nꞌ maáréꞌ ya̱ nta̱jí re̱ꞌ nuꞌuꞌ va̱ji ni̱ꞌ. Jee ni ɨɨn rán ntu jíkátu̱ꞌún‑u ka̱ꞌ nuꞌuꞌ: “Né núꞌ kɨ̱ꞌɨ̱nꞌ nú”.

Juan 17:11

’Jee nsáꞌ kuneeꞌ ni̱ꞌ ka̱ꞌ iniꞌ ñɨ̱vɨ́ yaꞌá. Jee suviráa kino̱o ráa kuneeꞌ ráa iniꞌ ñɨ̱vɨ́ yaꞌá, jee nuꞌuꞌ chi kua̱najiaaꞌ ni̱ꞌ nu̱u̱nꞌ nú, Tátáꞌ ni̱ꞌ ya̱ ííꞌ nasɨ́kuitɨꞌ. Jee jíkánꞌ táꞌvíꞌ ni̱ꞌ nu̱u̱nꞌ nú ya̱ kumaꞌñu kusava nú ráa jín fuersáꞌ ííꞌ nú ya̱ ntaji nú nu̱u̱nꞌ ni̱ꞌ, sáva saꞌá nú ya̱ ɨɨn ni kuvi ráa kuéntáꞌ kua̱ꞌ maánú jín nuꞌuꞌ.

Hechos 3:21

Jee íyó kino̱o Cristo ne̱ súkún, ne̱ tiempúꞌ nasástákoo Ndiosíꞌ nujiáá nɨꞌɨ, sánikua̱ꞌ nkachiꞌ re̱ꞌ tu̱ꞌun ya̱ njiáꞌa re̱ꞌ sákachiꞌ rá te̱e nákani tu̱ꞌun kéne yuꞌú re̱ꞌ, ne̱ tiempúꞌ nasɨ́kuitɨꞌ. Yɨ́tíñú ráa nu̱u̱nꞌ Ndiosíꞌ.

Filemón 1:7

Chi kúsɨ́ɨꞌ nasɨ́kuitɨꞌ iniꞌ ánímaꞌ ni̱ꞌ, ñaniꞌ, jee núneí iniꞌ ni̱ꞌ jie̱ꞌe̱ꞌ ñúnúunꞌ nú rá ñanitáꞌán‑ó, chi nxi̱núváꞌa nú iniꞌ ánímaꞌ rá ñɨvɨ ya̱ nku̱sɨ́ɨ́n ráa yɨ́ꞌɨ́ ráa nu̱u̱nꞌ Cristo.