Marcos 13:3 - Mixteco del suroeste de Tlaxiaco Oaxaca

³ Kua̱ꞌa̱nꞌ ráa jee sáá ña̱kuneeꞌ re̱ꞌ i̱ka̱ꞌ yuku Olivos ya̱ káá ichinúúnꞌ veñu̱ꞌun káꞌnú, jee Pedro, Jacobo, Juan jín Andrés ni̱ka̱tu̱ꞌún sɨ́ɨ́n ráa re̱ꞌ:

Marcos 13:3 ပူးပေါင်းရင်းမြစ်များ

Mateo 13:10

Saájee rá te̱e súkuáꞌa Jesús ráa, ña̱kuyatin ráa nu̱u̱nꞌ re̱ꞌ, jee nkachiꞌ ráa: ―¿Na̱ kuvi chi káꞌánꞌ nú jín rá ñɨvɨ tu̱ꞌun ya̱ kúnkunuún káꞌánꞌ‑a?

Mateo 13:36

Saájee nxi̱nóo re̱ꞌ rá ñɨvɨ kue̱ꞌe̱ꞌ, jee nki̱vɨ re̱ꞌ iniꞌ veꞌi. Jee ña̱kuyatin rá te̱e súkuáꞌa re̱ꞌ vá nu̱u̱nꞌ re̱ꞌ, jee nkachiꞌ ráa: ―Nakachiꞌ va̱ꞌa xá nu̱u̱nꞌ ráníꞌ ná kúníꞌ kachiꞌ rá tu̱ꞌun kúnkunuún káꞌánꞌ jie̱ꞌe̱ꞌ yu̱ku̱ꞌ ne̱ꞌén vá ya̱ íyó nu̱u̱nꞌ kuꞌúꞌ.

Mateo 17:1

Jee sáá njia̱ꞌa i̱ñu̱ꞌ ki̱vɨ̱ꞌ, jee nkeꞌen Jesús, Pedro, jín Jacobo jín Juan ya̱ kúvi ñaniꞌ Jacobo, jee kua̱ꞌa̱nꞌ sɨ́ɨ́n Jesús jín ráa ne̱ xi̱ni̱ꞌ ɨɨn yuku súkún.

Mateo 21:1

Jee sáá kua̱kuyatin Jesús, jín rá te̱e súkuáꞌa re̱ꞌ vá ñuunꞌ káꞌnú Jerusalén, jee xíꞌna nkenta ráa kuaríáꞌ Betfagé, ya̱ káá jie̱ꞌe̱ꞌ yuku Olivos, saájee nchu̱ichí Jesús u̱vi̱ꞌ rá te̱e súkuáꞌa re̱ꞌ vá.

Mateo 24:3

Saájee kua̱ꞌa̱nꞌ Jesús yuku Olivos, jee ña̱kuneeꞌ re̱ꞌ yukuán, jee yukuán ña̱kuyatin rá te̱e súkuáꞌa re̱ꞌ vá nu̱u̱nꞌ nééꞌ re̱ꞌ, jee ni̱ka̱tu̱ꞌún sɨ́ɨ́n ráa re̱ꞌ, jee nkachiꞌ ráa: ―Kachiꞌ xá nu̱u̱nꞌ ránꞌ, ¿na̱ tiempúꞌ kuvi rá tiñu yaꞌá ya̱ nkachiꞌ nú?, jee, ¿ná kúvi seña koo sáva stúvi ya̱ kenta tiempúꞌ nikó tuku nú, jín ya̱ ji̱nu tiempúꞌ nu̱u̱nꞌ nɨ́ꞌɨ? ―nkachiꞌ ráa nu̱u̱nꞌ Jesús.

Marcos 10:35

Jacobo jín Juan, rá se̱ꞌya yɨ́ɨ́ Zebedeo, ña̱kuyatin ráa nu̱u̱nꞌ Jesús, jee nkachiꞌ ráa: ―Mestrúꞌ, kuíni ránꞌ ya̱ saꞌá nú ya̱ néni ɨɨn ya̱ ka̱ka̱nꞌ ránꞌ nu̱u̱nꞌ nú.

Marcos 13:4

―Kachiꞌ xá nu̱u̱nꞌ ránꞌ, ¿na̱ tiempúꞌ kuvi rá tiñu yaꞌá ya̱ nkachiꞌ nú?, jee, ¿ná kúvi seña koo sáva stúvi ya̱ kuna̱a̱ꞌ nɨꞌɨ rá yaꞌá? ―nkachiꞌ ráa nu̱u̱nꞌ re̱ꞌ.

Marcos 14:33

Jee nkeꞌen re̱ꞌ Pedro, Jacobo jín Juan, jee nka̱jiéꞌé nku̱kuíꞌyá iniꞌ re̱ꞌ jee nna̱niꞌvɨꞌ víꞌí iniꞌ re̱ꞌ.

Marcos 4:34

Ntáká íchí nkaꞌanꞌ re̱ꞌ jín ráa, jee sukuáni nkaꞌanꞌ re̱ꞌ rá tu̱ꞌun ya̱ kúnkunuún vá. Soo nkachiꞌ sɨ́ɨ́n re̱ꞌ nu̱u̱nꞌ rá te̱e, ya̱ súkuáꞌa re̱ꞌ ráa, ná kuíni káchíꞌ ntáká rá tu̱ꞌun vá.

Marcos 5:37

Jee ntu njiáꞌa re̱ꞌ ni ɨɨn ñɨvɨ kutáꞌán ráa jín re̱ꞌ, chisaꞌ kua̱chi Pedro, Jacobo jín Juan, ya̱ kúvi ñaniꞌ Jacobo nku̱táꞌán ráa jín re̱ꞌ.

Marcos 9:2

Jee ki̱vɨ̱ꞌ íñúꞌ, nnaka Jesús kua̱chi Pedro, Jacobo, jín Juan, jee kua̱ꞌa̱nꞌ maáréꞌ jín ráa nu̱u̱nꞌ ɨɨn yuku súkún. Jee yukuán nsama re̱ꞌ sáá ntu̱vi re̱ꞌ nu̱u̱nꞌ ráa.