Marcos 12:1 - Mixteco del suroeste de Tlaxiaco Oaxaca

¹ I̱ña̱jée nka̱jiéꞌé Jesús nna̱kani re̱ꞌ tu̱ꞌun ya̱ kúnkunuún káꞌánꞌ tu̱ꞌun vá nu̱u̱nꞌ ráa, jee nkachiꞌ‑i: ―Ɨɨn te̱e ntee re̱ꞌ rá yokúꞌúꞌ uva. Jee ñasɨꞌ re̱ꞌ kuráꞌ nu̱u̱nꞌ káá rá yokúꞌúꞌ uva vá. Jee ntu̱fí re̱ꞌ nu̱u̱nꞌ yu̱u̱ꞌ nu̱u̱nꞌ kuꞌni ráa uva. Jee nsa̱ꞌá re̱ꞌ ɨɨn veꞌi súkún, sáva kumí ráa nu̱u̱nꞌ káá tataꞌ uva. Jee kuíre njia̱núún re̱ꞌ ñuꞌun vá nu̱u̱nꞌ rá te̱e satíñú maa, jee nkene íká re̱ꞌ kua̱ꞌa̱nꞌ re̱ꞌ.

Marcos 12:1 ပူးပေါင်းရင်းမြစ်များ

Mateo 13:3

Jee nkachiꞌ re̱ꞌ kue̱ꞌe̱ꞌ tu̱ꞌun jín tu̱ꞌun kúnkunuún káꞌánꞌ, jee nkachiꞌ re̱ꞌ: ―¡Teso̱ꞌo rán! Ɨɨn te̱e jiákɨ́nꞌ tataꞌ sáꞌá nkene re̱ꞌ kua̱kakɨnꞌ re̱ꞌ nikɨn tataꞌ.

Mateo 21:28

’Saájee, ¿na̱ja káꞌvi iniꞌ rán jie̱ꞌe̱ꞌ tu̱ꞌun yaꞌá? Ɨɨn te̱e ni̱yo u̱vi̱ꞌ se̱ꞌya yɨ́ɨ́ re̱ꞌ, jee ña̱kuyatin re̱ꞌ nu̱u̱nꞌ se̱ꞌya yɨ́ɨ́ xíꞌnañúꞌún re̱ꞌ, jee nkachiꞌ re̱ꞌ: “Se̱ꞌya ni̱ꞌ, kuáꞌán, kɨ̱satíñú nú vitan nu̱u̱nꞌ káá tataꞌ sáꞌá ni̱ꞌ uva.”

Mateo 21:33

’Teso̱ꞌo ránú inka ka̱ꞌ tu̱ꞌun kúnkunuún yaꞌá: Ni̱yo ɨɨn te̱e kúvi i̱toꞌoꞌ xí ñuꞌun, jee ntee re̱ꞌ rá yokúꞌúꞌ uva nu̱u̱nꞌ ñu̱ꞌún re̱ꞌ, jee ñasɨꞌ re̱ꞌ kuráꞌ yuꞌú nu̱u̱nꞌ káá rá yokúꞌúꞌ uva vá, jee ntu̱fí re̱ꞌ nu̱u̱nꞌ yu̱u̱ꞌ nu̱u̱nꞌ kuꞌni ráa uva, jee nsa̱ꞌá re̱ꞌ ɨɨn veꞌi súkún sáva kumí ráa nu̱u̱nꞌ káá tataꞌ uva. Jee kuíre njia̱núún re̱ꞌ ñuꞌun vá nu̱u̱nꞌ rá te̱e satíñú maa jee nkene re̱ꞌ kua̱ꞌa̱nꞌ íká re̱ꞌ.

Mateo 21:34

’Jee sáá nkenta tiempúꞌ nastútú rá uva, jee nchu̱ichí re̱ꞌ rá musúꞌ re̱ꞌ nu̱u̱nꞌ rá te̱e sátíñú nu̱u̱nꞌ ñu̱ꞌún vá, sáva nakeꞌen re̱ꞌ tataꞌ sáꞌá sánikua̱ꞌ íyó ni̱ꞌi̱nꞌ re̱ꞌ.

Mateo 25:14

’Jee ya̱ tátúníꞌ Ndiosíꞌ nu̱u̱nꞌ rá ñɨvɨ kúvi‑i kuéntáꞌ kua̱ꞌ ɨɨn te̱e ya̱ ya íyó túꞌva re̱ꞌ ya̱ kene re̱ꞌ kɨ̱ꞌɨ̱nꞌ íká re̱ꞌ inka ñuunꞌ, jee nkana re̱ꞌ rá musúꞌ re̱ꞌ, jee njia̱ꞌa re̱ꞌ xu̱ꞌún re̱ꞌ nu̱u̱nꞌ ta ɨɨn ráa satíñú ráa jín‑i.

Marcos 11:33

Saájee nna̱xiníkó ráa nu̱u̱nꞌ Jesús: ―Ntu jíníꞌ ránꞌ. Saájee nkachiꞌ Jesús nu̱u̱nꞌ ráa: ―Suni nuꞌuꞌ, ni nka̱chíꞌ ni̱ꞌ nu̱u̱nꞌ rán na̱ tiñu níso ni̱ꞌ ya̱ sáꞌá ni̱ꞌ rá tiñu yaꞌá.

Marcos 13:34

Sukuán íyó kuéntáꞌ íyó ɨɨn te̱e ya̱ nkene‑e veꞌi‑i jee kua̱ꞌa̱nꞌ íká‑a. Jee ne̱ ntiáꞌan kene re̱ꞌ, jee njia̱ꞌa re̱ꞌ nu̱u̱nꞌ ta ɨɨn rá musúꞌ re̱ꞌ tiñu sáꞌá ráa, sáva kuneen kuéntáꞌ ráa veꞌi re̱ꞌ. Jee nta̱túníꞌ re̱ꞌ nu̱u̱nꞌ te̱e kúmí yuvéꞌí, ya̱ nito koo‑o.

Marcos 3:23

Jee nkana Jesús rá ñɨvɨ, jee nna̱kani re̱ꞌ ɨɨn tu̱ꞌun, ya̱ kúnkunuún, nu̱u̱nꞌ ráa: ―¿Na̱ja kúvi taníkɨ́nꞌ Satanás maá Satanás rúja?

Marcos 4:2

I̱ña̱jée nxi̱néꞌénꞌ víꞌí re̱ꞌ Tu̱ꞌun Ndiosíꞌ nu̱u̱nꞌ ráa jín rá tu̱ꞌun ya̱ kúnkunuún káꞌánꞌ. Sáá xínéꞌénꞌ re̱ꞌ, jee nkachiꞌ re̱ꞌ:

Lucas 15:13

’Jee nsú ki̱vɨ̱ꞌ kuéꞌéꞌ, jee se̱ꞌya yɨ́ɨ́ súchí re̱ꞌ vá nstútú‑u nɨꞌɨ ya̱ kúmí‑i jee nkene‑e kua̱ꞌa̱nꞌ íká‑a nu̱u̱nꞌ inka ka̱ꞌ ñuunꞌ íká. Jee yukuán ña̱xi̱nꞌ síkɨ́ sɨ̱ɨ̱ꞌ‑ɨ xu̱ꞌún‑u njia̱ꞌa nsa̱ꞌá‑a nu̱u̱nꞌ ya̱ sɨ́ɨ́ꞌ iniꞌ‑i.

Lucas 19:12

Saáva nkachiꞌ re̱ꞌ: ―Ɨɨn te̱e kúñáꞌnú kua̱ꞌa̱nꞌ íká re̱ꞌ inka ka̱ꞌ ñuunꞌ sáva natɨɨn re̱ꞌ tiñu kunisotíñú re̱ꞌ tatúníꞌ re̱ꞌ, jee kuíre nikó tuku re̱ꞌ.

Lucas 22:9

Jee ni̱ka̱tu̱ꞌún ráa re̱ꞌ: ―¿Né núꞌ kuíni nú ya̱ kɨ̱saꞌá stákoo rán maa? ―nkachiꞌ ráa.

Lucas 8:10

Jee nkachiꞌ re̱ꞌ nu̱u̱nꞌ ráa: ―Nu̱u̱nꞌ ránoꞌó chi ntaji Ndiosíꞌ ya̱ kukáꞌnú iniꞌ rán jie̱ꞌe̱ꞌ rá tu̱ꞌun nyɨse̱ꞌí jie̱ꞌe̱ꞌ na̱ja kívɨ ñɨvɨ naꞌá Ndiosíꞌ jee tátúníꞌ re̱ꞌ nu̱u̱nꞌ ráa. Soo nu̱u̱nꞌ rá inka ka̱ꞌ rá ñɨvɨ káꞌánꞌ ni̱ꞌ rá tu̱ꞌun ya̱ kúnkunuún káꞌánꞌ‑a, sáva súka̱ꞌ néꞌyá ráa [rá tiñu sáꞌá ni̱ꞌ] soo ntu néꞌyá ráa maa, jee súka̱ꞌ tésóꞌo ráa jee ni ntu̱ví jiáku̱ꞌun iniꞌ ráa maa.

Hechos 7:38

Yaꞌá ví Moisés ya̱ níñɨ re̱ꞌ jín rá ñɨvɨ Israel nku̱tútú nu̱u̱nꞌ ñu̱ꞌún saɨn. Jee ni̱ñɨ re̱ꞌ jín najiáꞌáꞌ ííꞌ Ndiosíꞌ, ya̱ nkaꞌanꞌ jín re̱ꞌ nu̱u̱nꞌ yuku naní Sinaí. Jee ni̱ñɨ re̱ꞌ jín rá jííꞌ‑ó yanaꞌán. Jee Moisés ví ya̱ nni̱ꞌi̱nꞌ re̱ꞌ rá tu̱ꞌun ya̱ sáꞌá ya̱ kutekuꞌ‑ó, sáva taji re̱ꞌ maa nu̱u̱nꞌ ránú.