Marcos 11:23 - Mixteco del suroeste de Tlaxiaco Oaxaca

²³ Máá nááꞌ vá káchíꞌ ni̱ꞌ, ya̱ néni ɨɨn ñɨvɨ ya̱ kachiꞌ nu̱u̱nꞌ yúkú yaꞌá: “Kuiyo jee sukuíkó maánú nu̱u̱nꞌ nteñúꞌún.” Retú ntu íyó tu̱ꞌun síjiáni iniꞌ ánímaꞌ ñɨvɨ vá, soo ínúꞌ iniꞌ‑i ya̱ kuvi ya̱ káchíꞌ‑i, jee sikúnkuvi Ndiosíꞌ maa.

Marcos 11:23 ပူးပေါင်းရင်းမြစ်များ

Mateo 14:13

Jee sáá nteso̱ꞌo Jesús ya̱ nkuvi sukuán jín Juan, jee nkene re̱ꞌ, ña̱ku̱ꞌun re̱ꞌ iniꞌ ɨɨn barkúꞌ, jee kua̱ꞌa̱nꞌ re̱ꞌ ɨɨn nu̱u̱nꞌ ñu̱ꞌún saɨn káá sɨ́ɨ́n nu̱u̱nꞌ ntu̱náꞌ ñɨvɨ nééꞌ sáva kuneeꞌ sɨ́ɨ́n métúꞌún re̱ꞌ. Soo sáá nteso̱ꞌo rá ñɨvɨ ya̱ kua̱ꞌa̱nꞌ re̱ꞌ iniꞌ barkúꞌ, jee nkene ráa nu̱u̱nꞌ rá ñuunꞌ nééꞌ ráa, jee jíka jiéꞌé ráa kua̱ꞌa̱nꞌ ráa níkɨ́nꞌ ráa re̱ꞌ.

Mateo 17:20

Jee nkachiꞌ Jesús nu̱u̱nꞌ ráa: ―Ntu nkúvi tavaꞌ rán maa jie̱ꞌe̱ꞌ matíꞌínꞌ kúneí iniꞌ rán Ndiosíꞌ. Chi máá naáꞌ vá káchíꞌ ni̱ꞌ nu̱u̱nꞌ rán, ya̱ retánꞌ kúneí iniꞌ rán Ndiosíꞌ, sú máá lúlí nijia kua̱ꞌ kuéntáꞌ íyó ɨɨn nikɨn lúlí yutun kúlíꞌ, yukuán jee kachiꞌ rán nu̱u̱nꞌ ɨɨn yuku yaꞌá: “Kuiyo nu̱u̱nꞌ íñɨ́ nú yaꞌá, jee kuáꞌán kuiñɨ nu̱u̱nꞌ yukuán”, jee kuiyo‑o, jee ntu íyó ɨɨn tiñu víjí ya̱ nkúvi saꞌá rán.

Mateo 21:21

Jee nna̱xiníkó Jesús jee nkachiꞌ re̱ꞌ nu̱u̱nꞌ ráa: ―Máá nááꞌ vá káchíꞌ ni̱ꞌ nu̱u̱nꞌ rán, ya̱ retú kúneí iniꞌ rán Ndiosíꞌ, jee koto íyó tu̱nkáꞌvi iniꞌ ánímaꞌ rán, jee kuvi sáꞌá rán tiñu a̱nasɨ́ kua̱ꞌ nsa̱ꞌá ni̱ꞌ yaꞌá, jee nsú kua̱chi sukuán, chisaꞌ suni kuvi kachiꞌ rán nu̱u̱nꞌ yuku yaꞌá: “Kuiyo jee sukuíkó maánú nu̱u̱nꞌ nteñúꞌún”, jee kuvi nijia sukuán.

Lucas 17:6

Saájee nkachiꞌ I̱toꞌoꞌ‑ó nu̱u̱nꞌ ráa: ―Retánꞌ ínúꞌ iniꞌ rán kúneí iniꞌ rán sú maa lúlí nijia kuéntáꞌ kua̱ꞌ íyó ɨɨn nikɨn kúlíꞌ máá lúlí, jee kuvi kachiꞌ rán nu̱u̱nꞌ yutun yaꞌá: “Kuiyo nu̱u̱nꞌ íñɨ́ nú yaꞌá jee kuáꞌán nakuneeꞌ nú nu̱u̱nꞌ nteñúꞌún”, kachiꞌ rán, jee kaníjiá yutun vá ya̱ káchíꞌ rán.

Juan 14:13

Jee néni ɨɨn ya̱ ka̱ka̱nꞌ rán nu̱u̱nꞌ Tátáꞌ ni̱ꞌ nu̱u̱nꞌ súví nuꞌuꞌ jie̱ꞌe̱ꞌ yɨ́ꞌɨ́ rán nu̱u̱nꞌ ni̱ꞌ, jee saꞌá ni̱ꞌ maa, sáva stúvi ni̱ꞌ ya̱ máá kúñáꞌnú nasɨ́kuitɨꞌ kúvi Tátáꞌ ni̱ꞌ jie̱ꞌe̱ꞌ ya̱ sáꞌá ni̱ꞌ.

Juan 15:7

Retú íñɨ́ ni̱ꞌin rán kínóo kutú rán nu̱u̱nꞌ nuꞌuꞌ, jín retú ñúꞌún iniꞌ rán rá tu̱ꞌun ya̱ nkachiꞌ ni̱ꞌ nu̱u̱nꞌ rán, saájee kuvi ka̱ka̱nꞌ rán néni ɨɨn ya̱ kuíni rán, jee saꞌá ni̱ꞌ ya̱ kuvi ya̱ jíkánꞌ rán.

1 Corintios 13:2

Jee retánꞌ kúvi nakani ni̱ꞌ tu̱ꞌun kéne yuꞌú máá maá Ndiosíꞌ, jín retánꞌ jíníꞌ va̱ꞌa ni̱ꞌ ntáká rá tu̱ꞌun yɨ́yuꞌuꞌ re̱ꞌ, jín retánꞌ jíníꞌ ni̱ꞌ kua̱íyó ya̱ íyó, jee retánꞌ kúneí nasɨ́kuitɨꞌ nijia iniꞌ ni̱ꞌ Ndiosíꞌ ne̱ kuvi tatúníꞌ ni̱ꞌ nu̱u̱nꞌ ɨɨn yuku ya̱ kuiyo‑o nu̱u̱nꞌ íñɨ́‑ɨ jee kuiyo‑o, soo retú ntu̱ví ñúnúunꞌ ni̱ꞌ rá ñɨvɨ, saájee ntu̱náꞌ tiñu kuitɨꞌ ni̱ꞌ.