Marcos 11:22 - Mixteco del suroeste de Tlaxiaco Oaxaca

²² Jee nna̱xiníkó Jesús jee nkachiꞌ‑i nu̱u̱nꞌ ráa: ―Kuneí iniꞌ rán Ndiosíꞌ.

Marcos 11:22 ပူးပေါင်းရင်းမြစ်များ

Mateo 14:29

Saájee nkachiꞌ Jesús: ―Neꞌenꞌ rúja ―nkachiꞌ re̱ꞌ. Saájee nnuun Pedro iniꞌ barkúꞌ, nika jiéꞌé‑e nu̱u̱nꞌ nute, kua̱ꞌa̱nꞌ‑a nu̱u̱nꞌ Jesús.

Mateo 17:20

Jee nkachiꞌ Jesús nu̱u̱nꞌ ráa: ―Ntu nkúvi tavaꞌ rán maa jie̱ꞌe̱ꞌ matíꞌínꞌ kúneí iniꞌ rán Ndiosíꞌ. Chi máá naáꞌ vá káchíꞌ ni̱ꞌ nu̱u̱nꞌ rán, ya̱ retánꞌ kúneí iniꞌ rán Ndiosíꞌ, sú máá lúlí nijia kua̱ꞌ kuéntáꞌ íyó ɨɨn nikɨn lúlí yutun kúlíꞌ, yukuán jee kachiꞌ rán nu̱u̱nꞌ ɨɨn yuku yaꞌá: “Kuiyo nu̱u̱nꞌ íñɨ́ nú yaꞌá, jee kuáꞌán kuiñɨ nu̱u̱nꞌ yukuán”, jee kuiyo‑o, jee ntu íyó ɨɨn tiñu víjí ya̱ nkúvi saꞌá rán.

Mateo 21:21

Jee nna̱xiníkó Jesús jee nkachiꞌ re̱ꞌ nu̱u̱nꞌ ráa: ―Máá nááꞌ vá káchíꞌ ni̱ꞌ nu̱u̱nꞌ rán, ya̱ retú kúneí iniꞌ rán Ndiosíꞌ, jee koto íyó tu̱nkáꞌvi iniꞌ ánímaꞌ rán, jee kuvi sáꞌá rán tiñu a̱nasɨ́ kua̱ꞌ nsa̱ꞌá ni̱ꞌ yaꞌá, jee nsú kua̱chi sukuán, chisaꞌ suni kuvi kachiꞌ rán nu̱u̱nꞌ yuku yaꞌá: “Kuiyo jee sukuíkó maánú nu̱u̱nꞌ nteñúꞌún”, jee kuvi nijia sukuán.

Marcos 9:23

Jee Jesús nkachiꞌ nu̱u̱nꞌ re̱ꞌ: ―¡Né núꞌ vá nkúvi ví! Nɨꞌɨ ni nu̱u̱nꞌ vá kuvi saꞌá ni̱ꞌ ya̱ kuvi nu̱u̱nꞌ ɨɨn ñɨvɨ ya̱ kúneí iniꞌ ñɨvɨ vá nuꞌuꞌ.

Juan 14:1

Jee nkachiꞌ tuku ka̱ꞌ Jesús: ―Koto nániꞌvɨꞌ iniꞌ ánímaꞌ rán, chisaꞌ ya̱ ya kúneí iniꞌ rán Ndiosíꞌ jee suni íyó kuneí iniꞌ rán nuꞌuꞌ.

Colosenses 2:12

Jee ya ña̱nuté rán kúvi kuéntáꞌ ni̱ꞌi̱ꞌ rán jee nyɨse̱ꞌí rán jín Cristo, sáá ni̱ꞌi̱ꞌ re̱ꞌ jee nyɨꞌɨ se̱ꞌí re̱ꞌ. Jee sukuán jee suni kuéntáꞌ nxi̱nátekuꞌ i̱i̱ꞌ Ndiosíꞌ ránoꞌó jín Cristo, jie̱ꞌe̱ꞌ kúneí iniꞌ rán fuersáꞌ ííꞌ ni̱ꞌin níso Ndiosíꞌ. Fuersáꞌ ííꞌ vá ví ya̱ ña̱tíñú re̱ꞌ sáva nxi̱nátekuꞌ i̱i̱ꞌ re̱ꞌ Cristo jee nxi̱nákóo re̱ꞌ maa jín yɨkɨkúñu‑u nteñu rá níꞌiꞌ.

Tito 1:1

Maáníꞌ, Pablo, ya̱ kúvi ni̱ꞌ musúꞌ ya̱ jiátíñú Ndiosíꞌ. Jee suni níso ni̱ꞌ tiñu apóstol, ya̱ nchu̱ichí Jesucristo nuꞌuꞌ, sáva ku̱ꞌva ni̱ꞌ tu̱ꞌun re̱ꞌ nu̱u̱nꞌ rá ñɨvɨ, sáva rá ñɨvɨ ya̱ nka̱ji Ndiosíꞌ ráa kuneí iniꞌ ráa maa, jee sáva kuniꞌ noo ráa tu̱ꞌun na̱a̱ꞌ, jee sáva kunikɨnꞌ ráa ichi na̱a̱ꞌ nu̱u̱nꞌ Ndiosíꞌ sáni kuíni re̱ꞌ,