Marcos 1:5 - Mixteco del suroeste de Tlaxiaco Oaxaca

⁵ Rá ñɨvɨ kuatɨ́ɨn Judea jín nɨꞌɨ ñɨvɨ ñuunꞌ káꞌnú Jerusalén kéne ráa jiáꞌánꞌ ráa teso̱ꞌo ráa tu̱ꞌun xínéꞌénꞌ re̱ꞌ. Jee sáá náꞌmáꞌ ráa kua̱chi ráa nu̱u̱nꞌ Ndiosíꞌ, jee síkuánuté Juan ráa nu̱u̱nꞌ nute káꞌnú Jordán.

Marcos 1:5 ပူးပေါင်းရင်းမြစ်များ

Mateo 4:25

Jee níkɨ́nꞌ kue̱ꞌe̱ꞌ víꞌí rá ñɨvɨ kútáꞌán ráa jín Jesús. Jee maáráa ví rá ñɨvɨ rá ñuunꞌ Galilea jín rá ñuunꞌ Decápolis jín ñuunꞌ Jerusalén jín rá inka ñuunꞌ Judea jín rá ñuunꞌ ya̱ káá íyo ka̱ꞌ ichi ntekáꞌnú Jordán.

Marcos 1:4

Nkuvi sáni ya̱ ntee Isaías, chi nkenta Juan nu̱u̱nꞌ ñu̱ꞌún sáɨn jee síkuánuté re̱ꞌ rá ñɨvɨ. Jee stékútu̱ꞌún re̱ꞌ nu̱u̱nꞌ rá ñɨvɨ ya̱ sikuánuté re̱ꞌ ráa ré nakani iniꞌ ráa jie̱ꞌe̱ꞌ kua̱chi ráa jee kunikɨnꞌ ráa Ndiosíꞌ, sáva kunekáꞌnú iniꞌ Ndiosíꞌ jie̱ꞌe̱ꞌ kua̱chi ráa.

Marcos 1:6

Jee ñúꞌún re̱ꞌ saꞌma láꞌví ya̱ kúvi ixi kameyúꞌ jín ɨɨn manchíjí ñɨɨn yɨ́ꞌɨ́ chi̱ji‑i. Jee nyajiꞌ‑i lito̱o̱ꞌ jín nu̱xi ñu̱ñu̱ꞌ yúkú.

Juan 1:28

Jee nɨꞌɨ rá yukuán nkuvi nu̱u̱nꞌ ñuunꞌ Betania, ya̱ káá íyo ka̱ꞌ ichi yúntekáꞌnú Jordán, nu̱u̱nꞌ síkuánuté Juan rá ñɨvɨ.

Juan 3:23

Jee suni síkuánuté Juan rá ñɨvɨ nu̱u̱nꞌ ñuunꞌ Enón, ya̱ káá yatin ñuunꞌ Salim, chi íyó kue̱ꞌe̱ꞌ víꞌí nute yukuán, jee jiáꞌánꞌ rá ñɨvɨ yukuán jiánuté ráa.

Juan 5:35

Juan jee nkuvi re̱ꞌ kuéntáꞌ ɨɨn kantil ya̱ ntɨɨn ñuꞌunꞌ jee nstu̱únꞌ‑u, chi njia̱ꞌa re̱ꞌ ya̱ naáꞌ jie̱ꞌe̱ꞌ Tu̱ꞌun Ndiosíꞌ. Jee ránoꞌó chi nku̱sɨ̱ɨ̱ꞌ iniꞌ rán nsa̱ꞌá ñuꞌunꞌ vá yakuꞌ tiempúꞌ.

Hechos 19:18

Jee kue̱ꞌe̱ꞌ ráa kúneí iniꞌ ráa Jesús nkenta néne yuꞌú ráa kua̱chi ráa.

Hechos 2:38

Jee nna̱xiníkó Pedro nu̱u̱nꞌ ráa: ―Nakani iniꞌ rán kua̱chi rán, jee kuanuté rán, sáva stúvi rán ya̱ ya nki̱vɨ rán nu̱u̱nꞌ Jesús ya̱ kúvi Cristo, sáva kunekáꞌnú iniꞌ Ndiosíꞌ kua̱chi rán, jee kutaꞌviꞌ rán Ta̱chi̱ꞌ Ííꞌ re̱ꞌ.

Santiago 5:16

Saáva íyó nanaꞌmaꞌ ɨɨn inka rán jie̱ꞌe̱ꞌ kua̱chi rán, jee íyó ka̱ka̱nꞌ táꞌvíꞌ rán jie̱ꞌe̱ꞌ ɨɨn inka rán, sáva nuvi rán. Máá ñáꞌnú nasɨ́kuitɨꞌ ví ya̱ jíkánꞌ táꞌvíꞌ ñɨvɨ na̱a̱ꞌ jee sáꞌá Ndiosíꞌ tiñu jie̱ꞌe̱ꞌ ya̱ jíkánꞌ táꞌvíꞌ.