Marcos 1:41 - Mixteco del suroeste de Tlaxiaco Oaxaca

⁴¹ Jee nku̱náꞌví iniꞌ Jesús maa, jee nsi̱kááꞌ re̱ꞌ naꞌá re̱ꞌ ntee re̱ꞌ maa te̱e vá, jee nkachiꞌ re̱ꞌ nu̱u̱nꞌ‑u: ―Kuíni ni̱ꞌ. Nunoo nú nuvi nú.

Marcos 1:41 ပူးပေါင်းရင်းမြစ်များ

Génesis 1:3

Jee nkachiꞌ Ndiosíꞌ: “¡Kiko̱o ñuꞌunꞌ!” Jee ña̱ko̱o ñuꞌunꞌ.

Mateo 9:36

Jee néꞌyá re̱ꞌ nu̱u̱nꞌ rá ñɨvɨ, jee kúnáꞌví iniꞌ re̱ꞌ ráa, chi núkuíꞌyáꞌ iniꞌ ráa ya̱ nóꞌo ráa jín nuun iniꞌ ráa chi kúvi ráa kuéntáꞌ rá lanchi ntu i̱toꞌoꞌ kuneen kuéntáꞌ‑á rátíꞌ, [jee jiéténuun rátíꞌ].

Marcos 1:40

Jee ɨɨn te̱e nóꞌo lepra, ya̱ téꞌyúꞌ ñɨɨn, nku̱yatin‑i nu̱u̱nꞌ Jesús, jee ña̱kui̱ñɨ̱ꞌ ítɨ́‑ɨ jee nkachiꞌ‑i nu̱u̱nꞌ re̱ꞌ: ―Retú kuíni nú, kuvi nasaꞌá noo nú xinúvi nú nuꞌuꞌ nu̱u̱nꞌ kue̱ꞌi̱ꞌ ni̱ꞌ.

Marcos 1:42

Jee kuísá nkuiyo kue̱ꞌi̱ꞌ lepra vá jee nnu̱noo re̱ꞌ nu̱u̱nꞌ kue̱ꞌi̱ꞌ vá.

Marcos 4:39

Nnoto re̱ꞌ jee nku̱xeenꞌ re̱ꞌ nu̱u̱nꞌ ta̱chi̱ꞌ níꞌin jee nkachiꞌ re̱ꞌ nu̱u̱nꞌ nteñúꞌún: ―¡Nu̱ma̱ꞌ! ¡Níín! Nku̱niꞌín ta̱chi̱ꞌ jee ña̱kui̱ñɨ̱ꞌ nteñúꞌún.

Marcos 5:41

Jee ntɨɨn re̱ꞌ naꞌá ñalúlí jee nkachiꞌ‑i nu̱u̱nꞌ ña: ―Talita kumi. (Tu̱ꞌun yaꞌá kuíni káchíꞌ: Ñalúlí, nu̱u̱nꞌ nú káchíꞌ ni̱ꞌ: Nako̱o.)

Marcos 6:34

Sáá va̱kene Jesús iniꞌ barkúꞌ, niniꞌ‑i kue̱ꞌe̱ꞌ ñɨvɨ jee nku̱náꞌví iniꞌ re̱ꞌ ráa, chi kúvi ráa kuéntáꞌ lanchi, ntu i̱toꞌoꞌ kuneen kuéntáꞌ‑á rátíꞌ. Jee nka̱jiéꞌé re̱ꞌ nxi̱néꞌénꞌ re̱ꞌ ráa kue̱ꞌe̱ꞌ tu̱ꞌun.

Hebreos 1:3

Jee ne̱ tu̱u̱nꞌ maá Se̱ꞌya re̱ꞌ viiꞌ kúñáꞌnú‑u mákua kúñáꞌnú re̱ꞌ, chi nuún náku‑u iniꞌ re̱ꞌ, chi ɨɨn ni kuvi ni núvíꞌ ráa. Jee tu̱ꞌun káꞌánꞌ Se̱ꞌya re̱ꞌ níso fuersáꞌ ííꞌ jee jín tu̱ꞌun tátúníꞌ Se̱ꞌya re̱ꞌ íyó kutú nɨꞌɨ ya̱ íyó. Jee sáá nkuvi nna̱sánoo‑o yó nu̱u̱nꞌ kua̱chi‑ó jie̱ꞌe̱ꞌ ya̱ nsa̱ꞌá‑a, jee nna̱kuneeꞌ‑e ichi kuáꞌá nu̱u̱nꞌ nééꞌ re̱ꞌ kúñáꞌnú re̱ꞌ tátúníꞌ re̱ꞌ ne̱ antivɨ́ súkún.

Hebreos 2:17

Jee saáva niniñúꞌún re̱ꞌ nkenta nkuvi re̱ꞌ kuéntáꞌ mákua íyó kuitɨꞌ rá ñaniꞌ re̱ꞌ, sáva nkenta nkuvi re̱ꞌ ɨɨn su̱tu̱ꞌ kúñáꞌnú nasɨ́kuitɨꞌ, ya̱ náꞌví iniꞌ re̱ꞌ néꞌyá re̱ꞌ ráa, jee síkúnkuvi na̱a̱ꞌ re̱ꞌ tiñu Ndiosíꞌ, sáva nso̱ko̱ꞌ re̱ꞌ maáréꞌ sáva siíyo re̱ꞌ kua̱chi rá ñɨvɨ.

Hebreos 4:15

Chi maá su̱tu̱ꞌ kúñáꞌnú ya̱ íyó jín‑ó, jee ntu kúvi re̱ꞌ ɨɨn su̱tu̱ꞌ ya̱ ntu kúvi kunáꞌví iniꞌ re̱ꞌ kune̱ꞌyá re̱ꞌ yó jie̱ꞌe̱ꞌ ya̱ táyáꞌ iniꞌ‑ó, chi suni ne̱ maáréꞌ ni̱yo tu̱ꞌun xíníyo iniꞌ jín re̱ꞌ ntáká nu̱u̱nꞌ kuéntáꞌ kua̱ꞌ maáó ranika̱ꞌ. Soo ni ɨɨn kua̱chi ntu nsa̱ꞌá re̱ꞌ.