Marcos 1:24 - Mixteco del suroeste de Tlaxiaco Oaxaca

²⁴ ―¿Na̱chi kíní nú maánú nteñu ránꞌ, Jesús ñuunꞌ Nazaret! ¿Á va̱ji nú xináánꞌ nú ránuꞌuꞌ? Jíníꞌ va̱ꞌa ni̱ꞌ né ɨɨn kúvi nú. Noꞌó vá i̱i̱ꞌ ya̱ váji nu̱u̱nꞌ Ndiosíꞌ ―nkachiꞌ ta̱chi̱ꞌ néꞌí.

Marcos 1:24 ပူးပေါင်းရင်းမြစ်များ

Mateo 8:29

Jee nka̱najíín ráa nsa̱ꞌá ta̱chi̱ꞌ néꞌí kákini yɨ́ꞌɨ́ iniꞌ ráa, jee nkachiꞌ ráa: ―¿Na̱kui chi kíní nú maánú nteñu ráníꞌ, Jesús, Se̱ꞌya Ndiosíꞌ? ¿Á váji nú yaꞌá sáva xinóꞌo nú ránuꞌuꞌ ne̱ ntiáꞌan ka̱ꞌ kenta tiempúꞌ ji̱nu rúja? ―nkachiꞌ ráa.

Santiago 2:19

¿Á jínúꞌ iniꞌ nú ya̱ íyó métúꞌún ni Ndiosíꞌ? Va̱tu̱ni sáꞌá nú. Soo suni ne̱ rá ta̱chi̱ꞌ kíni jínúꞌ iniꞌ maa, jee ne̱ nɨ́ꞌɨn ráa ya̱ yúꞌví ráa.

Lucas 4:34

―¿Na̱chi kíní nú maánú nteñu ránꞌ, Jesús ñuunꞌ Nazaret! ¿Á va̱ji nú xináánꞌ nú ránuꞌuꞌ! ¡Jíníꞌ va̱ꞌa ni̱ꞌ né ɨɨn kúvi nú! ¡Noꞌó vá ííꞌ ya̱ váji nu̱u̱nꞌ Ndiosíꞌ! ―nkachiꞌ ta̱chi̱ꞌ kákini vá.

Hechos 3:14

Soo nku̱ichi iniꞌ rán Jesús ya̱ kúvi re̱ꞌ ya̱ ííꞌ nu̱u̱nꞌ Ndiosíꞌ jín ya̱ na̱a̱ꞌ kúvi re̱ꞌ nu̱u̱nꞌ Ndiosíꞌ. Jee ni̱ka̱nꞌ rán ya̱ siaáꞌ Pilato ɨɨn te̱e, ya̱ jiáꞌníꞌ ñɨvɨ, nsú káꞌ siaáꞌ re̱ꞌ Jesús.

Apoclipsis 3:7

’Jee tee nú nu̱u̱nꞌ tutuꞌ kɨ̱ꞌɨ̱nꞌ nu̱u̱nꞌ ya̱ kúñáꞌnú nu̱u̱nꞌ grupo rá ñɨvɨ ya̱ jínúꞌ iniꞌ ráa nuꞌuꞌ, jee suviráa ví ya̱ nééꞌ ráa nu̱u̱nꞌ ñuunꞌ Filadelfia: “Nuꞌuꞌ vá i̱i̱ꞌ ni̱ꞌ jín nuꞌuꞌ vá na̱a̱ꞌ ni̱ꞌ. Ínaꞌá ni̱ꞌ nakáa David, ya̱ nísotíñú ni̱ꞌ kuéntáꞌ kua̱ꞌ nta̱túníꞌ re̱ꞌ nu̱u̱nꞌ nación Israel yanaꞌán. Saáva nuꞌuꞌ ví ya̱ jíne ni̱ꞌ nu̱u̱nꞌ ki̱vɨ rá ñɨvɨ nu̱u̱nꞌ tátúníꞌ ni̱ꞌ, jee ni ɨɨn ntu kuvi nakasɨꞌ maa. Jee nuꞌuꞌ nakasɨꞌ maa, jee ni ɨɨn ntu kúvi nakune maa. Suꞌva káchíꞌ nuꞌuꞌ:

Hechos 2:27

chi nsáꞌ xinóo nú ta̱chi̱ꞌ káꞌánꞌ ni̱ꞌ nu̱u̱nꞌ íyó rá níꞌiꞌ. Suni nsáꞌ ku̱ꞌva nú te̱ꞌyu̱ꞌ yɨkɨkúñu ni̱ꞌ, ya̱ ííꞌ kúvi ni̱ꞌ nu̱u̱nꞌ nú.

Lucas 8:28

Jee sáá niniꞌ‑i Jesús, jee nka̱najíín‑i jee ña̱kui̱ñɨ̱ꞌ ítɨ́‑ɨ ña̱xin‑i maáa jie̱ꞌe̱ꞌ Jesús, jee kua̱neí‑i nka̱najíín‑i: ―¿Na̱kui chi kíní nú maánú jín nuꞌuꞌ, Jesús, Se̱ꞌya Ndiosíꞌ máá kúñáꞌnú nasɨ́kuitɨꞌ nu̱u̱nꞌ kua̱íyó? Jíkánꞌ táꞌvíꞌ ni̱ꞌ nu̱u̱nꞌ noꞌó ya̱ koto xínóꞌo nú nuꞌuꞌ ―nkachiꞌ‑i.

Marcos 5:7

Jee ni̱ꞌin xá nka̱najíín re̱ꞌ nsa̱ꞌá ta̱chi̱ꞌ néꞌí kákini, jee nkachiꞌ‑i: ―¿Na̱kui chi kíní nú maánú nteñu ráníꞌ, Jesús, Se̱ꞌya Ndiosíꞌ, máá kúñáꞌnú nasɨ́kuitɨꞌ nu̱u̱nꞌ kua̱íyó? Jíkánꞌ táꞌvíꞌ ni̱ꞌ nu̱u̱nꞌ noꞌó ichinúúnꞌ Ndiosíꞌ, ya̱ koto xínóꞌo nú nuꞌuꞌ.

Juan 6:69

Jee ránuꞌuꞌ chi ya̱ ínúꞌ iniꞌ ránꞌ jee ya jíníꞌ ránꞌ ya̱ noꞌó vá ííꞌ ya̱ va̱ji ne̱ nu̱u̱nꞌ Ndiosíꞌ ―nkachiꞌ Pedro.

Lucas 1:35

Jee nna̱xiníkó najiáꞌáꞌ ííꞌ vá nu̱u̱nꞌ ña: ―Ta̱chi̱ꞌ Ííꞌ kiji‑i nu̱u̱nꞌ noꞌó, jee kiji fuersáꞌ níꞌin níso maá Ndiosíꞌ máá ñáꞌnú ka̱ꞌ nu̱u̱nꞌ nɨꞌɨ jee kenta‑a kikasɨꞌ kátɨ́‑ɨ noꞌó jee saꞌá‑a tiñu a̱nasɨ́ jín noꞌó. Jee saáva te̱e lúlí i̱i̱ꞌ ya̱ kaku vá kuna̱ní‑i Se̱ꞌya Ndiosíꞌ.

Hechos 24:5

’Jíníꞌ ránꞌ ya̱ xéénꞌ víꞌí sáꞌá te̱e yaꞌá. Chi sáꞌá re̱ꞌ ti̱xi̱nꞌ nteñu rá ñɨvɨ Israel, ya̱ nééꞌ nɨꞌɨ ñɨ̱vɨ́. Kúvi re̱ꞌ ɨɨn rá te̱e yósóꞌ nu̱u̱nꞌ rá ñɨvɨ níkɨ́nꞌ ichi túꞌún Jesús te̱e ñuunꞌ Nazaret.

Hechos 4:27

’Jee sukuán nkuvi nijia, chi nku̱tútú Herodes, jín Poncio Pilato, jín rá ñɨvɨ ntu kúvi Israel, jín rá ñɨvɨ kúvi Israel, ñuunꞌ yaꞌá. Jee nkenta ráa si̱kɨ̱ꞌ Se̱ꞌya ííꞌ nú, Jesús, ya̱ ñani nú sáva tatúníꞌ re̱ꞌ nu̱u̱nꞌ ñɨ̱vɨ́.

Lucas 24:19

Saájee nkachiꞌ Jesús nu̱u̱nꞌ ráa: ―¿Na̱kuá nkuvi résa? ―nkachiꞌ re̱ꞌ. Jee nkachiꞌ ráa nu̱u̱nꞌ re̱ꞌ: ―Jie̱ꞌe̱ꞌ ya̱ nkuvi jín Jesús, te̱e ñuunꞌ Nazaret, ya̱ nkuvi re̱ꞌ ɨɨn te̱e ya̱ nna̱kani tu̱ꞌun nkene yuꞌú Ndiosíꞌ jee nniso re̱ꞌ fuersáꞌ ííꞌ Ndiosíꞌ ya̱ nsa̱ꞌá re̱ꞌ rá máá tiñu a̱nasɨ́ nasɨ́kuitɨꞌ jín ya̱ nna̱kani re̱ꞌ máá Tu̱ꞌun Ndiosíꞌ, jee jíníꞌ Ndiosíꞌ jín nɨꞌɨ rá ñɨvɨ maa.

Mateo 2:23

Jee sáá nkenta re̱ꞌ yukuán, jee kua̱ꞌa̱nꞌ re̱ꞌ kuneeꞌ re̱ꞌ ɨɨn ñuunꞌ naní Nazaret. Sukuán nsi̱kúnkuvi rá tu̱ꞌun nkachiꞌ rá te̱e ya̱ nna̱kani ráa tu̱ꞌun nkene yuꞌú máá maá Ndiosíꞌ ne̱ yanaꞌán, ya̱ kuna̱ní Jesús te̱e ñuunꞌ Nazaret.

Lucas 8:37

Saájee ntáká rá ñɨvɨ kue̱ꞌe̱ꞌ rá ñuunꞌ yɨ́ꞌɨ́ xi̱ntíín ñuunꞌ Gadara, ni̱ka̱nꞌ táꞌvíꞌ ráa nu̱u̱nꞌ Jesús ya̱ kɨ̱ꞌɨ̱nꞌ iyo re̱ꞌ yukuán, chi yúꞌví víꞌí ráa. Saájee nna̱ku̱ꞌun re̱ꞌ iniꞌ barkúꞌ sáva nikó re̱ꞌ nu̱u̱nꞌ váji re̱ꞌ.

Marcos 1:23

Jee ntañúꞌún kuitɨꞌ ni̱yo ɨɨn te̱e ya̱ yɨ́ꞌɨ́ ta̱chi̱ꞌ kákini maa iniꞌ veꞌi sinagoga ráa nu̱u̱nꞌ kútútú rá ñɨvɨ Israel. Jee nka̱najíín‑i nsa̱ꞌá ta̱chi̱ꞌ néꞌí, jee nkachiꞌ‑i:

Marcos 1:25

Jee nku̱xeenꞌ Jesús nu̱u̱nꞌ ta̱chi̱ꞌ néꞌí vá, jee nkachiꞌ‑i: ―¡Kasɨꞌ yuꞌú nú jee kene nú re̱ꞌ! ―nkachiꞌ Jesús.

Marcos 10:47

Sáá nteso̱ꞌo re̱ꞌ ya̱ váji Jesús, te̱e ñuunꞌ Nazaret, jee nka̱jiéꞌé re̱ꞌ kánajíín re̱ꞌ jee nkachiꞌ re̱ꞌ: ―¡Jesús, Se̱ꞌya ichiyúkúnꞌ David! ¡Kunáꞌví iniꞌ nú kune̱ꞌyá nú nuꞌuꞌ!

Marcos 14:67

Jee sáá niniꞌ ña ya̱ núvixinꞌ Pedro yunúꞌúnꞌ, jee nna̱kune̱ꞌyá va̱ꞌa ña nu̱u̱nꞌ re̱ꞌ, jee nkachiꞌ ña nu̱u̱nꞌ re̱ꞌ: ―Jee suni noꞌó ranika̱ꞌ kútáꞌán nú jín Jesús, te̱e ñuunꞌ Nazaret.

Marcos 16:6

Soo nkachiꞌ re̱ꞌ nu̱u̱nꞌ ráa: ―Koto yúꞌví rán. Jesús te̱e ñuunꞌ Nazaret ya̱ nánukú rán, ya̱ níꞌiꞌ nu̱u̱nꞌ kurúsiꞌ, ya nna̱tekuꞌ i̱i̱ꞌ re̱ꞌ, ya nxi̱nákóo Ndiosíꞌ re̱ꞌ nkene re̱ꞌ nteñu rá ni̱yɨ. Ntu̱ví re̱ꞌ ka̱ꞌ yaꞌá. Kune̱ꞌyá rán nu̱u̱nꞌ ñakɨnꞌ ráa re̱ꞌ.

1 Juan 2:20

Soo ránoꞌó chi nni̱ꞌi̱nꞌ rán Ta̱chi̱ꞌ Ííꞌ Ndiosíꞌ yɨ́ꞌɨ́‑ɨ iniꞌ rán, ya̱ táji Cristo ya̱ ííꞌ kúvi re̱ꞌ, jee saáva jíníꞌ nta̱ká rán ya̱ naáꞌ.