Marcos 1:21 - Mixteco del suroeste de Tlaxiaco Oaxaca

²¹ Jee nki̱vɨ ráa jín re̱ꞌ ñuunꞌ Capernaum. Jee sátuꞌ ya̱ kúvi ki̱vɨ̱ꞌ nájiáví rá ñɨvɨ Israel, nki̱vɨ ráa veꞌi sinagoga nu̱u̱nꞌ kútútú rá ñɨvɨ Israel jee nxi̱néꞌénꞌ re̱ꞌ Tu̱ꞌun Ndiosíꞌ.

Marcos 1:21 ပူးပေါင်းရင်းမြစ်များ

Mateo 4:13

Jee nxi̱nóo re̱ꞌ ñuunꞌ Nazaret jee kua̱ꞌa̱nꞌ re̱ꞌ kuneeꞌ re̱ꞌ ñuunꞌ Capernaum, ya̱ káá yúnteñúꞌún, nu̱u̱nꞌ káá ñuꞌun rá ñɨvɨ ya̱ kúvi ráa rá se̱ꞌya ichiyúkúnꞌ nkene ráa nu̱u̱nꞌ Zabulón jín Neftalí.

Mateo 4:23

Jee jíkónúun Jesús kua̱íyó rá ñuunꞌ sánitɨ́ɨn Galilea, xínéꞌénꞌ re̱ꞌ Tu̱ꞌun Ndiosíꞌ iniꞌ rá veꞌi sinagoga nu̱u̱nꞌ kútútú rá ñɨvɨ Israel yukuán, jee stékútu̱ꞌún re̱ꞌ tu̱ꞌun váꞌa jie̱ꞌe̱ꞌ ya̱ kuvi ki̱vɨ ñɨvɨ naꞌá Ndiosíꞌ nu̱u̱nꞌ tátúníꞌ‑i, jee xínúvi re̱ꞌ ntáká rá ñɨvɨ kúꞌvíꞌ jín ntáká rá ñɨvɨ ya̱ táyáꞌ ñunéꞌyúꞌ ráa.

Marcos 1:20

Jee kuíntañúꞌún nkana Jesús ráa kunikɨnꞌ ráa re̱ꞌ. Jee nxi̱nóo ráa tátáꞌ ráa Zebedeo iniꞌ barkúꞌ jín rá musúꞌ ráa, jee nchi̱nikɨnꞌ ráa Jesús.

Marcos 1:29

Jee kuíre nkene Jesús iniꞌ veꞌi sinagoga jín Jacobo jín Juan. Jee kua̱ꞌa̱nꞌ ráa ne̱ veꞌi Simón jín Andrés.

Marcos 1:33

Jee nɨꞌɨ rá ñɨvɨ ñuunꞌ vá nku̱tútú ráa yuvéꞌí.

Marcos 1:39

Jee ni̱kóté Jesús nu̱u̱nꞌ nɨꞌɨ kuatɨ́ɨn Galilea, jee stékútu̱ꞌún re̱ꞌ iniꞌ nɨꞌɨ rá veꞌi sinagoga yukuán nu̱u̱nꞌ kútútú rá ñɨvɨ Israel súkuáꞌa ráa Tu̱ꞌun Ndiosíꞌ, jee nta̱jí íká re̱ꞌ rá ta̱chi̱ꞌ néꞌí yɨ́ꞌɨ́ ráa ñɨvɨ.

Marcos 10:1

Nkene Jesús yukuán, jee kua̱ꞌa̱nꞌ‑a nu̱u̱nꞌ rá ñuunꞌ tɨ́ɨn Judea jín rá ñuunꞌ káá íyó ka̱ꞌ nute káꞌnú Jordán. Jee nku̱tútú tuku rá ñɨvɨ kue̱ꞌe̱ꞌ nu̱u̱nꞌ re̱ꞌ. Jee xínéꞌénꞌ tuku re̱ꞌ ráa, sánikua̱ꞌ sáꞌá re̱ꞌ.

Marcos 2:1

Sáá njia̱ꞌa yakuꞌ ki̱vɨ̱ꞌ, Jesús nki̱vɨ tuku ñuunꞌ Capernaum. Jee nteso̱ꞌo ráa ya̱ nééꞌ re̱ꞌ veꞌi.

Marcos 3:1

Nki̱vɨ tuku Jesús ɨɨn veꞌi sinagoga nu̱u̱nꞌ kútútú rá ñɨvɨ Israel, jee yukuán yɨ́ꞌɨ́ ɨɨn te̱e níchí naꞌá ya̱ ntu kúvi kantaꞌ vá.

Marcos 6:2

Sáá nkenta ki̱vɨ̱ꞌ nájiáví, nka̱jiéꞌé re̱ꞌ xínéꞌénꞌ re̱ꞌ Tu̱ꞌun Ndiosíꞌ iniꞌ veꞌi sinagoga nu̱u̱nꞌ kútútú rá ñɨvɨ Israel. Jee kue̱ꞌe̱ꞌ ñɨvɨ ya̱ íñɨ́ tésóꞌo ráa ya̱ káchíꞌ Jesús, jee tívɨ́ xíniꞌ ráa. Jee jíkátu̱ꞌún táꞌán ráa: ―¿Né núꞌ nni̱ꞌi̱nꞌ te̱e yaꞌá rá tu̱ꞌun yaꞌá váji xi̱ni̱ꞌ re̱ꞌ? ¿Na̱ tu̱ꞌun níchí ka̱ꞌ nku̱tu̱ꞌva víꞌí re̱ꞌ jín rá a̱nasɨ́ sáꞌá re̱ꞌ?

Lucas 10:15

Jee ránoꞌó ñɨvɨ ñuunꞌ Capernaum, ¿á kúñáꞌnú nasɨ́kuitɨꞌ rán ka̱ꞌ ne̱ kusúkún rán kua̱nkaa rán ne̱ súkún rúja? Soo ntu̱ví, chisaꞌ kɨ̱núún nú ne̱ nu̱u̱nꞌ nútútú ánímaꞌ rá ni̱yɨ ―nkachiꞌ Jesús.

Lucas 13:10

Ɨɨn sátuꞌ ya̱ kúvi ki̱vɨ̱ꞌ nájiáví, xínéꞌénꞌ Jesús Tu̱ꞌun Ndiosíꞌ iniꞌ ɨɨn veꞌi sinagoga nu̱u̱nꞌ súkuáꞌa rá ñɨvɨ Israel Tu̱ꞌun Ndiosíꞌ.

Lucas 4:16

Saájee kua̱noꞌonꞌ re̱ꞌ ñuunꞌ Nazaret, nu̱u̱nꞌ ñaꞌnu re̱ꞌ, jee sátuꞌ ki̱vɨ̱ꞌ nájiáví nki̱vɨ re̱ꞌ iniꞌ veꞌi sinagoga nu̱u̱nꞌ kútútú rá ñɨvɨ Israel, sánikua̱ꞌ ñujiínꞌ níkɨ́nꞌ re̱ꞌ sáꞌá re̱ꞌ. Jee nna̱kuiñɨꞌ re̱ꞌ sáva kaꞌvi re̱ꞌ Tutuꞌ níso Tu̱ꞌun Ndiosíꞌ.

Lucas 4:23

Saájee nkachiꞌ re̱ꞌ nu̱u̱nꞌ ráa: ―Jíníꞌ ni̱ꞌ ya̱ jín tu̱ꞌun suꞌva kachiꞌ rán kune̱ꞌyá rán nuꞌuꞌ: “Te̱e tátán, xinúvi nú maánú.” Jee, “ntáká rá tiñu ya̱ nteso̱ꞌo ránꞌ ya̱ nsa̱ꞌá nú nu̱u̱nꞌ ñuunꞌ Capernaum suni saꞌá nú maa yaꞌá nu̱u̱nꞌ ñuunꞌ nú” ―nkachiꞌ re̱ꞌ.

Hechos 17:2

Sáni nka̱an Pablo, ña̱ꞌa̱nꞌ re̱ꞌ yukuán. Jee u̱ni̱ꞌ sátuꞌ ki̱vɨ̱ꞌ nájiáví ráa, jee nkua̱yuꞌú re̱ꞌ jín ráa sáni káchíꞌ nu̱u̱nꞌ Tutuꞌ níso Tu̱ꞌun Ndiosíꞌ.

Hechos 18:4

Jee ta ki̱vɨ̱ꞌ nájiáví, jiáꞌánꞌ‑a nkua̱yuꞌú‑u iniꞌ veꞌi sinagoga nu̱u̱nꞌ kútútú rá ñɨvɨ Israel. Nnu̱nasɨ́‑ɨ nsi̱ínúꞌ‑u iniꞌ rá ñɨvɨ Israel jín suni rá ñɨvɨ griego sáva tɨɨn ráa tu̱ꞌun Jesús.