Marcos 1:14 - Mixteco del suroeste de Tlaxiaco Oaxaca

¹⁴ Sáá ntɨɨn ráa Juan nchiꞌi ráa maa veka̱a, jee ña̱ꞌa̱nꞌ Jesús Galilea stékútu̱ꞌún re̱ꞌ tu̱ꞌun váꞌa Ndiosíꞌ, [jie̱ꞌe̱ꞌ na̱ja tátúníꞌ Ndiosíꞌ],

Marcos 1:14 ပူးပေါင်းရင်းမြစ်များ

Mateo 11:2

Jee te̱e síkuánuté naní Juan yɨ́ꞌɨ́ re̱ꞌ iniꞌ veka̱a, jee nteso̱ꞌo re̱ꞌ jie̱ꞌe̱ꞌ rá tiñu ya̱ sáꞌá Cristo. Saájee nchu̱ichí‑i sava rá te̱e ya̱ kútáꞌán jín‑i súkuáꞌa‑a ráa kua̱ꞌa̱nꞌ ráa nu̱u̱nꞌ Jesús,

Mateo 14:2

Jee nkachiꞌ‑i nu̱u̱nꞌ rá musúꞌ sátíñú nu̱u̱nꞌ‑u: ―Juan, te̱e ya̱ nsi̱kuánuté, ví te̱e yukuán, jee nna̱tekuꞌ i̱i̱ꞌ re̱ꞌ ya̱ níꞌiꞌ re̱ꞌ, jee saáva fuersáꞌ ííꞌ a̱nasɨ́ sátíñú‑u iniꞌ re̱ꞌ.

Mateo 4:12

Jee sáá nku̱káꞌnú iniꞌ Jesús ya̱ ntɨ́ɨn ráa Juan nchiꞌi ráa maa veka̱a, jee nkene re̱ꞌ ñuꞌun Judea jee nni̱kó re̱ꞌ ñuꞌun Galilea.

Mateo 4:17

Jee ne̱ tiempúꞌ yukuán nka̱jiéꞌé Jesús stékútu̱ꞌún re̱ꞌ jee nkachiꞌ re̱ꞌ: ―Nakani iniꞌ rán xinóo rán kua̱chi rán, chi ya nkikuyatin nu̱u̱nꞌ rán ya̱ kuvi ki̱vɨ rán naꞌá Ndiosíꞌ ya̱ nééꞌ re̱ꞌ antivɨ́ súkún sáva tatúníꞌ re̱ꞌ nu̱u̱nꞌ rán ―nkachiꞌ Jesús.

Mateo 4:23

Jee jíkónúun Jesús kua̱íyó rá ñuunꞌ sánitɨ́ɨn Galilea, xínéꞌénꞌ re̱ꞌ Tu̱ꞌun Ndiosíꞌ iniꞌ rá veꞌi sinagoga nu̱u̱nꞌ kútútú rá ñɨvɨ Israel yukuán, jee stékútu̱ꞌún re̱ꞌ tu̱ꞌun váꞌa jie̱ꞌe̱ꞌ ya̱ kuvi ki̱vɨ ñɨvɨ naꞌá Ndiosíꞌ nu̱u̱nꞌ tátúníꞌ‑i, jee xínúvi re̱ꞌ ntáká rá ñɨvɨ kúꞌvíꞌ jín ntáká rá ñɨvɨ ya̱ táyáꞌ ñunéꞌyúꞌ ráa.

Mateo 9:35

Nni̱kónúun Jesús ntáká rá ñuunꞌ jín rá kuaríáꞌ, xínéꞌénꞌ re̱ꞌ Tu̱ꞌun Ndiosíꞌ iniꞌ rá veꞌi sinagoga nu̱u̱nꞌ kútútú rá ñɨvɨ Israel, jee stékútu̱ꞌún re̱ꞌ tu̱ꞌun váꞌa jie̱ꞌe̱ꞌ kuvi ki̱vɨ ñɨvɨ naꞌá Ndiosíꞌ tátúníꞌ‑i nu̱u̱nꞌ ráa, jee suni xínúvi re̱ꞌ rá ñɨvɨ kúꞌvíꞌ nu̱u̱nꞌ ntáká rá kue̱ꞌi̱ꞌ jín rá ñɨvɨ ya̱ táyáꞌ ñunéꞌyúꞌ ráa.

Lucas 3:20

Jee nna̱chisó Herodes ka̱ꞌ ya̱ niváꞌa nsa̱ꞌá‑a, chi ntu̱ví‑i Juan iniꞌ veka̱a.

Lucas 8:1

Jee sáá njia̱ꞌa rá yukuán, jee jíkanuun Jesús nu̱u̱nꞌ ntáká rá ñuunꞌ káꞌnú jín rá ñuunꞌ kuáchí, káchítu̱ꞌún re̱ꞌ stékútu̱ꞌún re̱ꞌ tu̱ꞌun váꞌa Ndiosíꞌ jie̱ꞌe̱ꞌ na̱ja ki̱vɨ ñɨvɨ xi̱ntíín Ndiosíꞌ sáva tátúníꞌ re̱ꞌ nu̱u̱nꞌ ráa. Jee ni uxúꞌ u̱vi̱ꞌ (12) rá te̱e súkuáꞌa re̱ꞌ ráa kútáꞌán ráa jín re̱ꞌ.

Hechos 20:25

’Jee ntañúꞌún teso̱ꞌo rán. Jíníꞌ ni̱ꞌ ya̱ nku̱níꞌ nɨꞌɨ rán ka̱ꞌ nuꞌuꞌ. Nteñu rán ni̱kónúun ni̱ꞌ, jee nste̱kútu̱ꞌún ni̱ꞌ ya̱ kuvi ki̱vɨ ñɨvɨ naꞌá Ndiosíꞌ nu̱u̱nꞌ tátúníꞌ‑i.

Hechos 28:23

Nna̱túꞌún ráa jín re̱ꞌ ɨɨn ki̱vɨ̱ꞌ nikó tuku ráa. Jee nkenta kue̱ꞌe̱ꞌ ka̱ꞌ rá ñɨvɨ nu̱u̱nꞌ nééꞌ re̱ꞌ. Jee ne̱ neꞌenꞌ jín ne̱ nini, sánáaꞌ re̱ꞌ jee stúvi re̱ꞌ ya̱ naáꞌ jie̱ꞌe̱ꞌ na̱sa ki̱vɨ ñɨvɨ naꞌá Ndiosíꞌ. Jee jiátíñú re̱ꞌ tu̱ꞌun ya̱ káchíꞌ ley ya̱ njia̱ꞌa Ndiosíꞌ nu̱u̱nꞌ Moisés ya̱ ntee‑e maa, jín tu̱ꞌun ya̱ ntee rá te̱e nna̱kani ráa tu̱ꞌun nkene yuꞌú Ndiosíꞌ, sáva nunasɨ́ re̱ꞌ siínúꞌ re̱ꞌ iniꞌ ráa jie̱ꞌe̱ꞌ Jesús.

Romanos 1:1

Nuꞌuꞌ Pablo, ya̱ kúvi ni̱ꞌ musúꞌ ya̱ sáꞌá ni̱ꞌ tiñu Cristo Jesús, jín ya̱ nkana re̱ꞌ nuꞌuꞌ kuvi ni̱ꞌ najiáꞌáꞌ re̱ꞌ ya̱ kunisotíñú ni̱ꞌ tiñu apóstol ya̱ chúichí re̱ꞌ nuꞌuꞌ, chi nsa̱ꞌá sɨ́ɨ́n re̱ꞌ nuꞌuꞌ sáva stekútu̱ꞌún ni̱ꞌ tu̱ꞌun váꞌa Ndiosíꞌ.

Efesios 2:17

Jee nkiji Cristo jee nste̱kútu̱ꞌún re̱ꞌ nu̱u̱nꞌ ránoꞌó ya̱ sáꞌá re̱ꞌ ya̱ númániꞌ rán nu̱u̱nꞌ Ndiosíꞌ, ya̱ níyo íká rán nu̱u̱nꞌ Ndiosíꞌ nékúvi. Jee nste̱kútu̱ꞌún re̱ꞌ nu̱u̱nꞌ ñɨvɨ Israel ya̱ níyo yatin ráa nu̱u̱nꞌ Ndiosíꞌ ya̱ sáꞌá re̱ꞌ ya̱ númániꞌ ráa nu̱u̱nꞌ Ndiosíꞌ.