Lucas 9:6 - Mixteco del suroeste de Tlaxiaco Oaxaca

⁶ Saájee nke̱chí ráa kua̱ꞌa̱nꞌ ráa ntáká rá ñuunꞌ ta ñuunꞌ jíkónúun ráa stékútu̱ꞌún ráa tu̱ꞌun váꞌa Ndiosíꞌ, jee suni ntáká nu̱u̱nꞌ kua̱ꞌa̱nꞌ ráa xínúvi ráa rá ñɨvɨ kúꞌvíꞌ.

Lucas 9:6 ပူးပေါင်းရင်းမြစ်များ

Marcos 16:20

Jee nke̱i̱chí rá te̱e vá, jee nɨ́ɨ́n nste̱kútu̱ꞌún ráa tu̱ꞌun váꞌa Jesús, jee nchi̱neí maá I̱toꞌoꞌ‑ó ráa, jee nstúvi re̱ꞌ ya̱ naáꞌ ví tu̱ꞌun vá jín seña ííꞌ a̱nasɨ́ nsa̱ꞌá re̱ꞌ. Saá koo. Amén.]

Lucas 8:1

Jee sáá njia̱ꞌa rá yukuán, jee jíkanuun Jesús nu̱u̱nꞌ ntáká rá ñuunꞌ káꞌnú jín rá ñuunꞌ kuáchí, káchítu̱ꞌún re̱ꞌ stékútu̱ꞌún re̱ꞌ tu̱ꞌun váꞌa Ndiosíꞌ jie̱ꞌe̱ꞌ na̱ja ki̱vɨ ñɨvɨ xi̱ntíín Ndiosíꞌ sáva tátúníꞌ re̱ꞌ nu̱u̱nꞌ ráa. Jee ni uxúꞌ u̱vi̱ꞌ (12) rá te̱e súkuáꞌa re̱ꞌ ráa kútáꞌán ráa jín re̱ꞌ.

Hechos 4:30

Jee jín fuersáꞌ ííꞌ nú xinúvi nú rá kúꞌvíꞌ, jee saꞌá nú rá seña a̱nasɨ́ ya̱ kuniꞌ ráa ya̱ kúñáꞌnú nú, jín rá a̱nasɨ́ ya̱ xtívɨ́‑ɨ xíniꞌ rá ñɨvɨ, nu̱u̱nꞌ súví Se̱ꞌya ííꞌ nú, Jesús.

Hechos 5:15

Saáva ña̱na̱ka rá ñɨvɨ rá kúꞌvíꞌ iniꞌ ichi, jee yákɨ́nꞌ ráa rává nu̱u̱nꞌ i̱to jín nu̱u̱nꞌ tu̱nchi̱só. Sáva sa̱naanꞌ jia̱ꞌa xi̱ne̱ꞌñu̱ꞌ Pedro nu̱u̱nꞌ káá kéꞌín rává, sáá kua̱jia̱ꞌa re̱ꞌ.