Lucas 9:48 - Mixteco del suroeste de Tlaxiaco Oaxaca

⁴⁸ Jee nkachiꞌ re̱ꞌ nu̱u̱nꞌ ráa: ―Néni ɨɨn ñɨvɨ ya̱ nu̱u̱nꞌ súví nuꞌuꞌ íyó maniꞌ iniꞌ‑i nakuatáꞌví‑i su̱chí lúlí yaꞌá, jee suni íyó maniꞌ iniꞌ‑i nakuatáꞌví ñɨvɨ vá nuꞌuꞌ ranika̱ꞌ. Jee ñɨvɨ vá ya̱ íyó maniꞌ iniꞌ‑i nákuatáꞌví ráa nuꞌuꞌ, suni íyó maniꞌ iniꞌ‑i nakuatáꞌví ñɨvɨ vá Ndiosíꞌ ranika̱ꞌ, ya̱ nchu̱ichí nuꞌuꞌ va̱ji ni̱ꞌ. Chi ɨɨn ñɨvɨ ya̱ ntu kúñáꞌnú‑u ka̱ꞌ nteñu ntáká rán, suvivá kúñáꞌnú ka̱ꞌ nu̱u̱nꞌ Ndiosíꞌ ―nkachiꞌ Jesús.

Lucas 9:48 ပူးပေါင်းရင်းမြစ်များ

Mateo 18:10

’Jee koto kúníichiꞌ iniꞌ rán ni ɨɨn rá su̱chí lúlí yaꞌá. Chi nuꞌuꞌ káchíꞌ ni̱ꞌ nu̱u̱nꞌ rán, ya̱ rá najiáꞌáꞌ ííꞌ ya̱ íyó ne̱ antivɨ́ súkún, ya̱ kúmí ráa rá su̱chí lúlí yaꞌá, jee sukuáni íñɨ́ rá najiáꞌáꞌ vá ichinúúnꞌ Tátáꞌ ni̱ꞌ ya̱ íyó ne̱ antivɨ́ súkún nákani ráa jie̱ꞌe̱ꞌ rává.

Mateo 18:14

Jee suni sukuán, ntu̱ví kuíni Tátáꞌ rán ya̱ nééꞌ antivɨ́ súkún, ya̱ kinaanꞌ ni ɨɨn rá su̱chí lúlí yaꞌá.

Mateo 19:28

Jee nkachiꞌ Jesús: ―Máá nááꞌ vá káchíꞌ ni̱ꞌ nu̱u̱nꞌ rán, ya̱ sáá kenta tiempúꞌ ya̱ nɨꞌɨ nasama jiáá, sáá kenta nuꞌuꞌ, ya̱ nta̱jí Ndiosíꞌ nuꞌuꞌ nu̱u̱nꞌ ñɨ̱vɨ́ yaꞌá sáva kuvi ni̱ꞌ Se̱ꞌya Ñɨvɨ, jee sáá kuneeꞌ ni̱ꞌ teyuꞌ kúñáꞌnú nu̱u̱nꞌ tatúníꞌ ni̱ꞌ, nu̱u̱nꞌ viiꞌ nasɨ́kuitɨꞌ kúñáꞌnú ni̱ꞌ, jee ránoꞌó ya̱ níkɨ́nꞌ rán nuꞌuꞌ, jee suni sukuán kuneeꞌ rán ni uxúꞌ u̱vi̱ꞌ (12) teyuꞌ ñáꞌnú, sáva sanáaꞌ rán tatúníꞌ rán nu̱u̱nꞌ rá ñɨvɨ ya̱ kúvi ráa rá ni uxúꞌ u̱vi̱ꞌ (12) tataꞌ ichiyúkúnꞌ ya̱ nkene ráa nu̱u̱nꞌ rá ni uxúꞌ u̱vi̱ꞌ (12) rá se̱ꞌya yɨ́ɨ́ Israel.

Mateo 25:40

’Jee nuꞌuꞌ ya̱ kúvi ya̱ tátúníꞌ nu̱u̱nꞌ nɨꞌɨ naxiníkó ni̱ꞌ nu̱u̱nꞌ ráa, jee kachiꞌ ni̱ꞌ: “Máá nááꞌ vá káchíꞌ ni̱ꞌ nu̱u̱nꞌ rán ya̱, mákua sukuán nsa̱ꞌá rán jín ɨɨn rá ñanitáꞌán ni̱ꞌ yaꞌá, ya̱ kúneí iniꞌ ráa nuꞌuꞌ, sú ɨɨn máá ñɨvɨ láꞌví ka̱ꞌ kúvi‑i, saájee nu̱u̱nꞌ nuꞌuꞌ nsa̱ꞌá rán maa”, kachiꞌ ni̱ꞌ.

Mateo 25:45

’Saájee naxiníkó ni̱ꞌ nu̱u̱nꞌ ráa, jee kachiꞌ ni̱ꞌ: “Máá nááꞌ vá káchíꞌ ni̱ꞌ nu̱u̱nꞌ rán, ya̱ mákua sukuán ntu nsáꞌá rán maa jín ɨɨn rá ñanitáꞌán ni̱ꞌ yaꞌá, ya̱ kúneí iniꞌ ráa nuꞌuꞌ, sú ɨɨn máá ñɨvɨ láꞌví ka̱ꞌ kúvi‑i, saájee suni ntu nsáꞌá rán maa nu̱u̱nꞌ nuꞌuꞌ”, kachiꞌ ni̱ꞌ nu̱u̱nꞌ ráa.

Marcos 9:37

―Néni ɨɨn ñɨvɨ ya̱ nu̱u̱nꞌ súví nuꞌuꞌ íyó maniꞌ iniꞌ‑i nakuatáꞌví‑i ɨɨn su̱chí lúlí kuéntáꞌ su̱chí lúlí yaꞌá, jee suni íyó maniꞌ iniꞌ‑i nakuatáꞌví ñɨvɨ vá nuꞌuꞌ ranika̱ꞌ. Jee ñɨvɨ vá ya̱ íyó maniꞌ iniꞌ‑i nákuatáꞌví ráa nuꞌuꞌ nsú kua̱chi kuitɨꞌ nuꞌuꞌ íyó maniꞌ iniꞌ‑i nakuatáꞌví ñɨvɨ vá, chi suni íyó maniꞌ iniꞌ‑i nakuatáꞌví ñɨvɨ vá Ndiosíꞌ ranika̱ꞌ, ya̱ nchu̱ichí nuꞌuꞌ va̱ji ni̱ꞌ ―nkachiꞌ re̱ꞌ.

Lucas 10:16

[Jee nkachiꞌ re̱ꞌ ka̱ꞌ nu̱u̱nꞌ rá te̱e ya̱ nchu̱ichí re̱ꞌ kɨ̱ꞌɨ̱nꞌ:] ―Ñɨvɨ ya̱ tésóꞌo‑o rá tu̱ꞌun káchítu̱ꞌún ránú, jee suni tésóꞌo‑o tu̱ꞌun káchítu̱ꞌún ni̱ꞌ. Jee ñɨvɨ ya̱ kúíchi iniꞌ‑i ránoꞌó, jee suni kúíchi iniꞌ‑i nuꞌuꞌ ranika̱ꞌ. Jee ñɨvɨ ya̱ kúíchi iniꞌ‑i nuꞌuꞌ, jee suni kúíchi iniꞌ‑i Ndiosíꞌ ranika̱ꞌ ya̱ nchu̱ichí‑i nuꞌuꞌ va̱ji ni̱ꞌ ―nkachiꞌ Jesús.

Lucas 14:11

Chi ntáká ñɨvɨ ya̱ kutéyɨ́ɨ́‑ɨ sáꞌá ñáꞌnú‑u maáa, jee saꞌ kino̱o kanuun ñɨvɨ vá, ntu ka̱ꞌ kúñáꞌnú‑u, jee ɨɨn ñɨvɨ ya̱ sáꞌá núun‑u maáa ñúláꞌví iniꞌ‑i maáa, jee ni̱ꞌi̱nꞌ‑i ya̱ nuñáꞌnú‑u ―nkachiꞌ Jesús.

Lucas 22:26

Soo ránoꞌó chi ni nkúvi sukuán jín rán. Chisaꞌ ɨɨn ya̱ kúñáꞌnú ká nteñu rán, jee íyó naxinúun‑u maáa sáva kuvi‑i kuéntáꞌ ɨɨn maá súchí ka̱ꞌ, jee ɨɨn ñɨvɨ ya̱ yósóꞌ nu̱u̱nꞌ rán íyó koo kuéntáꞌ musúꞌ ya̱ yɨ́tíñú‑u nu̱u̱nꞌ inka ñɨvɨ.

Lucas 22:30

sáva kajiꞌ rán koꞌo rán jín nuꞌuꞌ kuneeꞌ rán yuꞌú mesa ni̱ꞌ nu̱u̱nꞌ tátúníꞌ ni̱ꞌ nu̱u̱nꞌ nɨꞌɨ. Jee suni yukuán kuneeꞌ rán rá teyuꞌ ñáꞌnú sáva sanáaꞌ rán tatúníꞌ rán nu̱u̱nꞌ rá ñɨvɨ ya̱ kúvi ráa rá ni uxúꞌ u̱vi̱ꞌ tataꞌ ichiyúkúnꞌ ya̱ nkene ráa nu̱u̱nꞌ rá ni uxúꞌ u̱vi̱ꞌ (12) rá se̱ꞌya yɨ́ɨ́ Israel.

Lucas 7:28

’Jee káchíꞌ ni̱ꞌ nu̱u̱nꞌ ránú ya̱ nteñu rá ñɨvɨ ñɨ̱vɨ́ ya̱ káku nu̱u̱nꞌ ñaꞌan ntu íyó ni ɨɨn ñɨvɨ ya̱ kúñáꞌnú‑u ka̱ꞌ nsú káꞌ kua̱ꞌ kúñáꞌnú Juan. Soo súka̱ꞌ sukuán, jee ñɨvɨ yɨ́ꞌɨ́‑ɨ naꞌá Ndiosíꞌ saꞌá ni̱ꞌ ya̱ ki̱vɨ‑ɨ naꞌá Ndiosíꞌ nu̱u̱nꞌ tátúníꞌ re̱ꞌ nu̱u̱nꞌ‑u jee súka̱ꞌ láꞌví ka̱ꞌ iniꞌ‑i soo kuñáꞌnú ka̱ꞌ ñɨvɨ vá nsú káꞌ Juan.

Juan 13:20

Máá nááꞌ vá káchíꞌ ni̱ꞌ nu̱u̱nꞌ rán: néni ɨɨn ñɨvɨ ya̱ íyó maniꞌ iniꞌ‑i nákuatáꞌví‑i ñɨvɨ ya̱ chuichí ni̱ꞌ jee íyó maniꞌ iniꞌ‑i nákuatáꞌví‑i nuꞌuꞌ ranika̱ꞌ. Jee ñɨvɨ vá ya̱ íyó maniꞌ iniꞌ‑i nákuatáꞌví nuꞌuꞌ, jee suni íyó maniꞌ iniꞌ‑i nákuatáꞌví‑i ne̱ Ndiosíꞌ ranika̱ꞌ ya̱ nchu̱ichí re̱ꞌ nuꞌuꞌ va̱ji ni̱ꞌ.

Juan 14:21

Chi néni ɨɨn ñɨvɨ ya̱ ñúꞌún iniꞌ‑i tu̱ꞌun ya̱ nta̱túníꞌ ni̱ꞌ jee sikúnkuvi‑i vá, jee ñɨvɨ yukuán ví ya̱ ñúnúunꞌ‑u nuꞌuꞌ, jee kunu̱u̱nꞌ Tátáꞌ ni̱ꞌ maa, jee nuꞌuꞌ kunu̱u̱nꞌ ni̱ꞌ maa, jee stúvi ni̱ꞌ na̱sa iniꞌ ni̱ꞌ nu̱u̱nꞌ ñɨvɨ vá ―nkachiꞌ Jesús.

1 Tesalonicenses 4:8

Saáva ɨɨn ñɨvɨ ya̱ kúíchi iniꞌ‑i tu̱ꞌun yaꞌá, ntu kúíchi iniꞌ ñɨvɨ vá ɨɨn te̱e, chisaꞌ kúíchi iniꞌ ñɨvɨ vá Ndiosíꞌ. Suvire̱ꞌ ví ya̱ táji re̱ꞌ Ta̱chi̱ꞌ Ííꞌ re̱ꞌ nu̱u̱nꞌ ránoꞌó.

1 Pedro 5:6

Jee xinúun rán maárán kuláꞌví iniꞌ rán chiꞌi rán maárán xi̱ntíín Ndiosíꞌ ya̱ níso re̱ꞌ fuersáꞌ ííꞌ níꞌin, sáva xináa re̱ꞌ ránoꞌó nuñáꞌnú rán tiempúꞌ ñani re̱ꞌ.

Apoclipsis 21:14

Jee nu̱u̱nꞌ nsamaꞌ ti̱yu̱ꞌ yuꞌú ñuunꞌ vá, jee jie̱ꞌe̱ꞌ nu̱u̱nꞌ nsamaꞌ vá yɨ́ꞌɨ́ u̱xu̱ꞌ u̱vi̱ꞌ (12) yu̱u̱ꞌ máá náꞌnú víꞌí yósóꞌ táꞌán. Jee nu̱u̱nꞌ yu̱u̱ꞌ náꞌnú vá nééꞌ súví rá ni uxúꞌ u̱vi̱ꞌ (12) rá apóstol nchu̱ichí maáréꞌ ya̱ kúvi re̱ꞌ Lanchi Lúlí Ndiosíꞌ.

Apoclipsis 3:21

’Jee ñɨvɨ ya̱ kuneí‑i si̱kɨ̱ꞌ ya̱ níváꞌa jín nu̱u̱nꞌ kui̱ꞌna̱ꞌ kúñáꞌnú, jee ku̱ꞌva ni̱ꞌ ya̱ kuneeꞌ ñɨvɨ vá jín nuꞌuꞌ nu̱u̱nꞌ teyuꞌ ni̱ꞌ nu̱u̱nꞌ tátúníꞌ ni̱ꞌ, kuéntáꞌ kua̱ꞌ nku̱neí ni̱ꞌ si̱kɨ̱ꞌ tiñu níváꞌa jee nééꞌ ni̱ꞌ jín Tááꞌ ni̱ꞌ nu̱u̱nꞌ teyuꞌ re̱ꞌ nu̱u̱nꞌ tátúníꞌ re̱ꞌ.