Lucas 9:41 - Mixteco del suroeste de Tlaxiaco Oaxaca

⁴¹ Saájee nkachiꞌ Jesús: ―¡Na̱ ka̱ꞌ rá ñɨvɨ yaꞌá ya̱ ntu ínúꞌ iniꞌ ráa Ndiosíꞌ jín ya̱ nku̱sɨ́ɨ́n rán nu̱u̱nꞌ ya̱ nááꞌ! ¿Na̱ja ka̱ꞌ tiempúꞌ vá íyó kuneeꞌ ni̱ꞌ jín ránoꞌó? ¿Na̱ja ka̱ꞌ tiempúꞌ vá íyó keꞌneꞌ iniꞌ ni̱ꞌ nu̱u̱nꞌ ránoꞌó? Kínaka se̱ꞌya yɨ́ɨ́ nú yaꞌá ―nkachiꞌ Jesús.

Lucas 9:41 ပူးပေါင်းရင်းမြစ်များ

Mateo 11:28

’Neꞌenꞌ nu̱u̱nꞌ ni̱ꞌ ntáká ránoꞌó ya̱ kuítá rán jín ya̱ níꞌi rá tiñu véi si̱kɨ̱ꞌ ránoꞌó, jee xinájiávi ni̱ꞌ ánímaꞌ ránoꞌó.

Mateo 12:39

Soo nna̱xiníkó Jesús jee nkachiꞌ re̱ꞌ nu̱u̱nꞌ ráa: ―Rá ñɨvɨ kánéꞌén íyó tiempúꞌ vitan, ya̱ ntu náaꞌ ráa nu̱u̱nꞌ Ndiosíꞌ, jíkánꞌ ráa ya̱ saꞌá ni̱ꞌ ɨɨn milagrúꞌ, ya̱ kúvi seña a̱nasɨ́, soo ni ɨɨn seña ntu̱náꞌ ku̱ꞌva ni̱ꞌ nu̱u̱nꞌ ráa, chisaꞌ kua̱chi ku̱ꞌva ni̱ꞌ nu̱u̱nꞌ ráa máá seña a̱nasɨ́ kuéntáꞌ kua̱ꞌ máá seña a̱nasɨ́ ya̱ nsa̱ꞌá Ndiosíꞌ jín Jonás, te̱e ya̱ nna̱kani tu̱ꞌun nkene yuꞌú máá maá Ndiosíꞌ ne̱ yanaꞌán víꞌí.

Mateo 12:45

Saájee kɨ̱ꞌɨ̱nꞌ ta̱chi̱ꞌ kíni vá, kɨ̱nake̱ꞌen‑e u̱xa̱ꞌ ka̱ꞌ rá táꞌán ta̱chi̱ꞌ kíni ya̱ xe̱e̱nꞌ ka̱ꞌ nsú káꞌ maáa, jee ki̱vɨ ráa iniꞌ ñɨvɨ vá kuneeꞌ ráa yukuán. Saájee xe̱e̱nꞌ nasɨ́kuitɨꞌ ka̱ꞌ nakunoꞌo ñɨvɨ vá nsú káꞌ kua̱ꞌ nnoꞌo‑o ne̱ xíꞌna. Jee suni sukuán kunoꞌo rá ñɨvɨ níváꞌa íyó yaꞌá tiempúꞌ vitan ―nkachiꞌ Jesús.

Mateo 16:4

Rá ñɨvɨ kánéꞌén íyó tiempúꞌ vitan, ya̱ ntu náaꞌ ráa nu̱u̱nꞌ Ndiosíꞌ, jee jíkánꞌ ráa ya̱ saꞌá ni̱ꞌ milagrúꞌ ya̱ kúvi seña a̱nasɨ́. Soo ni nsáꞌ saꞌá ni̱ꞌ ni ɨɨn seña a̱nasɨ́ ya̱ ku̱ꞌva ni̱ꞌ nu̱u̱nꞌ ráa, chisaꞌ kua̱chi ku̱ꞌva ni̱ꞌ nu̱u̱nꞌ ráa máá seña kuéntáꞌ kua̱ꞌ máá seña a̱nasɨ́ ya̱ nsa̱ꞌá Ndiosíꞌ jín Jonás ―nkachiꞌ Jesús, jee nxi̱nóo re̱ꞌ ráa jee kua̱ꞌa̱nꞌ re̱ꞌ.

Mateo 17:17

Saájee nna̱xiníkó Jesús jee nkachiꞌ re̱ꞌ: ―¡Na̱ ka̱ꞌ ránoꞌó ya̱ ntu ínúꞌ iniꞌ rán Ndiosíꞌ jín ya̱ nku̱sɨ́ɨ́n rán nu̱u̱nꞌ ya̱ nááꞌ! ¿Na̱ja ka̱ꞌ tiempúꞌ vá íyó kuneeꞌ ni̱ꞌ jín ránoꞌó? ¿Na̱ja ka̱ꞌ tiempúꞌ vá íyó keꞌneꞌ iniꞌ ni̱ꞌ nu̱u̱nꞌ ránoꞌó? Kínaka rán se̱ꞌya yɨ́ɨ́ nú nu̱u̱nꞌ ni̱ꞌ yaꞌá ―nkachiꞌ Jesús.

Mateo 23:36

Máá nááꞌ vá káchíꞌ ni̱ꞌ nu̱u̱nꞌ rán, ya̱ nɨꞌɨ rá kua̱chi yaꞌá kiji si̱kɨ̱ꞌ rá ñɨvɨ íyó vitan xinóꞌo Ndiosíꞌ ránoꞌó.

Mateo 3:7

Soo sáá niniꞌ re̱ꞌ ya̱ kénta kue̱ꞌe̱ꞌ víꞌí rá te̱e yɨ́ꞌɨ́ ñujiínꞌ fariseo jín rá te̱e yɨ́ꞌɨ́ ñujiínꞌ saduceo nu̱u̱nꞌ síkuánuté re̱ꞌ, jee nkachiꞌ re̱ꞌ nu̱u̱nꞌ ráa: ―Ránoꞌó, kuéntáꞌ tataꞌ ko̱o̱ꞌ xe̱e̱nꞌ kúvi rán. ¿Né ɨɨn nxtúꞌva ya̱chi̱ꞌ nu̱u̱nꞌ rán, ya̱ kene kunu rán ka̱ku rán nu̱u̱nꞌ tu̱nóꞌó xéénꞌ kiji ya̱ xinóꞌo Ndiosíꞌ ránoꞌó chi kítɨ́ꞌ iniꞌ re̱ꞌ néꞌyá re̱ꞌ kua̱chi rán rúja?

Marcos 10:14

Soo sáá niniꞌ Jesús yaꞌá, jee nki̱tɨ̱ꞌ iniꞌ re̱ꞌ jee nkachiꞌ re̱ꞌ nu̱u̱nꞌ ráa: ―Ku̱ꞌva rán kiji rá su̱chí kuáchí nu̱u̱nꞌ ni̱ꞌ. Koto kúsáꞌán rán kiji ráa. Chi rá ñɨvɨ suꞌva, ya̱ kúneí iniꞌ ráa nuꞌuꞌ, ví ya̱ kívɨ ráa xi̱ntíín Ndiosíꞌ nu̱u̱nꞌ tátúníꞌ re̱ꞌ nu̱u̱nꞌ ráa.

Marcos 10:49

Saájee ña̱kui̱ñɨ̱ꞌ Jesús jee nkachiꞌ‑i: ―Kana rán maa. Jee nkana ráa te̱e kuáá vá, jee nkachiꞌ ráa nu̱u̱nꞌ‑u: ―¡Neí koo iniꞌ nú! ¡Nakuiñɨꞌ! Chi kána re̱ꞌ noꞌó.

Marcos 9:19

Jee nna̱xiníkó Jesús nu̱u̱nꞌ ráa: ―¡Na̱ ka̱ꞌ rá ñɨvɨ yaꞌá ya̱ ntu ínúꞌ iniꞌ ráa Ndiosíꞌ! ¿Na̱ja ka̱ꞌ tiempúꞌ vá íyó kuneeꞌ ni̱ꞌ jín ránoꞌó? ¿Na̱ja ka̱ꞌ tiempúꞌ vá íyó keꞌneꞌ iniꞌ ni̱ꞌ nu̱u̱nꞌ ránoꞌó ya̱ ntu ínúꞌ iniꞌ rán Ndiosíꞌ? Kínaka rán se̱ꞌya yɨ́ɨ́ nú nu̱u̱nꞌ ni̱ꞌ ―nkachiꞌ re̱ꞌ.

Lucas 8:25

Jee nkachiꞌ re̱ꞌ nu̱u̱nꞌ ráa: ―¿Né núꞌ íyó ya̱ kúneí iniꞌ ránú nuꞌuꞌ rúja? ―nkachiꞌ re̱ꞌ. Soo nyu̱ꞌví ráa jee nti̱vɨ́ xíniꞌ ráa jee nkachiꞌ ɨɨn inka ráa: ―¿Na̱ te̱e ka̱ꞌ kúvi te̱e yaꞌá, ya̱ ne̱ nu̱u̱nꞌ rá ta̱chi̱ꞌ víjin jín nu̱u̱nꞌ nute tátúníꞌ re̱ꞌ, jee káníjiá ráa maa? ―nkachiꞌ ráa.

Lucas 9:40

Ni̱ka̱nꞌ táꞌvíꞌ ni̱ꞌ nu̱u̱nꞌ rá te̱e súkuáꞌa nú ya̱ taníkɨ́nꞌ ráa maa, soo ntu nkúneí ráa ―nkachiꞌ te̱e vá.

Lucas 9:42

Jee ni kua̱kuyatin te̱súchí vá nu̱u̱nꞌ Jesús, jee nxi̱nániso ta̱chi̱ꞌ kákini kánéꞌí vá maa nu̱u̱nꞌ ñu̱ꞌún, jee ñaꞌniyɨ̱ꞌɨ́‑ɨ re̱ꞌ. Soo nnu̱xeenꞌ Jesús nu̱u̱nꞌ ta̱chi̱ꞌ kíni vá, jee nkene‑e kua̱ꞌa̱nꞌ‑a, jee nxi̱núvi re̱ꞌ te̱súchí vá, jee nna̱ku̱ꞌva re̱ꞌ maa nu̱u̱nꞌ tátáꞌ‑a.

Juan 14:9

Jee nkachiꞌ Jesús nu̱u̱nꞌ re̱ꞌ: ―Ya nku̱kueꞌeꞌ víꞌí tiempúꞌ ya̱ nééꞌ ni̱ꞌ jín rán ví, Felipe, jee, ¿á ni ntiáꞌan kuniꞌ nú né ɨɨn kúvi nuꞌuꞌ résa? Chi ɨɨn ya̱ niniꞌ‑i nuꞌuꞌ, jee suni ya̱ niniꞌ‑i Tátáꞌ ni̱ꞌ. Saájee, ¿na̱ kuvi chi kachiꞌ nú ya̱: “Xinéꞌénꞌ Tátáꞌ nú nu̱u̱nꞌ ránuꞌuꞌ”, résa?

Juan 20:27

Kuíre nkachiꞌ Jesús nu̱u̱nꞌ Tomás: ―Tuví xi̱ntíín nú yaꞌá, jee kune̱ꞌyá rá naꞌá ni̱ꞌ, jee saꞌá yatin naꞌá nú jee tuví naꞌá nú yɨkɨ íkáꞌ ni̱ꞌ. Koto kúkaꞌán nú ré ni̱núꞌ iniꞌ nú, chisaꞌ i̱nu̱ꞌ iniꞌ nú.

Hechos 13:18

Yatin u̱vi̱xiko (40) kui̱ya̱ꞌ ñeꞌneꞌ iniꞌ re̱ꞌ ni̱ñɨ re̱ꞌ jín ráa nu̱u̱nꞌ ñu̱ꞌún saɨn.

Hechos 2:40

Jee jín kue̱ꞌe̱ꞌ ka̱ꞌ tu̱ꞌun ni̱stúvi re̱ꞌ ya̱ naáꞌ, jee nxi̱nániꞌvɨꞌ re̱ꞌ iniꞌ ráa: ―Sikáku rán maárán nu̱u̱nꞌ ichi níkɨ́nꞌ rá ñɨvɨ niva̱ꞌa yaꞌá chi xinóꞌo Ndiosíꞌ ráa.

Romanos 2:4

Áxí, ¿á kúníichiꞌ nú ya̱ ntántúníꞌ ñunkúún iniꞌ Ndiosíꞌ noꞌó jín ya̱ jiéꞌnéꞌ xá iniꞌ re̱ꞌ jín ya̱ káꞌnú xá iniꞌ re̱ꞌ néꞌyá re̱ꞌ noꞌó? ¿Á ntu jíníꞌ nú ya̱ ñunkúún iniꞌ re̱ꞌ noꞌó sáva nachuꞌun re̱ꞌ ichi noꞌó nakani iniꞌ nú nu̱u̱nꞌ kua̱chi nú, résa?

Hebreos 3:19

Jee sukuán jee jíníꞌ‑ó ya̱ rá ñɨvɨ vá ntu nkúvi ki̱vɨ ráa nu̱u̱nꞌ ñu̱ꞌún nu̱u̱nꞌ najia̱ví ráa saꞌá Ndiosíꞌ chi ntu̱ví nínúꞌ iniꞌ ráa re̱ꞌ.

Hebreos 4:11

Saáva íyó nunasɨ́‑ó ki̱vɨ‑ó nu̱u̱nꞌ najia̱ví‑ó sáni nna̱jia̱ví re̱ꞌ, sáva ni ɨɨn‑ó ntu kininkava‑a saꞌá‑a kua̱ꞌ nsa̱ꞌá rá ñɨvɨ vá ya̱ ntu nka̱níjiá ráa.

Hebreos 4:2

Chi suni nu̱u̱nꞌ maáó ranika̱ꞌ nkachitu̱ꞌún jie̱ꞌe̱ꞌ tu̱ꞌun váꞌa kuéntáꞌ kua̱ꞌ nkachiꞌ maa nu̱u̱nꞌ rá ñɨvɨ vá ne̱ yanaꞌán. Soo ntu nníꞌínꞌ ti̱ñú tu̱ꞌun vá nu̱u̱nꞌ ráa súka̱ꞌ nteso̱ꞌo ráa maa, chi maáráa ya̱ nteso̱ꞌo ráa maa, jee ntu̱ví nínúꞌ iniꞌ ráa maa.

Hebreos 7:25

Jee rá ñɨvɨ ya̱ jiánatuꞌva ráa nu̱u̱nꞌ Ndiosíꞌ jie̱ꞌe̱ꞌ Cristo, jee saáva kávii kuitɨꞌ kuvi natavaꞌ Jesús ráa nu̱u̱nꞌ kua̱chi ráa, jee sikáku re̱ꞌ xinánitáꞌvíꞌ re̱ꞌ nɨ́ɨ́nkání ráa, chi tékúꞌ re̱ꞌ nɨ́ɨ́nkání, sáva yɨ́tuvi re̱ꞌ náma re̱ꞌ ráa nu̱u̱nꞌ Ndiosíꞌ.