Lucas 9:27 - Mixteco del suroeste de Tlaxiaco Oaxaca

²⁷ Soo nuꞌuꞌ jee máá naáꞌ vá káchíꞌ ni̱ꞌ nu̱u̱nꞌ rán ya̱ sava rá ñɨvɨ ya̱ íñɨ́ yaꞌá, ni nsáꞌ kuviꞌ ráa ne̱kua̱ꞌ kuniꞌ ráa tiñu ñáꞌnú níso Ndiosíꞌ ya̱ tatúníꞌ re̱ꞌ ―nkachiꞌ Jesús.

Lucas 9:27 ပူးပေါင်းရင်းမြစ်များ

Mateo 16:28

Chi máá naáꞌ vá káchíꞌ ni̱ꞌ nu̱u̱nꞌ rán, ya̱ íyó sava rán ya̱ íñɨ́ yaꞌá, nsáꞌ kuviꞌ ráa ne̱kua̱ꞌ kuniꞌ ráa nuꞌuꞌ ya̱ kiji ni̱ꞌ jín tiñu ñáꞌnú níso ni̱ꞌ tatúníꞌ ni̱ꞌ ya̱ nta̱jí Ndiosíꞌ nu̱u̱nꞌ ñɨ̱vɨ́ sáva kuvi ni̱ꞌ Se̱ꞌya Ñɨvɨ ―nkachiꞌ Jesús.

Marcos 14:25

Máá na̱a̱ꞌ káchíꞌ ni̱ꞌ nu̱u̱nꞌ rán ya̱ ni nsáꞌ koꞌo ni̱ꞌ ka̱ꞌ nixiꞌ ya̱ vixíꞌ kúun yokúꞌúꞌ uva, nekuaꞌ kenta ki̱vɨ̱ꞌ nakoꞌo jiáá tuku ni̱ꞌ maa, sáá nakɨ̱ꞌɨ nɨꞌɨ xi̱ntíín Ndiosíꞌ jee tátúníꞌ re̱ꞌ nu̱u̱nꞌ nɨꞌɨ ―nkachiꞌ Jesús.

Marcos 9:1

Jee nkachiꞌ Jesús nu̱u̱nꞌ ráa: ―Máá nááꞌ vá káchíꞌ ni̱ꞌ nu̱u̱nꞌ rán, ya̱ sava rá ñɨvɨ íñɨ́ yaꞌá, ni nsáꞌ kuviꞌ ráa, ne̱ kuniꞌ ráa kiji tiñu ñáꞌnú níso Ndiosíꞌ ya̱ tatúníꞌ re̱ꞌ jín fuersáꞌ ííꞌ níso re̱ꞌ.

Lucas 2:26

Jee nstúvi ya̱chi̱ꞌ Ta̱chi̱ꞌ Ííꞌ nu̱u̱nꞌ re̱ꞌ ya̱ ni nsáꞌ kuviꞌ re̱ꞌ ne̱ ntiáꞌan kuniꞌ re̱ꞌ nu̱u̱nꞌ máá Cristo ya̱ chuichí I̱toꞌoꞌ‑ó Ndiosíꞌ.

Lucas 22:18

Káchíꞌ ni̱ꞌ nu̱u̱nꞌ rán ya̱ ni nsáꞌ koꞌo ni̱ꞌ ka̱ꞌ nixiꞌ ya̱ vixíꞌ kúun yokúꞌúꞌ uva nekuaꞌ nakɨ̱ꞌɨ nɨꞌɨ xi̱ntíín Ndiosíꞌ jee tátúníꞌ re̱ꞌ nu̱u̱nꞌ nɨꞌɨ ―nkachiꞌ Jesús.

Juan 14:2

Chi nu̱u̱nꞌ nééꞌ Tátáꞌ ni̱ꞌ jee íyó kue̱ꞌe̱ꞌ víꞌí nu̱u̱nꞌ íyó kuneeꞌ ñɨvɨ. Jee retánꞌ ntu̱ví íyó, jee nsáꞌ kachiꞌ ni̱ꞌ maa sukuán nu̱u̱nꞌ rán. Jee saáva kɨ̱ꞌɨ̱nꞌ ni̱ꞌ saꞌá túꞌva ni̱ꞌ nu̱u̱nꞌ kuneeꞌ rán.

Juan 16:7

Soo káchíꞌ ni̱ꞌ ya̱ naáꞌ nu̱u̱nꞌ rán ya̱ va̱ꞌa ka̱ꞌ kúvi nu̱u̱nꞌ ránoꞌó ya̱ kɨ̱ꞌɨ̱nꞌ noꞌonꞌ ni̱ꞌ, chi retánꞌ nkɨ̱ꞌɨ́nꞌ ni̱ꞌ, jee nsáꞌ kiji maáréꞌ ya̱ chineí chituvi re̱ꞌ nachuꞌun neí re̱ꞌ iniꞌ ánímaꞌ rán. Soo retú kɨ̱ꞌɨ̱nꞌ ni̱ꞌ, jee chuichí ni̱ꞌ re̱ꞌ kiji re̱ꞌ nu̱u̱nꞌ ránoꞌó.

Juan 8:59

Saájee nkeꞌen ráa yu̱u̱ꞌ sáva kuun ráa re̱ꞌ. Soo ña̱kɨyuꞌuꞌ Jesús, [jee njia̱ꞌa re̱ꞌ ma̱ꞌñú nu̱u̱nꞌ íñɨ́ rá ñɨvɨ vá], jee nkene yuꞌuꞌ re̱ꞌ chíkéꞌi iniꞌ veñu̱ꞌun káꞌnú jee kua̱ꞌa̱nꞌ re̱ꞌ.

Hebreos 2:9

Soo vitan jee jíníꞌ‑ó ya̱ ɨɨn te̱e nnu̱un‑u ntíꞌ ka̱ꞌ kuñáꞌnú yakuꞌ ka̱ꞌ nsú káꞌ kúñáꞌnú rá najiáꞌáꞌ ííꞌ re̱ꞌ yakuꞌ ni tiempúꞌ. Jee kúvi te̱e vá Jesús. Soo vitan jee nna̱xináa Ndiosíꞌ re̱ꞌ kúñáꞌnú víꞌí re̱ꞌ, jín ya̱ nɨꞌɨ kuitɨꞌ nakuatáꞌví ráa re̱ꞌ, jie̱ꞌe̱ꞌ ya̱ nnoꞌo re̱ꞌ ya̱ níꞌiꞌ re̱ꞌ, sáva kuviꞌ re̱ꞌ jie̱ꞌe̱ꞌ ntáká ñɨvɨ jie̱ꞌe̱ꞌ íyó mániꞌ iniꞌ Ndiosíꞌ néꞌyá‑a yó.