Lucas 9:23 - Mixteco del suroeste de Tlaxiaco Oaxaca

²³ Saájee nkachiꞌ re̱ꞌ nu̱u̱nꞌ ntáká rá ñɨvɨ: ―Retú néni ɨɨn ñɨvɨ kuíni‑i kunikɨnꞌ‑ɨ nuꞌuꞌ jee xináánꞌ‑a iniꞌ‑i rá níyo iniꞌ maáa, jee ta ki̱vɨ̱ꞌ ɨɨn ni koo iniꞌ‑i kunoꞌo‑o jie̱ꞌe̱ꞌ nuꞌuꞌ kuéntáꞌ ɨɨn ya̱ níso‑o kurúsiꞌ sáva kuviꞌ‑i nu̱u̱nꞌ vá, jee kunikɨnꞌ‑ɨ nuꞌuꞌ.

Lucas 9:23 ပူးပေါင်းရင်းမြစ်များ

Romanos 8:13

Chi retú jiáꞌnu rán sáni kuíni rán jín ñunéꞌyúꞌ kua̱chi rán saájee kɨ̱naanꞌ rán nu̱u̱nꞌ Ndiosíꞌ. Soo retú jín fesáꞌ ííꞌ Ta̱chi̱ꞌ Ííꞌ Ndiosíꞌ jee xináánꞌ rán tiñu niváꞌa sáꞌá rán jín yɨkɨkúñu rán jee kutekuꞌ rán jín Ndiosíꞌ.

Colosenses 3:5

Saáva xinóo rán ya̱ níyo iniꞌ rá ñɨvɨ ñɨ̱vɨ́ yaꞌá sáꞌá ráa, ya̱ ntu yɨ́ꞌɨ́ ráa xi̱ntíín Ndiosíꞌ, kuéntáꞌ ñaꞌniꞌ rán ya̱ níyo néꞌén iniꞌ rán, ya̱ íyó suꞌva: koto kúsíkɨ́ iniꞌ rán, koto sáꞌá néꞌí rán, koto ñúꞌún téní iniꞌ rán, koto níyo néꞌén iniꞌ rán, koto sáꞌá úꞌvi iniꞌ rán, ya̱ nuún kúvi‑i jín ya̱ néñu̱ꞌun rán nantíñú ya̱ nsú Ndiosíꞌ ví‑i.

2 Timoteo 3:12

Chi ya̱ nááꞌ ví nijia ya̱ koto u̱ꞌvi̱ꞌ ñɨvɨ nta̱ká rá ñɨvɨ ya̱ kuíni ráa kueꞌnu ráa ichi na̱a̱ꞌ sáni kuíni Ndiosíꞌ jie̱ꞌe̱ꞌ nika̱ꞌ yɨ́ꞌɨ́ ráa nu̱u̱nꞌ Cristo Jesús.

Tito 2:12

Jie̱ꞌe̱ꞌ ya̱ íyó mániꞌ iniꞌ re̱ꞌ, jee suꞌva síkújia re̱ꞌ iniꞌ‑ó ya̱ chusává‑ó maáó nu̱u̱nꞌ ichi níváꞌa ya̱ ntu íyó sáni kuíni Ndiosíꞌ, jín nu̱u̱nꞌ ya̱ níyo iniꞌ‑ó ya̱ íyó sáni níyo iniꞌ rá ñɨvɨ ñɨ̱vɨ́ ya̱ ntu chíꞌi ráa maáráa naꞌá Ndiosíꞌ. Jee suꞌva síkújia re̱ꞌ iniꞌ‑ó, ya̱ tiempúꞌ vitan kueꞌnu kájí‑ó, jín ya̱ kaka na̱a̱ꞌ‑ó nu̱u̱nꞌ Ndiosíꞌ, jín ya̱ kɨtíñú‑ó nu̱u̱nꞌ ichi na̱a̱ꞌ sáni kuíni Ndiosíꞌ.

Hebreos 13:13

Jee saáva íyó kene rán nu̱u̱nꞌ ñujiínꞌ jiáꞌnu rá ñɨvɨ ya̱ ntu ínúꞌ iniꞌ ráa Jesús jee íyó kuiñɨ ni̱ꞌin rán jín re̱ꞌ, kuéntáꞌ kene‑ó yuñúúnꞌ kɨ̱ꞌɨ̱nꞌ‑ó nu̱u̱nꞌ re̱ꞌ. Jee íyó keꞌneꞌ iniꞌ rán ya̱ jiáꞌa ñɨvɨ tu̱nkánuun nu̱u̱nꞌ rán jie̱ꞌe̱ꞌ kúneí iniꞌ rán Jesús.