Lucas 9:20 - Mixteco del suroeste de Tlaxiaco Oaxaca

²⁰ Jee nkachiꞌ re̱ꞌ nu̱u̱nꞌ ráa: ―Soo ránoꞌó, ¿né ɨɨn káchíꞌ rán ya̱ kúvi nuꞌuꞌ? Saájee nna̱xiníkó Pedro jee nkachiꞌ re̱ꞌ: ―Noꞌó kúvi Cristo ya̱ ñani Ndiosíꞌ noꞌó ―nkachiꞌ‑i.

Lucas 9:20 ပူးပေါင်းရင်းမြစ်များ

Mateo 22:42

jee nkachiꞌ re̱ꞌ: ―¿Ná jiáni iniꞌ rán jie̱ꞌe̱ꞌ Cristo? ¿Né ɨɨn se̱ꞌya ichiyúkúnꞌ kúvi re̱ꞌ? ―nkachiꞌ Jesús. Jee nkachiꞌ ráa: ―Se̱ꞌya tataꞌ veꞌi ichiyúkúnꞌ va̱ji nu̱u̱nꞌ David kúvi re̱ꞌ.

Mateo 26:63

Soo níín íyó Jesús, jee su̱tu̱ꞌ kúñáꞌnú vá nkachiꞌ‑i nu̱u̱nꞌ re̱ꞌ: ―Tátúníꞌ ni̱ꞌ nu̱u̱nꞌ nú, nu̱u̱nꞌ súví Ndiosíꞌ tékúꞌ ya̱ kachiꞌ nú nu̱u̱nꞌ ráníꞌ retú noꞌó kúvi Cristo, ya̱ ñani Ndiosíꞌ tátúníꞌ nú ñɨ̱vɨ́, ya̱ kúvi nú Se̱ꞌya Ndiosíꞌ ―nkachiꞌ su̱tu̱ꞌ kúñáꞌnú vá nu̱u̱nꞌ Jesús.

Mateo 5:47

Jee retú káꞌánꞌ va̱ꞌa ránú jín kua̱chi rá ñanitáꞌán ránú ni, jee, ¿na̱ ɨɨn a̱nasɨ́ va̱ꞌa ka̱ꞌ kúvi ya̱ sáꞌá rán sukuán rúja? Chi ne̱ rá ñɨvɨ ya̱ ntu kúvi ráa ñɨvɨ Israel ya̱ ntu jínúꞌ iniꞌ ráa Ndiosíꞌ sáꞌá ráa sukuán ranika̱ꞌ.

Marcos 14:61

Soo níín íyó re̱ꞌ, jee ntu̱náꞌ nnáxiníkó re̱ꞌ. Jee inka íchí ka̱ꞌ ni̱ka̱tu̱ꞌún tuku su̱tu̱ꞌ kúñáꞌnú ka̱ꞌ maa, jee nkachiꞌ re̱ꞌ nu̱u̱nꞌ‑u: ―Noꞌó, ¿á kúvi nú Cristo, ya̱ kúvi nú Se̱ꞌya Ndiosíꞌ ííꞌ, ya̱ netuꞌ kúvi re̱ꞌ?

Marcos 8:29

Jee ni̱ka̱tu̱ꞌún re̱ꞌ ráa: ―Soo ránoꞌó, ¿né ɨɨn káchíꞌ rán ya̱ kúvi nuꞌuꞌ? Nna̱xiníkó Pedro nu̱u̱nꞌ re̱ꞌ: ―Noꞌó kúvi Cristo.

Lucas 22:67

―Retú noꞌó kúvi nú Cristo, kachiꞌ maa nu̱u̱nꞌ ránꞌ ―nkachiꞌ ráa. Soo nkachiꞌ re̱ꞌ nu̱u̱nꞌ ráa: ―Retú kachiꞌ ni̱ꞌ maa nu̱u̱nꞌ rán, jee ni nsáꞌ ji̱nu̱ꞌ iniꞌ rán maa.

Lucas 9:19

Jee nna̱xiníkó ráa: ―Káchíꞌ sava rá ñɨvɨ kúvi nú Juan ya̱ nsi̱kuánuté, jee sava ráa ka̱ꞌ káchíꞌ ya̱ kúvi nú Elías, jee sava ráa ka̱ꞌ káchíꞌ ya̱ kúvi nú ɨɨn rá te̱e ya̱ nna̱kani ráa tu̱ꞌun nkene yuꞌú máá maá Ndiosíꞌ tióꞌ chíji nasɨ́kuitɨꞌ jee vitan nna̱tekuꞌ tuku‑u, káchíꞌ rá ñɨvɨ ―nkachiꞌ ráa nu̱u̱nꞌ Jesús.

Juan 1:41

Saájee ña̱nanukú‑u ñaniꞌ‑i Simón, jee nkachiꞌ‑i nu̱u̱nꞌ Simón: ―Nna̱ketáꞌán ránꞌ Mesías ―nkachiꞌ re̱ꞌ. Mesías kuíni kachiꞌ Cristo [ya̱ ñani Ndiosíꞌ sáva tatúníꞌ nu̱u̱nꞌ ñɨ̱vɨ́].

Juan 1:49

Jee nna̱xiníkó Natanael: ―Mestrúꞌ, noꞌó kúvi nijia Se̱ꞌya Ndiosíꞌ, jee noꞌó kúvi te̱e nísotíñú ya̱ kiji tatúníꞌ nú nu̱u̱nꞌ rá ñɨvɨ ñuunꞌ maáó Israel ―nkachiꞌ re̱ꞌ.

Juan 11:27

Jee nkachiꞌ ña nu̱u̱nꞌ re̱ꞌ: ―Saá, I̱toꞌoꞌ, jínúꞌ iniꞌ ni̱ꞌ ya̱ noꞌó kúvi nijia máá Cristo ya̱ kúvi Se̱ꞌya Ndiosíꞌ, ya̱ káchíꞌ nu̱u̱nꞌ Tutuꞌ Ííꞌ ya̱ kiji nú iniꞌ ñɨ̱vɨ́ yaꞌá ―nkachiꞌ ña.

Juan 20:31

Soo rá tu̱ꞌun yaꞌá ntee ni̱ꞌ nu̱u̱nꞌ tutuꞌ yaꞌá, sáva ránoꞌó ji̱nu̱ꞌ iniꞌ rán ya̱ Jesús kúvi re̱ꞌ Cristo, ya̱ nátavaꞌ‑a ñɨvɨ nu̱u̱nꞌ kua̱chi ráa, jín ya̱ kúvi re̱ꞌ Se̱ꞌya Ndiosíꞌ, jee sáva ni̱ꞌi̱nꞌ rán ya̱ kutekuꞌ rán nɨ́ɨ́nkání jín re̱ꞌ jie̱ꞌe̱ꞌ ya̱ kúneí iniꞌ rán re̱ꞌ.

Juan 4:29

―Neꞌenꞌ rán jee kuniꞌ rán ɨɨn te̱e ya̱ nkachiꞌ re̱ꞌ nu̱u̱nꞌ ni̱ꞌ nta̱ká ya̱ nsa̱ꞌá ni̱ꞌ. ¿Á nsú te̱e yaꞌá kúvi Cristo? ―nkachiꞌ ña.

Juan 4:42

Jee nkachiꞌ ráa nu̱u̱nꞌ ñaꞌan vá: ―Nsú kua̱chi kuitɨꞌ ka̱ꞌ jie̱ꞌe̱ꞌ tu̱ꞌun káꞌánꞌ nú kúneí iniꞌ ránꞌ re̱ꞌ, chi suni nteso̱ꞌo máá maáránꞌ tu̱ꞌun káꞌánꞌ re̱ꞌ, jee jíníꞌ ránꞌ ya̱ máá nijia re̱ꞌ kúvi ya̱ xínánitáꞌvíꞌ re̱ꞌ rá ñɨvɨ ñɨ̱vɨ́ yaꞌá ―nkachiꞌ ráa.

Juan 7:41

Jee sava ka̱ꞌ rá ñɨvɨ vá nkachiꞌ: ―Te̱e yaꞌá kúvi máá Cristo ―nkachiꞌ rá ñɨvɨ vá. Soo sava ráa ka̱ꞌ nkachiꞌ: ―Ntu̱ví chi nsú nu̱u̱nꞌ ñuunꞌ Galilea kiji Cristo.

Hechos 17:3

Nna̱kachiꞌ va̱ꞌa re̱ꞌ ka̱ꞌ tu̱ꞌun vá. Jee nxi̱néꞌénꞌ re̱ꞌ ya̱ Tu̱ꞌun Ndiosíꞌ nkachiꞌ‑i ya̱ Cristo, jee íyó kunoꞌo‑o jee natekuꞌ i̱i̱ꞌ‑i kene nteñu rá níꞌiꞌ. Jee nkachiꞌ Pablo: ―Cristo ví Jesús. Maáréꞌ ví ya̱ stékútu̱ꞌún ni̱ꞌ nu̱u̱nꞌ rán.

Hechos 8:36

Jee ni kua̱ꞌa̱nꞌ ráa ichi, jee nkenta ráa nu̱u̱nꞌ ñúꞌún nute. Jee nkachiꞌ te̱e nísotíñú vá: ―¡Kune̱ꞌyá nute vá! ¿Á íyó ya̱ chúsává ya̱ kuanuté ni̱ꞌ?

Hechos 9:22

Soo núneí ka̱ꞌ iniꞌ Saulo káꞌánꞌ re̱ꞌ. Jee nsa̱ꞌá re̱ꞌ ya̱ nku̱naan nku̱suꞌva rá ñɨvɨ Israel nééꞌ nu̱u̱nꞌ ñuunꞌ Damasco, chi nstúvi re̱ꞌ ya̱ Jesús kúvi nijia Cristo.

1 Juan 5:1

Nta̱ká ñɨvɨ ya̱ jínúꞌ iniꞌ ya̱ Jesús ví Cristo, ya̱ ñani Ndiosíꞌ sáva tatúníꞌ‑i nu̱u̱nꞌ ñɨ̱vɨ́, jee suviráa sáꞌá Ndiosíꞌ ya̱ nna̱kaku ráa kúvi nijia ráa se̱ꞌya re̱ꞌ. Jee nta̱ká ñɨvɨ ya̱ ñúnúunꞌ ráa maáréꞌ ya̱ kúvi Tátáꞌ ráa, jee suni ñúnúunꞌ ráa rá inka ñɨvɨ ya̱ nsa̱ꞌá re̱ꞌ ya̱ nna̱kaku ráa kúvi ráa se̱ꞌya re̱ꞌ.