Lucas 8:51 - Mixteco del suroeste de Tlaxiaco Oaxaca

⁵¹ Jee sáá nkenta re̱ꞌ veꞌi Jairo, jee ntu njiáꞌa re̱ꞌ ki̱vɨ rá inka ka̱ꞌ ñɨvɨ jín re̱ꞌ, chisaꞌ kua̱chi Pedro ni jín Juan jín Jacobo, jín tátáꞌ jín nánáꞌ ñalúlí vá.

Lucas 8:51 ပူးပေါင်းရင်းမြစ်များ

Marcos 14:33

Jee nkeꞌen re̱ꞌ Pedro, Jacobo jín Juan, jee nka̱jiéꞌé nku̱kuíꞌyá iniꞌ re̱ꞌ jee nna̱niꞌvɨꞌ víꞌí iniꞌ re̱ꞌ.

Lucas 6:14

Jee rá nka̱ji re̱ꞌ ví: Simón ya̱ suni nsi̱kúnání re̱ꞌ maa Pedro, jín ñani‑i ya̱ naní Andrés, jín Jacobo jín Juan, jín Felipe, jín Bartolomé,

Lucas 8:50

Soo sáá tésóꞌo Jesús ya̱ nkachiꞌ te̱e vá, jee nkachiꞌ Jesús nu̱u̱nꞌ Jairo: ―Koto yúꞌví nú, kua̱chi kuitɨꞌ vá kuneí iniꞌ nú nuꞌuꞌ, jee nuva̱ꞌa se̱ꞌya nú ―nkachiꞌ re̱ꞌ.

Lucas 8:52

Jee ntáká rá ñɨvɨ nééꞌ veꞌi Jairo náꞌyúꞌ ráa jee íyó tu̱nkuíꞌyáꞌ iniꞌ ráa jie̱ꞌe̱ꞌ ñalúlí vá. Soo nkachiꞌ Jesús nu̱u̱nꞌ ráa: ―Koto náꞌyúꞌ rán, chi nsáꞌ ni̱ꞌi̱ꞌ ña, chisaꞌ kíxíꞌ ña ―nkachiꞌ re̱ꞌ.

Lucas 9:28

Jee sáá njia̱ꞌa yatin u̱na̱ꞌ ki̱vɨ̱ꞌ ya̱ nkachiꞌ re̱ꞌ rá tu̱ꞌun yukuán, jee nkeꞌen re̱ꞌ Pedro jín Juan jín Jacobo, jee kua̱ꞌa̱nꞌ re̱ꞌ jín ráa nu̱u̱nꞌ yuku kua̱kaꞌanꞌ re̱ꞌ jín Ndiosíꞌ.

Hechos 9:40

I̱ña̱jée ntavaꞌ Pedro nɨꞌɨ ráa chíkéꞌi. Jee ña̱kui̱ñɨ̱ꞌ ítɨ́ re̱ꞌ jee nkaꞌanꞌ re̱ꞌ jín Ndiosíꞌ. Sáá nna̱koto re̱ꞌ nu̱u̱nꞌ ñunéꞌyúꞌ ña, jee nkachiꞌ re̱ꞌ: ―Tabita. Nako̱o. Jee nna̱kune nchinúún ña, jee sáá niniꞌ ña Pedro jee nnako̱o ña nna̱kuneeꞌ ña.