Lucas 8:25 - Mixteco del suroeste de Tlaxiaco Oaxaca

²⁵ Jee nkachiꞌ re̱ꞌ nu̱u̱nꞌ ráa: ―¿Né núꞌ íyó ya̱ kúneí iniꞌ ránú nuꞌuꞌ rúja? ―nkachiꞌ re̱ꞌ. Soo nyu̱ꞌví ráa jee nti̱vɨ́ xíniꞌ ráa jee nkachiꞌ ɨɨn inka ráa: ―¿Na̱ te̱e ka̱ꞌ kúvi te̱e yaꞌá, ya̱ ne̱ nu̱u̱nꞌ rá ta̱chi̱ꞌ víjin jín nu̱u̱nꞌ nute tátúníꞌ re̱ꞌ, jee káníjiá ráa maa? ―nkachiꞌ ráa.

Lucas 8:25 ပူးပေါင်းရင်းမြစ်များ

Mateo 14:31

Jee kuísá ntañúꞌún kuitɨꞌ nsi̱kááꞌ Jesús naꞌá re̱ꞌ, jee nna̱tɨɨn re̱ꞌ naꞌá‑a, jee nkachiꞌ re̱ꞌ nu̱u̱nꞌ‑u: ―¡Na̱ ka̱ꞌ yakuꞌ ka̱ꞌ kúneí iniꞌ nú nuꞌuꞌ! ¿Na̱ kuvi chi ni̱yo tu̱ꞌun jiáni iniꞌ nú jie̱ꞌe̱ꞌ nuꞌuꞌ? ―nkachiꞌ Jesús.

Mateo 17:20

Jee nkachiꞌ Jesús nu̱u̱nꞌ ráa: ―Ntu nkúvi tavaꞌ rán maa jie̱ꞌe̱ꞌ matíꞌínꞌ kúneí iniꞌ rán Ndiosíꞌ. Chi máá naáꞌ vá káchíꞌ ni̱ꞌ nu̱u̱nꞌ rán, ya̱ retánꞌ kúneí iniꞌ rán Ndiosíꞌ, sú máá lúlí nijia kua̱ꞌ kuéntáꞌ íyó ɨɨn nikɨn lúlí yutun kúlíꞌ, yukuán jee kachiꞌ rán nu̱u̱nꞌ ɨɨn yuku yaꞌá: “Kuiyo nu̱u̱nꞌ íñɨ́ nú yaꞌá, jee kuáꞌán kuiñɨ nu̱u̱nꞌ yukuán”, jee kuiyo‑o, jee ntu íyó ɨɨn tiñu víjí ya̱ nkúvi saꞌá rán.

Mateo 6:30

Jee ya̱ sukuán viiꞌ nasɨ́kuitɨꞌ síkúnijin Ndiosíꞌ rá yu̱ku̱ꞌ yúkú íyó nu̱u̱nꞌ kuꞌúꞌ vitan, jee ki̱vɨ̱ꞌ steñu̱ꞌún chuꞌun ñɨvɨ maa nu̱u̱nꞌ ñuꞌúnꞌ sikáyúꞌ‑u maa, jee ya̱ sukuán síkúnijin Ndiosíꞌ rá yu̱ku̱ꞌ yúkú, jee, ¿á nsú saꞌ víꞌí káꞌ sikúnijin re̱ꞌ ránoꞌó rúja? Ránoꞌó chi matíꞌínꞌ nijia kúneí iniꞌ rán re̱ꞌ.

Mateo 8:10

Jee sáá nteso̱ꞌo Jesús rá tu̱ꞌun nkachiꞌ‑i, jee nti̱vɨ́ xíniꞌ re̱ꞌ, jee nkachiꞌ re̱ꞌ nu̱u̱nꞌ rá ñɨvɨ ya̱ níkɨ́nꞌ ráa re̱ꞌ kua̱ꞌa̱nꞌ: ―Máá nááꞌ vá káchíꞌ ni̱ꞌ nu̱u̱nꞌ rán, ya̱ ni sú nu̱u̱nꞌ ñuunꞌ Israel ntu nnániꞌinꞌ ni̱ꞌ ni ɨɨn ñɨvɨ ya̱ kúneí víꞌí iniꞌ‑i nuꞌuꞌ, kuéntáꞌ kua̱ꞌ kúneí iniꞌ te̱e yaꞌá nuꞌuꞌ.

Mateo 8:26

Jee nkachiꞌ re̱ꞌ nu̱u̱nꞌ ráa: ―¿Na̱ kuvi chi yúꞌví víꞌí rán rúja?, ránoꞌó ya̱ yakuꞌ kúneí iniꞌ rán nuꞌuꞌ ―nkachiꞌ re̱ꞌ. Saájee nnakui̱ñɨ̱ꞌ nichiꞌ re̱ꞌ, jee nnu̱xeenꞌ re̱ꞌ nu̱u̱nꞌ ta̱chi̱ꞌ xéénꞌ jín nu̱u̱nꞌ jísóꞌ nteñúꞌún, jee ña̱kui̱ñɨ̱ꞌ rává, jee níín kuitɨꞌ nkuvi.

Marcos 4:35

Sáá nkua̱a̱ꞌ ki̱vɨ̱ꞌ yukuán, nkachiꞌ Jesús nu̱u̱nꞌ rá te̱e súkuáꞌa re̱ꞌ ráa: ―Kɨ̱jia̱ꞌa‑órán íyo ka̱ꞌ ichi yúnteñúꞌún.

Lucas 12:28

Jee ya̱ sukuán viiꞌ nasɨ́kuitɨꞌ síkúnijin Ndiosíꞌ rá yu̱ku̱ꞌ yúkú íyó nu̱u̱nꞌ kuꞌúꞌ vitan, jee ki̱vɨ̱ꞌ steñu̱ꞌún chuꞌun ñɨvɨ maa nu̱u̱nꞌ ñuꞌúnꞌ sikáyúꞌ‑u maa, jee ya̱ sukuán síkúnijin Ndiosíꞌ yu̱ku̱ꞌ yúkú saájee saꞌ víꞌí káꞌ sikúnijin re̱ꞌ ránoꞌó ya̱ matíꞌínꞌ nijia kúneí iniꞌ rán re̱ꞌ.

Lucas 8:24

Saájee rá te̱e ña̱xinóto ráa re̱ꞌ, jee nkachiꞌ ráa: ―¡Mestrúꞌ! ¡Mestrúꞌ! ¡Kuviꞌ‑ó! ―nkachiꞌ ráa. Jee nnoto re̱ꞌ jee nnu̱xeenꞌ re̱ꞌ nu̱u̱nꞌ ta̱chi̱ꞌ sa̱vi jín nu̱u̱nꞌ jísóꞌ nute jee ña̱kui̱ñɨ̱ꞌ ráa jee níín nkuvi‑i.

Lucas 8:26

Jee síkáka ráa barkúꞌ kua̱ꞌa̱nꞌ ráa jín‑i yunúte nu̱u̱nꞌ ñu̱ꞌún ñuunꞌ Gadara, ya̱ káá íyo ka̱ꞌ ichi yúnteñúꞌún ñuunꞌ Galilea.

Juan 11:40

Soo nkachiꞌ Jesús: ―¿Á nsáꞌ nkachiꞌ ni̱ꞌ nu̱u̱nꞌ nú ya̱ retú jínúꞌ iniꞌ nú nuꞌuꞌ jee kuniꞌ nú ya̱ kúñáꞌnú nasɨ́kuitɨꞌ ví Ndiosíꞌ? ―nkachiꞌ Jesús.