Lucas 7:47 - Mixteco del suroeste de Tlaxiaco Oaxaca

⁴⁷ Jee saáva káchíꞌ ni̱ꞌ nu̱u̱nꞌ nú: nne̱káꞌnú iniꞌ ni̱ꞌ rá kue̱ꞌe̱ꞌ kua̱chi ña. Saáva ñúnúunꞌ víꞌí ña nuꞌuꞌ. Soo ñɨvɨ ya̱ yakuꞌ nékáꞌnú iniꞌ ni̱ꞌ jee yakuꞌ ñúnúunꞌ‑u nuꞌuꞌ ―nkachiꞌ Jesús.

Lucas 7:47 ပူးပေါင်းရင်းမြစ်များ

Mateo 10:37

Jee néni ɨɨn ñɨvɨ ya̱ ñúnúunꞌ‑u ka̱ꞌ tátáꞌ‑a áxí nánáꞌ‑a, nsú káꞌ nuꞌuꞌ, jee nsú ñɨvɨ ya̱ íyó ni̱ꞌi̱nꞌ‑i ya̱ kɨꞌɨ‑ɨ xi̱ntíín ni̱ꞌ, jee néni ɨɨn ñɨvɨ ya̱ ñúnúunꞌ‑u ka̱ꞌ se̱ꞌya yɨ́ɨ́‑ɨ áxí se̱ꞌya sɨ́ꞌɨ́‑ɨ, nsú káꞌ ya̱ ñúnúunꞌ nuꞌuꞌ, jee nsú ñɨvɨ ya̱ íyó ni̱ꞌi̱nꞌ‑i ya̱ kɨꞌɨ‑ɨ xi̱ntíín ni̱ꞌ.

Lucas 7:39

Jee te̱e fariseo vá ya̱ nkana re̱ꞌ Jesús veꞌi re̱ꞌ, jee sáá niniꞌ re̱ꞌ ya̱ nsa̱ꞌá ña sukuán, jee ñani iniꞌ maáréꞌ: “Retú te̱e nákani tu̱ꞌun kéne yuꞌú Ndiosíꞌ ví te̱e yaꞌá, jee kukáꞌnú iniꞌ re̱ꞌ né ɨɨn ví ñaꞌan yaꞌá jín na̱sa ñaꞌan ví ña ya̱ kákɨ́ꞌɨ ña re̱ꞌ, chi ñaꞌan íyó kua̱chi ví ña.”

Lucas 7:46

Jee ni ntu nchi̱só nú aceite xi̱ni̱ꞌ ni̱ꞌ sánikua̱ꞌ íyó ñujiínꞌ, soo maáña chi nchi̱só ña nute jiáꞌánꞌ vi̱xi̱ꞌ rá jie̱ꞌe̱ꞌ ni̱ꞌ.

Lucas 7:48

Saájee nkachiꞌ re̱ꞌ nu̱u̱nꞌ ña: ―Nne̱káꞌnú iniꞌ jie̱ꞌe̱ꞌ rá kua̱chi nsa̱ꞌá nú ―nkachiꞌ re̱ꞌ.

Hechos 5:31

Jee Jesús vá, nxi̱náa Ndiosíꞌ re̱ꞌ kuñáꞌnú re̱ꞌ ichi kuáꞌá‑a. Ñani Ndiosíꞌ re̱ꞌ sáva tátúníꞌ re̱ꞌ yukuán jee xínánitáꞌvíꞌ re̱ꞌ ñɨvɨ. Nsa̱ꞌá Ndiosíꞌ suꞌva, sáva ku̱ꞌva re̱ꞌ ya̱ nakani iniꞌ rá ñɨvɨ Israel jie̱ꞌe̱ꞌ rá kua̱chi ráa, jee kunekáꞌnú iniꞌ re̱ꞌ jie̱ꞌe̱ꞌ rá kua̱chi ráa.

Romanos 5:20

Soo nkenta tu̱ꞌun ley nta̱túníꞌ Ndiosíꞌ sáva kukueꞌeꞌ ka̱ꞌ kua̱chi sáꞌá ñɨvɨ. Soo sáá nku̱kueꞌeꞌ kua̱chi íyó, jee kúkueꞌeꞌ ka̱ꞌ íyó mániꞌ iniꞌ Ndiosíꞌ néꞌyá re̱ꞌ yó.

2 Corintios 5:14

Chi jie̱ꞌe̱ꞌ ya̱ ñúnúunꞌ Cristo yó ví ya̱ tétuvi‑i ránuꞌuꞌ ya̱ kɨtíñú ránꞌ nu̱u̱nꞌ re̱ꞌ. Jee ya̱ nku̱túníꞌ iniꞌ ránꞌ yaꞌá, ya̱ Cristo ni̱ꞌi̱ꞌ jie̱ꞌe̱ꞌ kua̱íyó ñɨvɨ jee saáva íyó kuéntáꞌ níꞌiꞌ nta̱ká‑ó jín re̱ꞌ.

Gálatas 5:6

Chi ntáká‑ó ya̱ yɨ́ꞌɨ́‑ó nu̱u̱nꞌ Cristo Jesús, ntu̱náꞌ íyótiñu koo circuncidado maáó, áxí ntu̱ví. Soo ya̱ yɨ́yáꞌvi ka̱ꞌ vá kúneí iniꞌ‑ó Jesús, jee ya̱ kúneí iniꞌ‑ó maa sáꞌá ya̱ kunu̱u̱nꞌ‑ó táꞌán‑ó.

Efesios 6:24

Na̱ ka̱ꞌ íyó mániꞌ iniꞌ Ndiosíꞌ kune̱ꞌyá re̱ꞌ ntáká ránoꞌó ya̱ ñúnúunꞌ rán I̱toꞌoꞌ‑ó Jesús ya̱ kúvi Cristo, ya̱ ni nsáꞌ nuyakuꞌ ya̱ ñúnúunꞌ rán maa.

Filipenses 1:9

Jee jíkánꞌ táꞌvíꞌ ni̱ꞌ nu̱u̱nꞌ Ndiosíꞌ, ya̱ saꞌ víꞌí káꞌ sáá kunu̱u̱nꞌ víꞌí rán ka̱ꞌ ñɨvɨ jín Ndiosíꞌ, jín ya̱ kujia víꞌí iniꞌ rán ka̱ꞌ, sáva kuniꞌ rán ka̱ꞌ tu̱ꞌun nááꞌ Ndiosíꞌ, jín sáva kuníchí xi̱ni̱ꞌ rán ka̱ꞌ jie̱ꞌe̱ꞌ ichi re̱ꞌ.

1 Timoteo 1:14

Jee ni̱yo ma̱ni̱ꞌ nasɨ́kuitɨꞌ iniꞌ I̱toꞌoꞌ‑ó nne̱ꞌyá re̱ꞌ nuꞌuꞌ, sú ntu íyó níꞌin ni̱ꞌ maa. Suꞌva nsa̱ꞌá re̱ꞌ, ya̱ kuneí iniꞌ ni̱ꞌ re̱ꞌ, jín ya̱ kunu̱u̱nꞌ ni̱ꞌ rá ñɨvɨ, chi yɨ́ꞌɨ́ ni̱ꞌ nu̱u̱nꞌ Cristo Jesús.

1 Juan 1:7

Soo retú na̱a̱ꞌ jiáꞌnu‑ó kuéntáꞌ nu̱u̱nꞌ túúnꞌ ñuꞌunꞌ sánikua̱ꞌ íyó maáréꞌ nu̱u̱nꞌ túúnꞌ ñuꞌunꞌ ya̱ kúvi ya̱ na̱a̱ꞌ íyó maáréꞌ, saájee íyó ɨnuún‑ó jín ɨɨn inka táꞌán‑ó, jee nónoo‑ó nu̱u̱nꞌ re̱ꞌ chi ni̱ꞌi̱ꞌ maá Se̱ꞌya re̱ꞌ Jesús jee ñatɨ ni̱ñɨ̱ꞌ vá sáva nasánoo‑o yó nu̱u̱nꞌ nta̱ká kua̱chi‑ó.

1 Juan 3:18

Ránoꞌó ya̱ kúvi kuéntáꞌ se̱ꞌya ni̱ꞌ, koto ñúnúunꞌ‑ó jín kua̱chi tu̱ꞌun káꞌánꞌ‑ó jín yuꞌú‑ó, chisaꞌ kunu̱u̱nꞌ nijia‑ó jín tiñu váꞌa saꞌá‑ó.

1 Juan 4:19

Jee maáó chi ñúnúunꞌ‑ó Ndiosíꞌ jín ñɨvɨ chi xíꞌna maáréꞌ ka̱ꞌ vá nñunu̱u̱nꞌ re̱ꞌ yó.

1 Juan 5:3

Chi tu̱ꞌun ñúnúunꞌ‑ó Ndiosíꞌ kúvi yaꞌá ya̱ síkúnkuvi‑ó rá tu̱ꞌun nta̱túníꞌ re̱ꞌ. Jee rá tiñu nta̱túníꞌ re̱ꞌ chi nsáꞌ véi ví‑i.