Lucas 7:25 - Mixteco del suroeste de Tlaxiaco Oaxaca

²⁵ Soo ¿ná kúvi ya̱ nkene rán ña̱ne̱ꞌyá rán réja? ¿Á ɨɨn te̱e ñúꞌún saꞌma vi̱tá váꞌa stíláꞌ réja? Ntu̱ví, chi rá te̱e ya̱ ñúꞌún ráa saꞌma stíláꞌ maa viiꞌ nééꞌ stíláꞌ ráa kúká ráa iniꞌ rá veꞌi káꞌnú nu̱u̱nꞌ nééꞌ rá te̱e kúñáꞌnú ya̱ tátúníꞌ.

Lucas 7:25 ပူးပေါင်းရင်းမြစ်များ

Mateo 11:8

Áxí, ¿ná kúvi ya̱ nkene rán ña̱ne̱ꞌyá rán réja? ¿Á ɨɨn te̱e ñúꞌún saꞌma vi̱tá váꞌa stíláꞌ réja? Ntu̱ví, chi rá te̱e ñúꞌún ráa saꞌma stíláꞌ maa viiꞌ váꞌa, jee nééꞌ ráa iniꞌ rá veꞌi káꞌnú nu̱u̱nꞌ nééꞌ rá te̱e kúñáꞌnú ya̱ tátúníꞌ.

Mateo 3:4

Jee ñúꞌún Juan saꞌma láꞌví ya̱ kúvi ixi kitɨ kameyúꞌ, jín ɨɨn manchíjí ñɨɨn yɨ́ꞌɨ́ chi̱ji re̱ꞌ, jee nyajiꞌ re̱ꞌ lito̱o̱ꞌ jín nu̱xi ñu̱ñu̱ꞌ yúkú.

Mateo 6:29

Soo káchíꞌ ni̱ꞌ nu̱u̱nꞌ rán, ya̱ Salomón, ya̱ viiꞌ nku̱ñáꞌnú re̱ꞌ nta̱túníꞌ re̱ꞌ ñuunꞌ Israel jee súka̱ꞌ viiꞌ nasɨ́kuitɨꞌ ni̱yo rá saꞌma nñúꞌun re̱ꞌ, soo ni maá Salomón ni ntu̱ví nñúꞌun re̱ꞌ saꞌma kuéntáꞌ kua̱ꞌ viiꞌ nasɨ́kuitɨꞌ níji ɨɨn rá itaꞌ vá.

Lucas 16:19

’Jee ni̱yo ɨɨn te̱e kúká, jee ñúꞌún re̱ꞌ saꞌma máá váꞌa líꞌí, jee ta ki̱vɨ̱ꞌ kúsɨ́ɨꞌ iniꞌ re̱ꞌ yájíꞌ re̱ꞌ máá neyu váꞌa.

Lucas 7:24

Jee sáá nna̱kechí rá te̱e vá ya̱ nchui̱chí Juan, jee nka̱jiéꞌé Jesús káꞌánꞌ re̱ꞌ jie̱ꞌe̱ꞌ Juan nu̱u̱nꞌ rá ñɨvɨ kue̱ꞌe̱ꞌ yukuán: ―¿Ná kúvi ya̱ nkene rán ña̱ne̱ꞌyá rán nu̱u̱nꞌ ñu̱ꞌún saɨn nu̱u̱nꞌ ntu̱náꞌ ñɨvɨ nééꞌ rúja? ¿Á [ɨɨn te̱e kási̱kɨ́ kuéntáꞌ] ɨɨn tu̱nooꞌ iteꞌ ya̱ síkántáꞌ ta̱chi̱ꞌ víjin rúja?

Lucas 7:26

Soo ¿ná kúvi ya̱ nkene rán ña̱ne̱ꞌyá rán rúja?, ¿á ɨɨn te̱e ya̱ nákani re̱ꞌ tu̱ꞌun kéne yuꞌú máá maá Ndiosíꞌ rúja? Saá nijia ví, soo káchíꞌ ni̱ꞌ nu̱u̱nꞌ rán ya̱ kúñáꞌnú re̱ꞌ ka̱ꞌ nsú káꞌ rá inka te̱e nna̱kani tu̱ꞌun nkene yuꞌú Ndiosíꞌ.