Lucas 7:24 - Mixteco del suroeste de Tlaxiaco Oaxaca

²⁴ Jee sáá nna̱kechí rá te̱e vá ya̱ nchui̱chí Juan, jee nka̱jiéꞌé Jesús káꞌánꞌ re̱ꞌ jie̱ꞌe̱ꞌ Juan nu̱u̱nꞌ rá ñɨvɨ kue̱ꞌe̱ꞌ yukuán: ―¿Ná kúvi ya̱ nkene rán ña̱ne̱ꞌyá rán nu̱u̱nꞌ ñu̱ꞌún saɨn nu̱u̱nꞌ ntu̱náꞌ ñɨvɨ nééꞌ rúja? ¿Á [ɨɨn te̱e kási̱kɨ́ kuéntáꞌ] ɨɨn tu̱nooꞌ iteꞌ ya̱ síkántáꞌ ta̱chi̱ꞌ víjin rúja?

Lucas 7:24 ပူးပေါင်းရင်းမြစ်များ

Génesis 49:4

Soo jiáꞌa saꞌá nú kuéntáꞌ jínu nute, jee nkúvi nú ka̱ꞌ ya̱ xíꞌnañúꞌún, chi nka̱a nú nu̱u̱nꞌ i̱to ni̱ꞌ jín ñaꞌan nna̱kasaɨn ni̱ꞌ jee njia̱ꞌa nú tu̱nkánuun nu̱u̱nꞌ‑ó.

Lucas 1:80

Jee sáá ñaꞌnu te̱e lúlí vá jee nku̱nei iniꞌ ánímaꞌ‑a. Jee nneeꞌ‑e nu̱u̱nꞌ ñu̱ꞌún saɨn nu̱u̱nꞌ ntu̱ví ñɨvɨ, ne̱kua̱ꞌ nkenta ki̱vɨ̱ꞌ ya̱ nna̱stúvi‑i maáa nu̱u̱nꞌ rá ñɨvɨ ñuunꞌ Israel.

Lucas 3:2

Jee rá tiempúꞌ yukuán, jee su̱tu̱ꞌ kúñáꞌnú kúvi Anás jín Caifás, jee Tu̱ꞌun Ndiosíꞌ nkenta‑a nu̱u̱nꞌ Juan, se̱ꞌya Zacarías, ya̱ nééꞌ ne̱ nu̱u̱nꞌ ñu̱ꞌún saɨn.

Lucas 7:23

Jee na̱ ka̱ꞌ netuꞌ ka̱ꞌ kúvi ñɨvɨ ya̱ ntu kúníní iniꞌ‑i jie̱ꞌe̱ꞌ nuꞌuꞌ jee ntu kúsɨ́ɨ́n‑ɨ nu̱u̱nꞌ nuꞌuꞌ ―nkachiꞌ Jesús nu̱u̱nꞌ rá te̱e vá.

Lucas 7:25

Soo ¿ná kúvi ya̱ nkene rán ña̱ne̱ꞌyá rán réja? ¿Á ɨɨn te̱e ñúꞌún saꞌma vi̱tá váꞌa stíláꞌ réja? Ntu̱ví, chi rá te̱e ya̱ ñúꞌún ráa saꞌma stíláꞌ maa viiꞌ nééꞌ stíláꞌ ráa kúká ráa iniꞌ rá veꞌi káꞌnú nu̱u̱nꞌ nééꞌ rá te̱e kúñáꞌnú ya̱ tátúníꞌ.

Juan 1:23

Jee nna̱xiníkó Juan nu̱u̱nꞌ ráa: ―Maáníꞌ kúvi nusuyuꞌú ya̱ kánajíín ne̱ nu̱u̱nꞌ ñu̱ꞌún sáɨn nu̱u̱nꞌ ntu̱ví ñɨvɨ jee káchíꞌ‑i: “[Satúꞌva rán ánímaꞌ rán sáva koo maniꞌ rán natuꞌva rán I̱toꞌoꞌ‑ó kuéntáꞌ] nasaꞌá na̱a̱ꞌ rán ichi kiaaꞌ re̱ꞌ”, sáni nkachiꞌ Isaías te̱e nna̱kani tu̱ꞌun nkene yuꞌú máá maá Ndiosíꞌ ne̱ yanaꞌán.

Efesios 4:14

Sáva nkúvi‑ó ka̱ꞌ kuéntáꞌ rá súchí lúlí ya̱ ntu ɨɨn ni jiáni iniꞌ ráa, jee sáva ntu kúvi‑ó ka̱ꞌ kuéntáꞌ ɨɨn nantíñú xínó xíníji ta̱chi̱ꞌ víjin chínaꞌá‑a cháꞌá chúkuán ya̱ súkuíkó‑o, chi nsáꞌ síkívɨ inka tu̱ꞌun ka̱ꞌ maáó yaꞌá yukuán, ya̱ xínéꞌénꞌ rá te̱e xínáꞌví cháꞌá chúkuán, ya̱ nito nasɨ́kuitɨꞌ íyó ráa jee máñáꞌ ráa jín tu̱ꞌun jíta xínéꞌénꞌ ráa.

2 Pedro 2:17

Jee kúvi ráa kuéntáꞌ kúvi ɨɨn nu̱u̱nꞌ kéne nute soo ntu íyó nute maa, jee suni kuéntáꞌ vi̱ko̱ꞌ yo̱ko̱ꞌ nute ya̱ xínéchi ta̱chi̱ꞌ xéénꞌ soo ntu kúun sa̱vi. Jee maáráa chi ya̱ íyó stákoo ɨɨn nu̱u̱nꞌ neenꞌ víꞌí kɨꞌɨ ráa nɨ́ɨ́nkání.

2 Pedro 3:17

Soo ránoꞌó ñanitáꞌán ya̱ ñúnúunꞌ ni̱ꞌ, ya̱ jíníꞌ rán ya̱ íyó ñɨvɨ ya̱ násama ráa na̱sa kua̱ꞌ kuíni káchíꞌ Tu̱ꞌun Ndiosíꞌ, saájee kumí rán maárán, sáva ntu xtakaa rá te̱e kánéꞌén vá ránoꞌó sáva ntu chinikɨn rán rá tu̱ꞌun xtívɨ́ ya̱ xínéꞌénꞌ ráa, jee sáva ntu kininkava rán nu̱u̱nꞌ íñɨ́ kutú rán jín Tu̱ꞌun Ndiosíꞌ.