Lucas 7:19 - Mixteco del suroeste de Tlaxiaco Oaxaca

¹⁹ jee nchui̱chí re̱ꞌ ráa kua̱ꞌa̱nꞌ ráa nu̱u̱nꞌ I̱toꞌoꞌ‑ó sáva katu̱ꞌún ráa: ―¿Á noꞌó ví Cristo ya̱ nchi̱sóyuꞌú Ndiosíꞌ ya̱ íyó kiji‑i tatúníꞌ‑i nu̱u̱nꞌ nɨꞌɨ?, áxí, ¿á íyó kunetu ráníꞌ inka ka̱ꞌ? ―nkachiꞌ Juan ya̱ kachiꞌ ráa.

Lucas 7:19 ပူးပေါင်းရင်းမြစ်များ

Génesis 22:18

Jee kuatíñú ni̱ꞌ rá ichiyúkúnꞌ nú sáva saꞌá ni̱ꞌ ya̱ netuꞌ kuvi rá ñɨvɨ ntáká rá nación íyó ñɨ̱vɨ́ yaꞌá, chi jie̱ꞌe̱ꞌ nika̱ꞌ nka̱níjiá nú ya̱ káchíꞌ ni̱ꞌ ―nkachiꞌ máá najiáꞌáꞌ ííꞌ I̱toꞌoꞌ.

Génesis 3:15

Jee saꞌá ni̱ꞌ ya̱ tu̱fi̱ꞌ ta̱ꞌán noꞌó jín ñaꞌan vá, jín ya̱ tu̱fi̱ꞌ ta̱ꞌán se̱ꞌya ichiyúkúnꞌ nú jín se̱ꞌya ichiyúkúnꞌ ña. Jee ɨɨn se̱ꞌya ichiyúkúnꞌ ña xtufíꞌ re̱ꞌ xi̱ni̱ꞌ nú, jee suvinú xtufíꞌ xu̱jieꞌéꞌ re̱ꞌ.

Génesis 49:10

Jee nkuíyo bastón nu̱u̱nꞌ Judá, jee kino̱o bastón te̱e néetiñu jín rá ichiyúkúnꞌ kiji nu̱u̱nꞌ re̱ꞌ ya̱ tatúníꞌ ráa ne̱kua̱ꞌ kiji te̱e xí karútíꞌ vá, jee rá ñɨvɨ ntáká rá ñuunꞌ kaníjiá ráa re̱ꞌ.

Marcos 6:7

Jee nkana re̱ꞌ ni uxúꞌ u̱vi̱ꞌ (12) rá te̱e. Jee nka̱jiéꞌé re̱ꞌ chuichí re̱ꞌ ta u̱vi̱ꞌ, ta u̱vi̱ꞌ ráa. Njia̱ꞌa re̱ꞌ tiñu tatúníꞌ ráa sáva taníkɨ́nꞌ ráa rá ta̱chi̱ꞌ néꞌí yɨ́ꞌɨ́ ñɨvɨ.

Lucas 10:1

Jee sáá njia̱ꞌa rá yukuán, jee ñani I̱toꞌoꞌ‑ó inka u̱ni̱xiko u̱ji̱ꞌ (70) ka̱ꞌ rá te̱e jee nchu̱ichí re̱ꞌ ni uvíꞌ ni uvíꞌ ráa kua̱ꞌa̱nꞌ xíꞌna ka̱ꞌ ntáká rá ñuunꞌ ntáká nu̱u̱nꞌ ya̱ íyó kɨ̱ꞌɨ̱nꞌ re̱ꞌ.

Lucas 11:1

Nkuvi suꞌva sáá nééꞌ Jesús ɨɨn nu̱u̱nꞌ káꞌánꞌ re̱ꞌ jín Ndiosíꞌ. Jee sáá nkuvi ni̱ka̱nꞌ táꞌvíꞌ re̱ꞌ jee ɨɨn rá te̱e kútáꞌán jín re̱ꞌ súkuáꞌa re̱ꞌ, nkachiꞌ‑i nu̱u̱nꞌ re̱ꞌ: ―I̱toꞌoꞌ, xinéꞌénꞌ ránuꞌuꞌ na̱ja ka̱ka̱nꞌ táꞌvíꞌ ránꞌ nu̱u̱nꞌ Ndiosíꞌ sánikua̱ꞌ suni nxi̱néꞌénꞌ Juan nu̱u̱nꞌ rá te̱e nku̱táꞌán jín re̱ꞌ nsu̱kuáꞌa re̱ꞌ ráa.

Lucas 11:39

Soo nkachiꞌ I̱toꞌoꞌ‑ó nu̱u̱nꞌ fariseo vá: ―Ránoꞌó fariseo, jee kuéntáꞌ nákete rán kua̱chi ya̱ta̱ꞌ vasúꞌ jíꞌi rán jín ya̱ta̱ꞌ ko̱ꞌo̱ꞌ ñúyájíꞌ rán. Soo ichi iniꞌ ránú ñúchitú máá tu̱ꞌun u̱ꞌvi̱ꞌ iniꞌ jín tu̱ꞌun níváꞌa.

Lucas 12:42

Saájee nkachiꞌ I̱toꞌoꞌ‑ó: ―¿Né ɨɨn kuvi musúꞌ ya̱ ñúꞌún kájí xi̱ni̱ꞌ‑i síkúnkuvi na̱a̱ꞌ va̱ꞌa‑a, ya̱ ñani i̱toꞌoꞌ xí tiñu‑u maa sáva kuneen kuéntáꞌ‑a rá inka ka̱ꞌ táꞌán musúꞌ‑u veꞌi re̱ꞌ sáva ku̱ꞌva‑a kajiꞌ ráa máá hora íyó ku̱ꞌva maa rúja?

Lucas 13:15

Saájee nna̱xiníkó I̱toꞌoꞌ‑ó Jesús nu̱u̱nꞌ te̱e vá jee nkachiꞌ re̱ꞌ: ―Te̱e sansuꞌva ni kúvi rán, chi ta ɨɨn rán, ¿á ntu nánají nú xi̱ni̱kɨ̱ꞌ nú áxí burrúꞌ nú rá ki̱vɨ̱ꞌ nájiáví jiásikóꞌo nú nute rátíꞌ rúja?

Lucas 17:5

Saájee rá najiáꞌáꞌ I̱toꞌoꞌ‑ó ya̱ níso ráa tiñu apóstol ya̱ chuichí re̱ꞌ, jee nkachiꞌ ráa nu̱u̱nꞌ re̱ꞌ: ―Saꞌá nú ya̱ kukueꞌeꞌ ka̱ꞌ i̱nu̱ꞌ iniꞌ ránꞌ kuneí iniꞌ ránꞌ noꞌó ―nkachiꞌ ráa.

Lucas 17:6

Saájee nkachiꞌ I̱toꞌoꞌ‑ó nu̱u̱nꞌ ráa: ―Retánꞌ ínúꞌ iniꞌ rán kúneí iniꞌ rán sú maa lúlí nijia kuéntáꞌ kua̱ꞌ íyó ɨɨn nikɨn kúlíꞌ máá lúlí, jee kuvi kachiꞌ rán nu̱u̱nꞌ yutun yaꞌá: “Kuiyo nu̱u̱nꞌ íñɨ́ nú yaꞌá jee kuáꞌán nakuneeꞌ nú nu̱u̱nꞌ nteñúꞌún”, kachiꞌ rán, jee kaníjiá yutun vá ya̱ káchíꞌ rán.

Lucas 18:6

Jee suni nkachiꞌ ka̱ꞌ I̱toꞌoꞌ‑ó: ―Teso̱ꞌo tu̱ꞌun káchíꞌ te̱e jiéꞌnéꞌ kua̱chi vá ya̱ ntu nááꞌ sáꞌá re̱ꞌ.

Lucas 19:8

Saájee nnakui̱ñɨ̱ꞌ nichiꞌ Zaqueo, jee nkachiꞌ‑i nu̱u̱nꞌ I̱toꞌoꞌ‑ó: ―Kune̱ꞌyá nú I̱toꞌoꞌ ni̱ꞌ, chi ku̱ꞌva ni̱ꞌ sava rá nantíñú kúmí ni̱ꞌ nu̱u̱nꞌ rá ñɨvɨ láꞌví, jee retú si̱kɨ̱ꞌ ka̱ꞌ nsi̱káa ni̱ꞌ nka̱neeꞌ ni̱ꞌ xu̱ꞌún néni ɨɨn rá ñɨvɨ, jee ku̱mi̱ꞌ íchí ka̱ꞌ naku̱ꞌva ni̱ꞌ maa nu̱u̱nꞌ ráa ―nkachiꞌ‑i.

Lucas 22:61

Jee nna̱koto I̱toꞌoꞌ‑ó nna̱kune̱ꞌyá yátá re̱ꞌ nu̱u̱nꞌ Pedro, jee nna̱ku̱ꞌun iniꞌ Pedro tu̱ꞌun I̱toꞌoꞌ‑ó sáá nkachiꞌ‑i nu̱u̱nꞌ re̱ꞌ: “Ne̱ ntiáꞌan ka̱ꞌ kana stóꞌo vitan, jee u̱ni̱ꞌ íchí kachiꞌ nú ya̱ ntu̱ví jíníꞌ nú nuꞌuꞌ.”

Lucas 24:34

Jee nkachiꞌ ráa ya̱: ―Máá nááꞌ nijia nxi̱nákóo Ndiosíꞌ I̱toꞌoꞌ‑ó nxi̱nátekuꞌ i̱i̱ꞌ nijia‑a maáréꞌ, jee ntu̱vi kájíkuitɨꞌ re̱ꞌ nu̱u̱nꞌ Simón ―nkachiꞌ ráa.

Lucas 7:13

Jee sáá niniꞌ I̱toꞌoꞌ‑ó Jesús ña, jee nku̱náꞌví iniꞌ re̱ꞌ ña, jee nkachiꞌ re̱ꞌ nu̱u̱nꞌ ña: ―Koto náꞌyúꞌ nú ―nkachiꞌ re̱ꞌ.

Lucas 7:20

Jee sáá nkenta ni núvíꞌ rá te̱e vá nu̱u̱nꞌ Jesús, jee nkachiꞌ ráa nu̱u̱nꞌ re̱ꞌ: ―Juan te̱e síkuánuté nchui̱chí re̱ꞌ ránuꞌuꞌ va̱ka̱tu̱ꞌún ráníꞌ nóꞌo: ¿Á maánú ví Cristo ya̱ nkachiꞌ Ndiosíꞌ ya̱ íyó kiji?, áxí, ¿á íyó kunetu ráníꞌ inka ka̱ꞌ? ―nkachiꞌ ráa.

Juan 11:2

(Jee María ví ñaꞌan ya̱ nchiꞌi ña aceite ya̱ jiáꞌánꞌ vi̱xi̱ꞌ jie̱ꞌe̱ꞌ I̱toꞌoꞌ‑ó, jee nxi̱náchi ña jie̱ꞌe̱ꞌ re̱ꞌ jín ixi xíníꞌ ña. Jee kúvi ña ku̱ꞌva Lázaro ya̱ kúꞌvíꞌ re̱ꞌ.)

Juan 4:1

Jee nni̱ꞌi̱nꞌ rá te̱e yɨ́ꞌɨ ñujiínꞌ fariseo tu̱ꞌun ya̱ kue̱ꞌe̱ꞌ ka̱ꞌ rá ñɨvɨ súkuáꞌa Jesús ráa jín ya̱ síkuánuté re̱ꞌ ráa nsú káꞌ Juan.

Juan 4:25

Jee nkachiꞌ ña nu̱u̱nꞌ re̱ꞌ: ―Ya jíníꞌ ni̱ꞌ ya̱ kiji Mesías, ya̱ káchíꞌ‑ó Cristo. Jee sáá kiaaꞌ re̱ꞌ jee nakachiꞌ va̱ꞌa re̱ꞌ nɨꞌɨ nu̱u̱nꞌ‑ó ―nkachiꞌ ña.

Juan 6:23

Jee rá inka ka̱ꞌ barkúꞌ va̱ji ichi ñuunꞌ Tiberias, jee nkenta rává yatin nu̱u̱nꞌ nneeꞌ ráa nyajiꞌ ráa i̱xta̱tíláꞌ sáá njia̱ꞌa Jesús ya̱ kútaꞌviꞌ nu̱u̱nꞌ Ndiosíꞌ jie̱ꞌe̱ꞌ‑e.

Apoclipsis 11:3

Jee ku̱ꞌva ni̱ꞌ tiñu kuniso ni uvíꞌ te̱e ni̱ꞌ sáva naku̱ꞌva ráa ya̱ naáꞌ jie̱ꞌe̱ꞌ tu̱ꞌun ni̱ꞌ. Jee ɨɨn mil u̱vi̱ꞌ sientúꞌ u̱ni̱xiko (1,260) ki̱vɨ̱ꞌ kachitu̱ꞌún ráa tu̱ꞌun kene yuꞌú ni̱ꞌ. Jee kuꞌun ráa saꞌma nayɨ́ ya̱ stúvi‑i ya̱ kukúeká iniꞌ ráa jie̱ꞌe̱ꞌ kua̱chi sáꞌá rá ñɨvɨ ―nkachiꞌ Ndiosíꞌ.